HPILIPI 3:7 - Jinghpaw Common Language Bible 2009

⁷ Rai ti mung nye a matu amyat re ai nga nna tsun lu ai arai ni yawng gaw, ya e Hkristu a jaw e sum mat ai lam re ngu nna ngai nawn nngai.

Jinghpaw Hanson Version Bible

⁷ Rai timung nye a amyat ngu ai yawng hte gaw, Hkristu a jaw e sum mat ai lam rai nga ai, ngai nawn nga nngai.

HPILIPI 3:7 ပူးပေါင်းရင်းမြစ်များ

NINGPAWT NINGHPANG 19:17

Dai hpang lamu kasa langai mi gaw, “Na a asak lawt lu hkra hprawng u! Shingdu de hkum kayin yu et! Kadit hkam wam hta mung hkum hkring et; sat kau ai mung nang n hkrum ru ga, kawng ni de kagat lung wa u,” ngu nna tsun wu ai.

NINGPAWT NINGHPANG 19:26

Rai ti mung, Lawt a madu jan chyawm gaw hpang de nhtang yu nna jum shadaw tai mat lu ai.

YOBA 2:4

Satan gaw, “Masha gaw asak hkrung nga lu na matu lam shagu hpe asum hkam shagawm kau na rai nga ai.

GA SHAGAWP 13:8

Sut su ai masha gaw shi a gumhpraw hte shi a asak hpe hkye hkrang la nga ai; matsan mayan re ai masha wa hpe chyawm gaw kadai mung jahkrit shama ai lam n galaw nga ai.

GA SHAGAWP 23:23

Teng man ai, hpaji byeng-ya sharin achyin ai hte chye chyang ai ni hpe manu jahpu jaw nna mari la ging nga ai rai tim, dai gaw manu nau dan ai majaw dut kau na lahpawt lama kaba rai nga ai.

HPAJI NINGLI 3:6

Shi gaw mu tam la ai aten hte shamat kau ai aten hpe mung, mahkawng da ai aten hte kabai kau ai aten hpe mung,

MAHTE 16:26

Bai, masha gaw mungkan ting hpe awm dawm madu lu da nna tinang a asak sum mat a yang gaw, shi a matu hpa akyu nga lu ta? Masha gaw, hpa gawng malai hkungga hte wa tinang a asak hpe shaw la lu na a ta?

MARKU 10:50

Shi gaw shi a hpun nba raw kau da ai hte, gumlawt rawt nna Yesu hpang de sit sa wa ai.

LUKA 14:26

“Ngai hpang de sa ai wa kadai rai ti mung, tinang a kanu kawa, tinang a madu jan kasha ni hte tinang hkum nan hpe tsaw ra ai hta ngai hpe grau tsaw ra ai wa sha n rai yang gaw, nye a sape n tai lu ai.

LUKA 14:33

Dai hte maren, nanhte hta na tinang a arai nga manga hpe n kau da lu ai wa gaw, nye a sape n tai lu ai,” ngu nna tsun mu ai.

LUKA 16:8

Ndai zawn, bawnu shachyai nna hpaji hte chye galaw ai majaw, madu gaw kunhting wa hpe shakawn wu ai, hpa majaw nga yang, ndai mungkan ga a kashu kasha ni gaw, shanhte a mungkan amu magam lam galaw gun hpai sa wa ai hta, nhtoi hte seng ai kashu kasha ni hta grau nna hpaji rawng nga ma ai.”

KASA 27:38

Masha shagu hkru hkra sha ngut jang shanhte hkaulan n-gu ni hpe hka de kabai bang kau ai hte sanghpaw li hpe shatsang mu ai.

HEBRE 11:26

Shi gaw Meshia a matu jahpoi asawng hkrum ai gaw Egutu mungdan a sutgan yawng mayawng hta grau kaja reng nga ai ngu nna myit nawn wu ai, hpa majaw nga yang, shi gaw du na ra ai aten hta bai lu la na shagrau kumhpa hpe myit nga ai.