HPILIPI 3:21 - Jinghpaw Common Language Bible 2009

²¹ Shi gaw arai yawng mayawng hte hpe shi a npu e tawn da lu ai hpung shingkang daru magam atsam hte anhte a si chye ai hkum hkrang ni hpe galai kau nna shi a hpung shingkang rawng ai hkum hkrang hte bung hkra galai shachyaw ya na ra ai.

Jinghpaw Hanson Version Bible

²¹ Shi gaw arai yawng mayawng hpe tinang a npu e tawn da lu ai atsam shachyen nga ai hte maren, anhte a grit nga ai hkumhkrang hpe ningnan galai nna, shi a hpung shingkang rawng ai hkumhkrang hte bung hkra, shachyaw jahtap na ra ai.

HPILIPI 3:21 ပူးပေါင်းရင်းမြစ်များ

Shawlumon A Mahkawn Ga 1:11

Rai ti mung, anhte gaw gumhpraw hte sumli da ai ja saidawng langai na a matu galaw ya na ga ai.

ESAIA 25:8

Dai Tsaw Htum ai Madu gaw si hkrung si htan hpe htani htana jahten kau na ra ai! Shi gaw masha shagu a myi ni kaw na hkrat ai myi prwi ni hpe katsut kau ya nna, shi a amyu masha ni mungkan ting hta hkrum sha lai wa sai kaya kahpa hpe mung la kau ya na ra ai. Dai Madu shi nan tsun nu ai.

ESAIA 26:19

Si mat sai anhte a amyu masha ni bai hkrung wa na mara ai! Shanhte a hkum hkrang ni hta asak bai rawng wa na ra ai. Shanhte a lup sung hku ni hta yup pyaw nga ai ni yawng hprang wa nna kabu gara mahkawn mangoi wa na mara ai. Htoi tu kabrim ai numri gaw ginding aga hpe n-gun awai ya ai zawn, dai Madu gaw moi chyaloi nhkoi kaw nna si mat sai ni hpe jahkrung la na ra ai.

HOSEA 13:14

Ndai amyu masha ni hpe katsan ga kaw nna hkye la na n rai; si du a lata kaw nna mung shanhte hpe mawai la na n rai. Sidu e, na a ana zinli woi shapraw dat u! Katsan ga e, na a hten byak lam shapraw dat u! Ndai amyu masha ni hpe ngai galoi mung matsan yu dum na nngai n rai.

MAHTE 17:2

Shaloi, shanhte a man e shi a ahpraw nsam galai mat wa ai hte, shi a myi man gaw, jan zawn htoi kabrim wa nna, shi a hpun palawng ni nhtoi zawn hpraw tu wa lu ai.

MAHTE 22:29

Yesu htan let, shanhte hpe tsun mu ai gaw, “Nanhte gaw, Chyum Laika hpe mung, Karai Kasang a n-gun atsam hpe mung n chye ai majaw lam dam mat manit dai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

ROMA 8:29

Shi a Kasha gaw kahpu kanau lanlak hta e kasha alat ningshawng tai u ga, Karai Kasang gaw shi lata san da sai ni hpe mung, shi a Kasha a gawng shingyan hte bung wa na masha lata san da mu ai.

KOLOSE 3:4

Nanhte a asak majing gaw Hkristu rai nna, shi bai dan pru ai shaloi anhte mung shi hte rau hpung shingkang hta dan pru na raga ai.

1 YAWHAN 3:2

Tsaw ra ai ni e, anhte ya e Karai Kasang a kashu kasha ni rai nga ga ai, rai tim hpang de anhte hpa mi tai na dan leng hkra garai n chye lu ga ai: rai ti mung Hkristu dan pru ai shaloi anhte shi hte bung na ga ai, hpa majaw nga yang shi nan teng teng rai nga ai hpe anhte mu lu na gaw ai.

SHINGRAN 1:8

Ngai gaw ningshawng wa mung rai nga nngai, jahtum wa mung rai nga nngai, nga nna ndai prat e mung, moi prat e mung, du na ra ai htawm hpang prat e mung anga nga ai Chyahtum Chyalai n-gun atsam rawng ai Madu Karai Kasang gaw tsun nga ai.