HPILIPI 3:13 - Jinghpaw Common Language Bible 2009

¹³ Hpu nau ni e, ngai gaw dai kumhpa hpe lu la ni ai ngu nna kaja wa ngai n myit nngai; rai ti mung ngai galaw ai lam langai mi gaw nye a hpang maga na arai hte hpe malap kau nna shawng e nga ai arai ni de du dep lu u ga, atsam htum hkra shakut nngai.

Jinghpaw Hanson Version Bible

¹³ Hpunau ni e, dai hpe ngai hkap la lu ni ai, ngai hkum dai n myit nngai: rai timung, lam langai sha ngai hkan nngai;

HPILIPI 3:13 ပူးပေါင်းရင်းမြစ်များ

SHAKAWN KUNGDAWN 27:4

Ngai gaw ngai ra sharawng ai lam langai mi hpe dai Madu kaw hpyi se ai; dai gaw, ngai ahkrung nga dingsa dai Madu a nta hta shanu nga lu nna; shi a mai kaja ai lam hpe dai shara hta mu lu nga ai; shi a lam woi ai hpe hpyi lajin na matu chyu sha ngai ra nga nngai.

SHAKAWN KUNGDAWN 45:10

Hkawhkam wa a num nnan jan e, ngai hpa tsun na lam hpe madat la u; na a amyu masha ni hte na a makyin jinghku ni hpe malap kau u.

LUKA 10:42

Rai ti mung, ra grau ai lam gaw langai sha rai nga ai, Mari gaw jaw ai lam lata la nu ai rai nna, dai hpe shi kaw na shaw la kau ya lu na n rai,” ngu nna shi hpe htan wu ai.

LUKA 9:62

Yesu gaw, “Na htai jum nna hpang de kayin yu ai wa kadai mung, Karai Kasang a Mungdan hte n ging dan nga ai,” ngu nna shi hpe tsun wu ai.

2 KORINHTU 5:16

Dai re ai majaw, anhte gaw ya kaw nna kadai hpe mung masha a madang ni hpe hkan nna daw dan ai lam n galaw saga ai. Shawng daw de Hkristu hpe masha madang hku hkan nna sawn daw dan ai lam galaw lai wa saga ai, rai ti mung ya dai hku n galaw saga ai.

HPILIPI 2:12

Dai re ai majaw ngai tsaw ra nga ai ni e nanhte hte ngai rau nga ai aten hta nanhte galoi mung nye a ga hpe madat mara myit dai zawn ya mung nanhte hte tsan gang nga ai ten hta nye a ga madat mara na gaw grau nna pyi ra ahkyak nga ai. Dai rai nna nanhte gaw hkye hkrang la ai lam hpe hpring tsup hkra lu la mu ga hkrit gari ai hte shachyen shatsup nga mu.

HPILIPI 3:12

Ngai gaw ya pyi dai kumhpa hpe lu la ni ai ngu nna mung, ya e hkum tsup rai nga ni ai ngu nna mung n tsun mayu nngai; rai ti mung dai kumhpa hpe ngai hpe jaw na matu Hkristu Yesu gaw ngai hpe jum magra la kau ni ai hte maren, dai kumhpa hpe ngai nan jum magra la lu hkra shakut shaja dingyang rai nga nngai.

HPILIPI 3:8

Dai hta n-ga, nye a Madu Yesu Hkristu hpe chye chyang lu ai lam gaw, lam shagu hta grau nna chyahtum chyalai hpu reng nga ai amyat re ai majaw, dai hpe lu la na matu arai yawng mayawng hpe tsep kawp asum hku ngai sawn la nngai. Ngai gaw shi a matu arai yawng mayawng hpe kabai kau ni ai. Hkristu ngu ai amyat hpe lu la na matu hte Hkristu hte langai sha tai lu na matu nga manga hpe shanut shanaw zawn ngai nawn kau ni ai.

HEBRE 6:1

Dai re ai majaw anhte gaw Hkristan makam masham a ga kanu ni hpe tawn kau da nhtawm, makam masham hta kunghpan kaba sai masha ni hte htap htuk ai hkum tsup kunghpan ai sharin shaga ai lam de lahkam sa wa ga. Anhte gaw akyu n rawng amu ni hpe tawn kau da nna Karai Kasang hpe kam sham let,

2 PETRU 3:8

Rai ti mung tsaw ra ai manang ni e, lam langai mi hpe hkum malap kau mu, Madu a man e lani mi hte shaning hkying mi gaw hpa n shai nga ai; shi a man e dai lahkawng gaw maren sha rai nga ai.