HPILIPI 3:6 - Jinghpaw Common Language Bible 2009

⁶ Myit lawm shakut sharang ai lam hpe tsun ga nga yang ngai gaw hpung hpe zingri zingrat ai wa rai nngai. Masha langai mi gaw jep ai Tara hpe hkan sa shadik nna ding hpring ai hpe lu la lu ai nga yang ngai hta mara n kap ai.

Jinghpaw Hanson Version Bible

⁶ Jep ai tara tau yu yang ngai Hparishe rai nga nngai: ngai shakut sharang ai lam tau yu yang, dai Hpung hpe zingri zingrat nngai; jep ai tara na dinghpring ai lam tau yu yang, ngai mara n kap nngai.

HPILIPI 3:6 ပူးပေါင်းရင်းမြစ်များ

2 SAMUELA 21:2

(Gibeon masha ni gaw Israela masha ni n rai ma ai. Shanhte gaw Israela masha ni e makawp maga la na matu ga sadi jaw da hkrum ai Amori masha ni hta na amyu kaji ni sha rai nga ma ai; rai ti mung Shawlu mahtang Israela hte Yuda masha ni a akyu matu grau myit sharawng wu ai majaw shanhte hpe jahten shabyak kau na maw wu ai.)

2 HKAWHKAM 10:16

“Ngai kaw hkan nang nna dai Madu hta ngai gade sha kam sham nga nngai hpe nang nan mu na ndai,” ngu nna tsun htang wu ai. Dai hpang shan gaw rau sha Samari mare de jawn sa mat wa ma ai.

HPAJI NINGLI 7:16

Dai rai nna nau wa hkum kaja dum et; nau wa mung hpaji hkum rawng dum et-hpa majaw na a hkum hpe sat kau na rai ta?

JAW JAU 13:16

Rai ti mung, hpye ai ningma hpe tsi kau ngut ai hpang bai hpraw wa yang gaw, hkinjawng wa hpang de bai sa madun na rai wu ai;

MAHTE 23:25

“Hpyi hpun ai Tara sara ni hte Hparishe ni e, nanhte dingnye lu myit dai! Nanhte gaw nanhte a gawm hte shat wan re ai ni a shinggan maga hpe jasan jaseng mu ti mung, nanhte a myit kata de gaw kashun kashe hte tinang a akyu tam ai n tara ai hte hpring chyat rai nga malit dai.

MAHTE 5:20

Dai rai nna, ngai nanhte hpe tsun made ai gaw, Karai Kasang a myit ra ai lam hpe hkan sa galaw ai lam hta Hparishe ni hte tara sara ni hta n grau malit yang gaw, sumsing lamu a mungdan hta nanhte shang lu na myit dai n rai.

LUKA 1:6

Dai yan gaw Karai Kasang a man e ding hpring ai yan rai nga ma ai. Shan gaw Madu a jep ai tara nga manga hte hkang da mada yawng hpe htep lahti hkan nang ma ai.

KASA 21:20

Shing nga tsun dan ai hpe na jang shanhte yawng Karai Kasang hpe shagrau sha-a ma ai. Dai hpang shanhte gaw Pawlu hpe, “Hpu wa e Yuda masha ni hta na kam sham ai ni gade hkying mun law nga ma ai lam, shanhte yawng dai jep ai Tara hta myit jung ai hkrai rai nga ma ai lam nang chye nga ndai.

KASA 22:5

Ngai tsun nga ai lam teng nga ai gaw Hkinjawng Agyi Kaba wa hte salang hpawng ting sakse hkam lu ma ai; ngai gaw shanhte kaw na, Damasku mare e nga ai Yuda hpu nau ni hpang de ka dat ai laika ni hpe la gun let dai mare e nga ai Yesu a lam hkan ai masha ni hpe rim la nna Yerusalem mare de gyit dun wa nhtawm zingri na matu dai de lung wa nngai.

KASA 26:5

Galoi mung shanhte ngai hpe chye nga ma ai majaw, anhte a nawku htung na ja dik ai tara hkan ai Hparishe hpung hta ngai lawm nga nngai gaw, shanhte sakse hkam mayu yang, hkam lu ma ai.

KASA 8:3

Rai ti mung Shawlu gaw hpung hpe hpya jahtum kau na matu shakut nga ai. Shi gaw nta langai hte langai shang nna kam sham ai numsha lasha ni hpe garawt ahkyik la nhtawm htawng hta sharen da mu ai.

ROMA 7:9

Ngai hkum nan dai jep ai Tara hpe hpa n chye ai sha asak hkrung ai aten lang mi nga lai wa yu sai; rai ti mung dai jep ai Tara hpe ngai chye wa ai hte rau yubak gaw rawt prawn wa sai.

1 KORINHTU 10:32

Yuda amyu masha ni a matu mung, maigan masha ni a matu mung, Karai Kasang a Hpung a matu mung, ahtu kataw shara hkum tai nga myit.

1 KORINHTU 15:9

Hpa majaw nga yang, kasa ni hta kaji htum ai wa ngai rai nga nngai-Karai Kasang a Hpung hpe zingri zingrat nngai majaw, kasa ngu na pyi n ging n dan nngai.

HPILIPI 2:15

Shing rai yang she nanhte gaw arawn alai hten run nna yubak lu ai ni nga ai ndai mungkan hta mara n kap nna myit masin san seng ai Karai Kasang a kashu kasha majing ni zawn tai wa na myit dai. Shing rai nanhte gaw asak jahkrung ya ai mungga hpe hkaw tsun nga let lamu ting hpe jahtoi ya ai ahtoi hkum ni zawn shanhte a ka-ang e htoi tu nga lu na rai myit dai.

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

1 TIMOHTI 1:13

Ngai chyawm gaw lai wa sai ten hta Madu hpe n kaja ai hku mara shagun tsun shatan ai zingri zingrat ai hte roi asawng re ai wa rai nngai. Rai ti mung Karai Kasang gaw ngai hpe matsan dum nga ai; hpa majaw nga yang, ngai hta makam masham garai n rawng ai rai nna ngai hpa galaw nga ai hpe ngai n chye we ai.

TARA AGYI 6:30

Dai hpang shanhte gaw Yoasha hpe, “Nang e, na a kasha hpe shapraw ya mi; shaloi shi hpe anhte sat kau lu na ga ai! Bala tawn hkungri hpe shi run kau nhtawm de a makau na Ashera a masat dingsat hpe kran daw kau nu ai,” ngu nna tsun mu ai.