HPILIPI 3:5 - Jinghpaw Common Language Bible 2009

⁵ Ngai gaw asak matsat ya nhtoi hta matu gadoi hkam nngai; Israela amyu Benyamin a aru arat hte Hebre masha hta na Hebre sai jet rai nga nngai. Yuda ni a jep ai Tara hpe hkan sa shatup ai hku she yu ga nga yang ngai Hparishe rai nga nngai.

Jinghpaw Hanson Version Bible

⁵ Ngai gaw matsat ya nhtoi e matu gadoi hkam nngai; Israela amyu, Ben-yamin a aru arat hte, Hebre masha hta na Hebre majing, rai nga nngai:

HPILIPI 3:5 ပူးပေါင်းရင်းမြစ်များ

NINGPAWT NINGHPANG 14:13

Rai ti mung, hprawng lawt wa ai masha langai mi gaw Amori masha Mamre madu da ai dai chyoi pra ai hpun ni tu ai shara makau e naw nga ai Hebre masha Abram hpang de dai lam yawng sa tsun dan wu ai. Mamre hte shi a kahpu kanau yan rai nga ai Eshkola hte Anera ni chyawm gaw Abram hte ga shaka tawn da ai jinghku ni rai ma ai.

NINGPAWT NINGHPANG 40:15

Ngai gaw Hebre masha ni a mung kaw nna shagyeng rim woi la hkrum ai wa rai nga nngai. Ya ndai Egutu mung hta mung htawng e rim bang da hkrum na daram kaba ai ari hte ging dan ai amu hpa hpe mung n galaw shut kau yu nngai,” ngu nna tsun dan wu ai.

NINGPAWT NINGHPANG 41:12

Dai sin langa du wa ai mayam ngu ai Hebre shabrang langai mi mung dai yang e an hte rau sharen da ai hkrum wu ai. Shi hpe yup mang ni hkai dan ga ai rai nna an a matu dai ni hpe shi htai ya mi ai.

YONA 1:9

Yona gaw, “Ngai gaw Hebre masha rai nga nngai. Ngai gaw hkarang hte panglai hpe hpan da ai dai Madu sumsing lamu a Karai Kasang hpe nawku nngai,” ngu nna htan wu ai.

LUKA 1:59

Ya matsat ya nhtoi hta e dai ma hpe matu gadoi na matu shanhte sa ma ai rai nna, shi a kawa a mying hte maren Zahkaria ngu nna shamying mayu ma ai.

LUKA 2:21

Bat mi a hpang, matsat ya ngu na shani, ma hpe matu gadoi lam jaw na aten du jang, hkritung hkriwang e shi garai n rawng yang lamu kasa shamying da ai amying hte maren, shi hpe Yesu ngu nna shamying mu ai.

LUKA 5:38

Sabyi nnan hpe sabyi ndum nnan hta bang da na rai nga ai.

KASA 22:3

“Ngai gaw Kiliki mung na Tarshu mare e shangai ai Yuda masha rai nga nngai. Rai ti mung ndai Yerusalem hta Gamale a jawngma langai mi hku nna kaba wa nna, anhte a ji wa ni a ja la ai jep ai Tara htung hking hte maren azin ayang sharin achyin la nna dai ni nang e nga nga ai nanhte ni zawn Karai Kasang a magam bungli gun hpai na matu myit rawt ai hte ap nawng da nngai.

KASA 23:6

Dai hpawng nga ai ni hta nkau mi Saduke ni nkau mi Hparishe ni rai nga ma ai hpe Pawlu mu chye jang shi gaw dai salang hpawng hpe, “Hpu nau ni e, ngai gaw Hparishe rai nga nngai; Hparishe kasha mung rai nga nngai, si ai ni bai hkrung rawt na myit mada ai lam a majaw ngai jeyang hkrum nga nngai,” ngu nna jahtau dat wu ai.

KASA 6:1

Ya gade nna yang, Sape ni law htam wa ma ai rai nna Grik ga shaga ai Yuda ni hte Yuda majing ni a lapran e aput angun nga nna ga shai hkat wa ma ai. Grik ga shaga ai Yuda masha ni mahtang shani shagu jai na gumhpraw garan ai hta shanhte a maga na gaida jan ni hpe hprai kau nna shadawng da ya mi ai, nga nna tsun mara ai.

ROMA 11:1

Dai rai nna ngai san yu n ga, Karai Kasang gaw shi a amyu masha ni hpe kabai kau nu ni? Shing n rai law! Ngai hkum nan Israela masha rai nga nna, Abraham a aru arat hte Benyamin a bawsang rai nga nngai.

2 KORINHTU 11:22

Shanhte Hebre masha ni rai ma ni? Ngai mung rai nngai. Shanhte Abraham a aru arat ni rai ma ni? Ngai mung rai nga nngai.

1 SAMUELA 4:6

Hpilisti masha ni dai jahtau garu ai nsen na jang, “Hebre dap e jahtau garu ai nsen yawng hpe madat yu mu! Dai gaw hpa baw lachyum rai nga a ta?,” ngu nna tsun ma ai. Hebre dap e dai Madu a Ga Shaka Sumpu du nga sai hpe shanhte mu chye ma ai shaloi,