HPILIPI 3:17 - Jinghpaw Common Language Bible 2009

¹⁷ Hpu nau ni e nanhte yawng hte gaw ngai kaw na kasi yu la nga mu; anhte madun dan sai kasi ningli kaja hkan sa ai ni hpe yu matsing nga mu.

Jinghpaw Hanson Version Bible

¹⁷ Hpunau ni e, nanhte hpawm nna nye a samnang ai ni tai nga mu; anhte gaw nanhte a ningli tai ga ai hte maren, dai zawn hkan nang ai ni hpe yu matsing nga mu.

HPILIPI 3:17 ပူးပေါင်းရင်းမြစ်များ

SHAKAWN KUNGDAWN 37:37

Mai kaja ai masha wa hpe matsing da u, ding hpring ai masha wa hpe maram masam yu u; ngwi pyaw sim sa ai masha wa gaw aru arat law law lu nga ai;

ROMA 16:17

Bai hpu nau ni e, nanhte hkam la sai sharin shaga ai lam hpe nhtan shai je hpre let, shabra sharun ai hte masha ni a makam masham hpe myit kataw shara shabyin ai ni hpe joi yu nna shanhte hpe koi yen nga myit ga, ngai nanhte hpe shadum dat made ai.

1 KORINHTU 10:32

Yuda amyu masha ni a matu mung, maigan masha ni a matu mung, Karai Kasang a Hpung a matu mung, ahtu kataw shara hkum tai nga myit.

1 KORINHTU 11:1

Dai rai nna ngai gaw Hkristu a kasi hpe la ai zawn, nanhte mung nye a kasi hpe la mu.

1 KORINHTU 4:16

Dai re ai majaw nye a kasi hkan ai ni tai nga mu ga ngu nna ngai nanhte hpe hpyi lajin made ai.

HPILIPI 4:9

Nye a ga ni hte galaw shamu shamawt ai lam ni hpe mu yu, na yu nna sharin la ai hte hkap la hkan galaw nga mu; shaloi ngwi pyaw ai a npawt Karai Kasang gaw nanhte hte rau anga nga na ra ai.

1 HTESALONI 1:6

Nanhte gaw anhte a kasi ningli hte Madu a kasi ningli hpe len la hkan sa nga myit dai. Nanhte gaw nni nkri ru yak jam jau law law hkrum hkra myit ti mung, dai Kabu Gara Shiga hpe Chyoi Pra ai Wenyi kaw na lu la ai kabu gara sharawng awng ai myit hte hkap la myit dai.

2 HTESALONI 3:14

Ndai laika hta nanhte hpang de anhte ka shagun dat ai mungga hpe n madat n mara ai masha langai ngai nga ai rai yang gaw, shi hpe matsing da nna, shi kaya mat u ga, shi hte hkum kanawn nga myit.

2 HTESALONI 3:7

Nanhte gaw anhte galaw dan ai len ningli hte maren hkan galaw ang myit dai lam nanhte nan atsawm sha chye nga myit dai. Nanhte hte rau anhte nga nga ai ten hta anhte ni lagawn ai lailen n madun ga ai.

2 HTESALONI 3:9

Anhte ning rai galaw ai gaw, anhte hta nanhte kaw na karum madi shadaw ai hpe hpyi na ahkang n nga ai majaw n rai, nanhte hkan sa na matu kasi ningli tai u ga, ngu nna she galaw ga ai.

1 TIMOHTI 4:12

Nang asak naw kaji ai brang ram rai nga ndai majaw, kadai mung nang hpe n yu kaji kau u ga, tsun ai ga hta mung, arawn alai hta mung, tsaw ra ai hta mung, makam masham hte myit san seng ai hta mung, kam sham ai ni a matu mara kasi kamang tai nga u.

HEBRE 13:7

Nanhte hpe Karai Kasang a mungga tsun dan lai wa sai shawng de na nanhte a lam woi ningshawng ni hpe myit dum nga mu. Shanhte kaning rai asak hkrung nna gara hku si wa masai hpe amyit dum nga nna, shanhte a makam masham hpe len ningli la nga mu.

1 PETRU 5:3

Nanhte bau maka na matu nanhte a lata hta ap da sai dai hpung hpe up Madu mayu ai myit hte n re ai sha dai sagu hpung a matu kasi ningli kaja ni tai nga mu.