HPILIPI 3:15 - Jinghpaw Common Language Bible 2009

¹⁵ Wenyi lam hta myit su kunghpan nga sai anhte ni yawng gaw, ndai myit masa hte maren myit nga ra ga ai. Rai ti mung nanhte nkau mi hta nhtan shai ai myit masa lama nga ai rai yang mung, Karai Kasang gaw dai hpe pyi hpyan dan na marin dai.

Jinghpaw Hanson Version Bible

¹⁵ Dai re ai majaw, hkum tsup nga ai ni anhte nlang hte gaw, dai lam myit nga ga; dai hta kaga, lam langai ngai hta nanhte shai nga myit yang gaw, Karai Kasang gaw dai hpe pyi nanhte hpe madun dan na marin dai:

HPILIPI 3:15 ပူးပေါင်းရင်းမြစ်များ

ESAIA 35:8

Dai shara e ningmaw lam kaba langai nga na ra ai, dai hpe, “Chyoi Pra ai Lam Nmaw,” ngu shamying na mara ai. Yubak kap ai ni kadai mung dai lam de galoi mung hkawm sa lu na n rai; dai lam hkan ai ni hta angawk ai ni pyi dai lam yit na ma ai n rai.

MAHTE 5:48

Dai majaw sumsing lamu na nanhte a Kawa gaw kup tsup nga ai hte maren, nanhte mung kup tsup nga mu.

LUKA 11:13

Nanhte n hkru n kaja nga myit dai ni pyi, tinang a kasha ni hpe kaja ai kumhpa chye jaw myit yang gaw, dai hta grau nna sumsing lamu na Kawa gaw shi e hpyi ai ni hpe dai Chyoi Pra Ai Wenyi jaw na n rai hka!,” ngu nna tsun wu ai.

YAWHAN 6:45

Myihtoi laika ni hta, ‘Masha shagu gaw Karai Kasang a sharin achyin ai lu la na mara ai,’ ngu nna ka da nga ai. Dai rai nna, nye Wa tsun ai ga hpe na la nna shi kaw na sharin achyin hkam la ai wa kadai mung ngai hpang de du sa ai.

YAWHAN 7:17

Dai Madu a myit ra ai lam hkan galaw mayu ai wa kadai mung, ngai sharin shaga ai ga gaw Karai Kasang kaw na re ai, shing n rai nye a myit hte sha tsun ai rai kun?, chye ginhka lu na wu ai.

ROMA 15:1

Dai rai nna makam masham hta n-gun ja ai anhte ni gaw, makam masham n-gun kya ai ni a makam masham n hten mat hkra shanhte a lit hpe madi shadaw na mai kaja nga ai. Anhte gaw tinang a ra ai lam hpe n mai hkan tam ai.

1 KORINHTU 14:20

Hpu nau ni e, myit mang ai lam hta ma kaji hkum tai myit: n hkru n kaja ai lam hta she ma kaji tai nga mu; myit mang ai lam hta chyawm gaw, asak kaba nna myit su ai ni zawn rai nga mu.

1 KORINHTU 2:6

Rai ti mung ngai gaw, Wenyi makam masham lam hta myit su kunghpan sai ni hpe hpaji byeng-ya hte kapyawn nna tsun dan nngai. Rai ti mung dai gaw ndai mungkan ga hte seng ai hpaji byeng-ya n rai; mungkan ga na du ni a hpaji byeng-ya atsam mung n rai; mungkan du ni a n-gun atsam gaw sum mat wa magang nga ai.

GALATI 5:10

Rai ti mung, ngai gaw ya du hkra nanhte hpe myit kam ding yang naw rai nga nngai. Ngai hte nanhte gaw dai Madu hta langai sha rai nga ga ai majaw, nanhte gaw nhtan shai ai masa hpe n hkap la na myit dai ngu nna ngai myit kam nga nngai. Nanhte hpe myit ung ang hkra sharu shatsang ai kadai hpe rai ti mung, Karai Kasang e jeyang ari jaw na ra ai.

EHPESU 1:17

Nanhte Karai Kasang hpe grau nna chye chyap wa myit ga, anhte a Madu Yesu Hkristu a Karai Kasang ngu ai hpung shingkang rawng ai Karai Kasang gaw hpaji byeng-ya hte tau hkrau mu chye lu ai shingran atsam jaw lu ai Wenyi nanhte hpe jaw ya myit ga, Wa Karai Kasang kaw ngai ahpyi nga nngai.

KOLOSE 1:28

Dai majaw anhte gaw masha shagu hpe Hkristu a lam hkaw dan ga ai. Masha shagu hpe Hkristu hta myit su kunghpan ai Hkristan masha langai hkrai hku nna Karai Kasang a man de shashawn lu u ga, anhte gaw hpaji byeng-ya nga manga hte shanhte hpe sadi jaw, sharin achyin nga ga ai.

KOLOSE 4:12

Nanhte kaw na rai nga ai Hkristu a mayam wa Epahpra gaw nanhte hpe shakram dat ai. Shi gaw nanhte a matu myit rawt sharawng awng ai hte akyu hpyi nga ai. Nanhte gaw Karai Kasang a myit ra ai lam hta tup hkrak madat mara hkan sa nna myit su kunghpan ai hte kam sham ai lam hta atsawm sha myit hkawn ai Hkristan tai nga let, dinggrin lahpran tsap nga lu myit ga, shi gaw Karai Kasang kaw hpyi nem ya nga ai.

1 HTESALONI 4:9

Nanhte a kam sham ai hpu nau ni hpe tsaw ra na lam hte seng nna ngai nanhte hpang de ka dat shara n nga sai. Shada da tsaw ra nga na lam Karai Kasang e sharin achyin ai hpe nanhte hkam la manit dai.

2 TIMOHTI 3:17

Dai rai nna Karai Kasang a magam gun hpai ai wa gaw mai kaja ai magam bungli shagu hpe galaw na matu atsam hpring nna lang ra ai hking rai ni hte hkrak shajin da sai wa rai nga ai.

HEBRE 5:14

Ja ai shahpa chyawm gaw kaba sai ni a matu rai nna, shanhte gaw hkan sa galaw shaman ai hku nna kaja ai hte n kaja ai hpe ginhka maram chye ai ni rai ma ai.

1 YAWHAN 2:5

Kadai rai ti mung, shi a ga hpe madat mara ai rai yang, dai wa gaw, kaja wa Karai Kasang hpe hkum tsup ai hku tsaw ra lu sai wa rai nga ai. Ndai gaw anhte Karai Kasang hte gara hku nna langai sha tai lu ga ai lam hpe hkrak chye shangun ai lam rai nga ai.