HPILIPI 4:19 - Jinghpaw Common Language Bible 2009

¹⁹ Dai rai nna nye a Karai Kasang chyawm gaw, hpung shingkang hte sut gan n taw n tsang lu su nga ai hte maren nanhte hpe Hkristu Yesu a marang e nanhte a ra mara hte hpe jahkum shatsup jaw ya na marin dai.

Jinghpaw Hanson Version Bible

¹⁹ Nye a Karai Kasang chyawm gaw, shi sutgan su nga ai hte maren, Hkristu Yesu hta e hpung shingkang hte nanhte a ra mara hte hpe jahkum shatsup na marin dai.

HPILIPI 4:19 ပူးပေါင်းရင်းမြစ်များ

NINGPAWT NINGHPANG 48:15

Dai hpang shi gaw Yosep hpe shaman ya wu ai: “Nye a kaji kawa ni rai nga ai Abraham hte Isak daw jau ai Karai Kasang gaw ndai ma yan hpe shaman ya u ga law! Ngai hpe lam woi nga ai Karai Kasang gaw ndai yan hpe dai ni jang shaman ya u ga law!

2 SAMUELA 22:7

Ngai ru tsang hkrum ai shaloi, dai Madu hpe ngai shaga nngai; karum la na matu nye a Karai Kasang hpe ngai shaga nngai. Shi a htingnu hta nye a nsen hpe shi na wu ai rai nna, karum la na matu nye a hpyi jahtau ai ga hpe shi madat ya nga sai.

2 HKAWHKAM LABAU 18:13

Rai ti mung Mihkaia mahtang, “Ahkrung nga ai dai Madu hku nna sha nye a Karai Kasang ngai hpe tsun ai ga hpe tsun na nngai,” ngu nna htan wu ai.

2 HKAWHKAM LABAU 31:8

Hkawhkam Hezekia hte shi a du salang ni gaw kade daram sa jaw da nga masai sumpum hpe sa mu jang, dai Madu hte Israela masha ni hpe shanhte shakawn kungdawn ma ai.

NEHEMIA 5:19

O Karai Kasang e, ndai amyu masha ni hpe ngai galaw ni ai amu a majaw ngai hpe chyeju madun na dum ya e law, ngu nna ngai nang kaw hpyi nem nngai.

NEHEMIA 9:15

“Shanhte kawsi hkrum yang, nang gaw shanhte hpe sumsing lamu na muk, shanhte hpang gara hkrum yang, lunghkrung kaw na hka, jaw nga ndai. Shanhte hpe jaw na ngu nang ga sadi jaw da sai dai mung hpe madu lu na lam nang shanhte hpe tsun nit dai.

SHAKAWN KUNGDAWN 104:24

Madu e, nang gaw amyu baw sumhpa hpe galaw da nit dai! Nang gaw yawng mayawng hte hpe hpaji rawng ai hku galaw da ni hka! Mungkan ga gaw nang hpan da ai hkrung mahkrung ni hte hpring nga ai.

SHAKAWN KUNGDAWN 130:7

Israela e, shi a tsaw ra myit gaw dinggrin anga nga ai hte; shi anhte hpe hkye hkrang la na matu, tut nawng e, ra sharawng nga ai majaw, dai Madu hta kam hpa nga mu.

SHAKAWN KUNGDAWN 36:8

Nang jaw ya ai n taw n tsang re ai lusha hta anhte lu sha ga ai; na a mai kaja ai chyeju hte lwi ai hka nu kaw na nang anhte hpe lu shangun mi ai.

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.

Daniela 6:22

Karai Kasang gaw hkanghkyi ni a n-gup ni hpe pat kau ya na matu shi a lamu kasa hpe shangun dat wu ai rai nna, ngai hpe machyi shangun lu ai n rai. Madu hkawhkam wa e, ngai gaw hpa mara n kap nga ai hte nang hpe mung n shut kau nngai gaw shi chye nga ai majaw ndai amu hpe shi galaw wu ai,” ngu nna htan wu ai.

