HPILIPI 3:18 - Jinghpaw Common Language Bible 2009

¹⁸ Ndai lam shawng de ngai nanhte hpe law law lang tsun dan yu ni ai. Ya mung myi prwi hte kahtap nna tsun dan nga nngai. Wudang ntsa e Hkristu a si hkam ai lam hpe hpyen tai nna asak hkrung ai masha law law nga nga ma ai.

Jinghpaw Hanson Version Bible

¹⁸ Kaning rai nme law, shawng e ngai nanhte hpe law law lang tsun dan nna, ya e pyi hkrap let nanhte hpe tsun dan nga nngai hte maren, Hkristu a wudang hpe n dawng n yawt ai ni law law wa brang hkawm nga ma ai.

HPILIPI 3:18 ပူးပေါင်းရင်းမြစ်များ

SHAKAWN KUNGDAWN 119:136

Masha ni na a tara hpe n madat n mara nga ma ai majaw, nye a myi prwi ni gaw hka nu zawn lwi nga li ai.

ESAIA 8:11

Dai Madu gaw shi a daru magam n-gun kaba hte amyu masha ni hkan nga ai lam hta n hkan na matu ngai hpe sadi jaw wu ai. Shi gaw

YEREMIA 13:17

Dai ga ni hpe nang n madat ai rai yang, na a gumrawng gumtawng ai myit a majaw, ngai gaw n dan n leng ai shara hta hkrap na nngai; Dai Madu a amyu masha ni gaw bawng dung hkrum ai ni zawn rim hkrum nga ma ai majaw, ngai gaw ahkup ahka nga hkra hkrap ai hte nye a myi prwi lwi na ra ai.

YEREMIA 9:1

Nye a baw gaw hka htung hka, nye a myi ni gaw myi prwi hka hpawk tai mat na ngai ra sharawng nngai, shaloi ngai gaw sat kau hkrum sai nye a amyu masha ni a matu shani shana hkrap lu na rai nngai.

Daniela 4:37

“Ya chyawm gaw, Ngai Nebuhkadneza nan sumsing lamu na Hkawhkam a hpung shingkang hpe shakawn kungdawn, shagrau sha-a nngai. Shi galaw ai lam magup mung jaw ai hte teng man nga ai rai nna shi gaw gumrawng gumtawng ai hte amu galaw ai ni kadai hpe mung shagrit kau nga ai.

JAW JAU 13:8

Hkinjawng wa shi hpe bai jep yu nhtawm dai gyi ku ningma shi a hpyi shan hta kaba jat wa ai rai yang, hkinjawng wa gaw shi hpe n san n seng nga ai nga nna tsun na rai wu ai; dai gaw manggang ana rai nga ai.

LUKA 19:41

Shi gaw Yerusalem mare hte grau ni wa nna, dai mare hpe mu mada ai shaloi, de a matu shi hkrap nna,

KASA 20:19

Yuda masha ni a n hkru n kaja ai maw mawn ai lam a majaw, matsan jam jau ru yak tsin yam hkrum ai ten hta ngai myi prwi law law hkrat let nachying myit shagrit shanem ai hte Madu a shangun ma rai nga nngai hte maren shi a magam gun hpai nngai.

ROMA 9:2

Nye amyu masha ni nye a sai daw sai chyen ni a matu nye a kraw lawang e matut manoi ngai hkam sha nga ai yawn hkyen ai hte machyi hkrum ai lam gaw ngai tsun na nga yang grai kaba la nga ai n rai ni?

1 KORINHTU 1:18

Hpa majaw nga yang, Hkristu a wudang ntsa e si hkam ai lam ngu ai dai wudang a mung sumtu ga lachyum gaw, asak wenyi sum mat hkrum ai ni a matu, lachyum n pru ai angawk angak ga rai nga ai, rai ti mung, hkye hkrang la hkrum ai anhte a matu gaw, Karai Kasang a atsam rai nga ai.

1 KORINHTU 6:9

N hkru n kaja ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit; hpye ai amu galaw ai ni, gawkngu sumla nawku ai ni, num shaw ai ni, la shada tam ai ni,

2 KORINHTU 11:13

Dai masha ni gaw teng man ai “Kasa ni” n rai ma ai. Shanhte gaw Hkristu a kasa jet ni zawn san hkra hpyi hpun nhtawm masu hkalem bungli galaw ai ni rai ma ai.

2 KORINHTU 11:29

Gawng kya ai wa langai ngai nga yang, ngai mung gawng kya ai hpe hkam sha nngai, masha langai ngai yubak hta kataw mat yang, ngai myit ru nga nngai.

