HPILIPI 4:12 - Jinghpaw Common Language Bible 2009

¹² Ra kadawn ai ten hpe gara hku hkap hkrum manga kau na hpe ngai chye nngai; ra ai hta jan nna n taw n tsang lu ai ten hta gara hku nga na hpe mung ngai chye nngai. Lam shagu hte shara shagu hta, hpring tsup hkru kat na hte kawsi hpang gara hkrum na ten ni hta mung, n taw n tsang lu ai ten hte kadawn kata hkrum ai ten hta mung, myit pyaw myit dik let nga lu shangun ai makoi magap da ai hpaji hpe ngai sharin la lu se ai.

Jinghpaw Hanson Version Bible

¹² Shagrit kau ai hpe ngai chye nngai, n taw n tsang ai hpe mung ngai chye nngai: lam shagu hte shara shagu hta hkru kat na hte kawsi hpang gara ai rai timung, n taw n tsang ai hte kadawn hkrum na hpe rai timung, ngai sharin hkrup nngai;

HPILIPI 4:12 ပူးပေါင်းရင်းမြစ်များ

NEHEMIA 9:20

Na a mai kaja ai lam hta, shanhte hpa galaw ang ai lam nang shanhte hpe tsun ndai; nang gaw shanhte hpe manna jaw sha nna, lu hka ntsin jaw ndai.

ESAIA 8:11

Dai Madu gaw shi a daru magam n-gun kaba hte amyu masha ni hkan nga ai lam hta n hkan na matu ngai hpe sadi jaw wu ai. Shi gaw

YEREMIA 31:19

Anhte gaw nang kaw na kayin mat wa ga ai, rai ti mung, kade n na yang, bai nhtang wa na matu ra sharawng nga ga ai. Nang anhte hpe ari jaw ngut ai hpang, anhte a baw ni gaw yawn hkyen ai hta dukrung taru nga saga ai. Anhte gaw prat naw ram nga yang, anhte galaw shut kau ai yubak mara ni a majaw, kaya kahpa hte jahpoi jahpyak ai hkrum nga saga ai,’ nga tsun ma ai.

MAHTE 11:29

Ngai gaw myit sumnung ai hte myit gyip nga nngai rai nna, nye a kandang hpe hpai mu, nye a lam sharin la mu: dai rai yang, nanhte a myit masin ban sa ai hkrum na malit dai.

MAHTE 13:52

Bai shi gaw, “Dai rai nna sumsing lamu a Mungdan hta e sape langai mi tai wa sai tara sara shagu gaw, tinang a sut dek hta na nnan baw mung, dingsa baw mung shapraw ai nta madu wa hte bung nga ai,” ngu nna shanhte hpe htan mu ai.

2 KORINHTU 10:1

Nanhte a man e akya shala rai myit grit myit nem ai lam madun nhtawm, nanhte hte tsan gang jang laja lana nden marai madun ai wa, ngu shatan hkrum ai ngai Pawlu nan nanhte hpe lajin dat made ai.

2 KORINHTU 10:10

Hpa majaw nga yang, masha nkau mi gaw, “Pawlu a laika ni gaw grai sawng nna n-gun atsam namnak rawng ai laika ni rai lu ai, rai ti mung shi hkum nan anhte hte rau nga ai shaloi, shi gaw n-gun kya nna hpung n rawng ai hte shi a ga ni hpa tang n du lu ai,” nga nna tsun ma ai.

2 KORINHTU 11:27

Bungli hte kyin dut ai, law law lang yup n lu sha ai, kaw si hpang gara hkrum ai, law law lang, lusha dumhprut ai, shingbyi shara n lu ai hte singgu krin re ai tsin yam ahkrum nga nngai.

2 KORINHTU 11:7

Ngai gaw nanhte hpe shagrau shatsaw na matu ngai hkum nan hpe shagrit kau nna, jahpu n hpyi ai sha Karai Kasang a kabu gara shiga nanhte hpe hkaw dan ni ai. Shing rai galaw ai gaw ngai hta shut ai lam rai ni?

2 KORINHTU 11:9

Dai hta n ga, ngai gaw nanhte hte rau nga nga ai ten e ja gumhpraw ra wa ai shaloi karum la na matu ngai nanhte hpe n shatsang nngai. Makedoni mung na sa du ai hpu nau ni chyawm gaw ngai ra mara a matu la sa wa ya ma ai. Lai wa sai ten hta mung, nanhte hpe lit n shali nngai zawn, du na ra ai ten hta mung nanhte hpe ngai galoi mung lit n shali na nngai.

TARA JAHPRANG 32:10

“Katsi katsang, akrin akraw, nbung sha ahpawt ai nam mali hku brak hkawm nga ma yang, shi shanhte hpe mu la wu ai. Shi hkum hpe makawp maga da wu ai zawn shi shanhte hpe makawp maga ai hte lanu lahku la nga ai.