MIHKA 7:7

Rai ti mung ngai gaw dai Madu hpe azi yu nga na nngai; ngai hpe hkye hkrang la ai Karai Kasang hpe kamhpa ai hte ngai ala nga na nngai. Nye a Karai Kasang gaw nye a ga madat ya na ra ai.

MALAHKI 3:10

Nanhte a htam shi hta na htam mi hpring hpring Nawku Htingnu de la sa wa mi, shaloi dai yang e lusha law law nga na ra ai. Ngai hpe chyam yu mi, shaloi sumsing lamu hkuwawt ni hpe ngai hpaw nna kaja ai arai baw hkum sumhpa yawng mayawng nanhte hpe nhpaw n-ya ru bun ai hpe nanhte mu lu na rai myit dai.

MAHTE 6:32

Ndai lam ni gaw Karai Kasang hpe n kam n sham ai tara maigan ni hta myit tsang ai lam ni rai nga malu ai. Ndai yawng mayawng hte hpe nanhte ra nga myit dai gaw, Sumsing lamu na nanhte a Kawa chye ya nga ai.

YAWHAN 20:17

Yesu gaw, “Ngai e hkum hkra et, hpa majaw nga yang, ngai Wa hpang de garai n lung wa nngai. Rai ti mung ngai nau ni hpang de wa nna nye a Kawa ngu ai nanhte a Kawa, nye a Karai Kasang ngu ai nanhte a Karai Kasang hpang de ngai lung wa sana da, ngu nna shanhte hpe wa tsun dan su,” ngu nna shi hpe tsun dat wu ai.

YAWHAN 20:27

Shaloi Yesu gaw Htawma hpe, “Na a layung nang e shawn yu nna, nye a lata ni hpe yu u; na a lata ladawn nna, nye a garep hpe mung manaw yu u; n kam hkum rai et, kam sham nga u!,” ngu wu ai.

ROMA 1:8

Nanhte a kam sham ai gaw mungkan ting chyam hkra kajai gumhkawng wa sai majaw Yesu Hkristu a jaw e nanhte mahkra a matu mara, nye a Karai Kasang hpe ngai shawng chyeju dum shakawn kungdawn nngai.

ROMA 11:33

Karai Kasang a chyeju gaw gade wa n taw n tsang law htam nga a hka! Karai Kasang a hpaji byeng-ya hte chye chyang ai lam gaw gade wa sung nga a hka! Shi a daw dan hparan ai lam ni hpe kadai wa sanglang htai dan lu a ta? Shi a lam ni hpe kadai wa chye na lu na a ta?

ROMA 2:4

Shing n rai nang gaw shi a n taw n tsang ai matsan dum ai chyeju hpe mung, myit sharang ai hte myit galu kaba ai hpe mung, nang n kaw n law di da wu ni? Karai Kasang gaw nang hpe myit malai lu shangun na matu lam madun woi awn nga ai rai nna shi gaw matsan dum lama ai Madu rai nga ai lam kaja wa nang chye nga ndai.

ROMA 8:18

Ya ndai prat e anhte hkrum hkra ai tsin-yam tsindam gaw du na ra ai aten hta anhte hpe hkam la shangun na ra ai hpung shingkang hte shadawn n ging nga ai ngu nna ngai myit nga nngai.

ROMA 9:23

Dai hta n ga Madu gaw shi a matsan dum lama ai lam hkam la na masha ni ngu ai anhte hpe shi a n hpaw n ya re ai hpung shingkang hpe mu lu shangun na matu ra sharawng nga ai. Dai ni gaw Karai Kasang a hpung shingkang hkam la lu na matu hkyen lajang shajin da sai masha ni rai nga ma ai.

2 KORINHTU 12:21

Nanhte hpang de ngai bai du ai shaloi Karai Kasang gaw ngai hpe nanhte a man e shagrit kau ai hkrum shangun na hpe ngai tsang nngai. Ya du hkra pyi myit malai n lu ai sha arawn alai hten nna ngang kayut ai hte nse nsa lam hkan nga ai ni law law a majaw, ngai hkrap myi prwi pru na hpe tsang nga nngai.