2 KORINHTU 2:4

Ngai gaw tsin-yam tsindam myit ru myit yak grai hkrum nna myi prwi law law pru let dai laika hpe ka dat se ai. Nye a yaw shada ai lam gaw nanhte hpe myit yawn shangun na matu n rai; Nanhte hpe ngai gade daram tsaw ra nga ai hpe chye shangun mayu ai majaw ka dat ai rai nga ai.

GALATI 1:7

Kaja wa nga yang Kabu Gara Shiga kaga mi n nga sai; rai ti mung ndai ya ngai tsun nga ai gaw, Hkristu a Kabu Gara Shiga hpe galai jashai shabyak kau na matu shakut nga ai masha nkau mi nanhte hpe myit ung ang mat hkra sharu shatsang nga ma`ai majaw tsun ai re.

GALATI 2:14

Ya shanhte Kabu Gara Shiga a teng man ai lam hta ding ding n hkawm n sa nga ma ai hpe ngai mu mawe ai shaloi, shanhte yawng a man e Petru hpe, “Nang gaw Yuda masha rai nga ninglen Yuda masha zawn n rai, maigan masha ni zawn rai nga nhtawm me, maigan masha ni hpe Yuda masha ni zawn sak hkrung nga lu hkra kaning di shadut shagwi lu na n ta?,” ngu nna ngai tsun we ai.

GALATI 2:21

Ngai gaw Karai Kasang a chyeju hpe ningdang kau na hkraw nngai n rai; hpa majaw nga yang masha gaw jep ai tara hte Karai Kasang a man e ding hpring wa lu ai rai yang gaw, Hkristu gaw kaman lila sha si hkam kau nu ai.

GALATI 5:21

n su n nawn ai, chyaru nang ai lam, sawse lawklek ai hte dai hte bung ai lam ni rai nga ma ai; shing rai galaw ai ni gaw Karai Kasang a Mungdan a sali wunli hkam la na n rai, shawng e tsun dan sai hte maren, ya mung nanhte hpe tsun madun nga nngai.

GALATI 6:12

Matu gadoi hkam la na matu nanhte hpe adip arip di nna shangun ai masha ni gaw, shinggan masat maka kumla ni a matu arawng mala madun sha ai ni rai ma ai. Rai ti mung shanhte shing rai galaw ai lam gaw Hkristu a wudang a majaw zingri zingrat ai hkrum na hpe tsang ai majaw rai nga ai.

GALATI 6:14

Ngai chyawm gaw, anhte a Madu Yesu Hkristu a wudang hta kaga hpa lam hta mung arawng mala gumrawng na nngai n rai, hpa majaw nga yang, shi wudang hta jen sat hkrum ai a majaw, mungkan ga gaw nye a matu jasi tai mat nna, ngai mung mungkan ga a matu jasi tai mat ni ai.

EHPESU 4:17

Manu n rawng ai myit mang ai lam lu ai maigan masha ni zawn matut nna asak n hkrung na matu Madu a mying ningsang hte ngai nanhte hpe sadi jaw made ai.

HPILIPI 1:4

Ngai nanhte a matu akyu hpyi ai ten shagu hta kabu gara ai hte hpyi nngai.

1 HTESALONI 4:6

Ndai zawn re ai amu hta nanhte kadai wa mung, tinang a Hkristan hpu nau wa hpe shut hpyit ai lam shing n rai, hpu nau wa a ntsa e ahkaw ahkang la ai lam n mai galaw myit dai. Ndai lam shawng de nanhte hpe anhte tsun dan yu saga ai rai nna Karai Kasang gaw shut hpyit tawt lai ai ni hpe ari jaw na ra ai lam nanhte hpe aja awa sadi jaw dat ga ai.

2 HTESALONI 3:11

Anhte ndai lam hpa majaw tsun ga ta? nga yang, nanhte hta na masha nkau ni gaw lagawn ai hte asak hkrung nna, hpa mung n galaw ai sha, masha kaga ni a amu hta shang shalau lawm chye ai ni nga ma ai hpe anhte na lu ga ai.

2 PETRU 2:10

Grau nna hkum shan a matsat shabat ngang kayut ai lam hta hkan sa nna Karai Kasang a ahkang aya hpe n gawn n sawn ai ni gaw shing re ai lam ni hkrum na mara ai, Ndai masu ai sara ni gaw grai gwi nna gumrawng gumtawng re ai hte ning tsa de na hpung shingkang rawng ai ni hpe hkungga lara ai lam n madun ai sha shanhte hpe asawng asang di ma ai.

YUDA 1:13

Ja la ai panglai hka leng ni hte mung bung ma ai; shanhte a kaya kahpa amu ni hpe panglai hka leng hkum bawp zawn dan leng pru wa shangun nga ai. Shanhte gaw prang hkawm nga ai shagan zawn rai ma ai. Shanhte hpe Karai Kasang gaw sung dik ai ningsin kata hta shanhte a matu shara langai mi lajang da ya manu ai.