2 KORINHTU 4:17

Bai anhte jahkring jahkra hkrum hkra nga ai tsin-yam tsindam kaji kajaw mahtang gaw anhte hpe ruyak jam jau hta grau kaba ai hte htani htana re hpung shingkang hpe hkam la shangun na ra ai.

EHPESU 1:18

Madu gaw nanhte hpe hpa baw myit mada ai lam hta shaga la sai hpe mung Madu a amyu masha ni hpe ndat da ai mauhpa chyeju sali wunli ni gaw, kade wa n taw n tsang rai nga ai hpe mung,

EHPESU 1:7

Hpa majaw nga yang, Hkristu a si hkam ai lam a majaw, anhte shalawt dat ai hkrum ga ai; dai gaw nanhte a yubak mara ni hpe raw dat kau ya ai lam rai nga ai.

EHPESU 2:7

Shi ning rai galaw ai lam gaw Hkristu Yesu hta anhte hpe tsaw ra myit madun ai hta Madu a chyeju gaw laklai nna galu kaba nga ai lam htawm hpang prat dingsa e masha ni mu chye lu na matu rai nga ai.

EHPESU 3:16

Nanhte a kata na hkum ngu ai myit masin n- gun lapyin ja wa u ga, Karai Kasang gaw shi a hpung shingkang hte n taw n tsang re ai sut gan kaw na Wenyi a marang e nanhte hpe n- gun atsam jaw ya u ga, ngu nna mung,

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

HPILIPI 4:7

Shaloi masha a chye chyang ai nyan hta grau lai ai Karai Kasang a ngwi pyaw ai gaw nanhte a kraw lawang ni hte myit masin ni hpe Hkristu Yesu hta e bau sin na ra ai.

KOLOSE 1:27

Karai Kasang a shatawng shada ai lam gaw, masha amyu baw shagu a matu hpung shingkang rawng nna mauhpa hte sung htum ai mungga a lam shi a amyu masha ni hpe shadan dan na lam rai nga ai. Dai sung htum ai mungga gaw, Hkristu nan nanhte a kraw lawang hta shanu nga ai lam rai nga ai; lam mi hku tsun ga nga yang, nanhte gaw Karai Kasang hte rau dai hpung shingkang hpe hkam la lu na lam rai nga ai.

KOLOSE 3:16

Hkristu a mungga gaw nanhte a myit masin hta hpring tsup hkra shanu nga u ga. Hpaji byeng-ya nga manga hte nanhte shada da sharin achyin, matsun madun hkat nga mu. Shakawn kungdawn ga, mahkawn mangoi ai ga ni, Wenyi hte seng ai laka ga ni hte nanhte a kraw lawang hta Karai Kasang hpe chyeju dum ai hte mahkawn mangoi nga mu.

1 HTESALONI 2:12

Anhte gaw nanhte hpe n-gun jaw ai lam hte shadaw shalan ai lam galaw saga ai. Shi a mungdan hta shang sha lu na hte hpung shingkang hkam la lu mu ga, nanhte hpe shaga la ai Karai Kasang hpe sharawng awng shangun ai asak hkrung lam hta e hkawm sa nga na matu anhte matut manoi shadut jahkat saga ai.

1 TIMOHTI 6:17

Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.

HPILEMON 1:4

Ngai akyu hpyi ai ten shagu hta na a lam tsun nna nye a Karai Kasang kaw chyeju shakawn nngai.

1 PETRU 5:1

Hpung hpe yu gawn lajang nga ai ngai hpung salang wa langai mi zawn, hpung salang ni hta lawm nga ai nanhte hpe hpyi lajin dat nngai. Ngai gaw Hkristu hkam ai nni nkri ni hpe mu ai sakse langai mi hku nna mung, dan pru na ra ai hpung shingkang hpe nanhte hte rau hkam la na myit mada nga ai wa hku nna mung, nanhte hpe ngai hpyi nem made ai.

1 PETRU 5:10

Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.