HPILIPI 3:11 - Jinghpaw Common Language Bible 2009

¹¹ Shaloi she ngai gaw si ai ni a bai hkrung rawt na lam hta lawm lu na nngai ngu nna ngai myit mada nga nngai.

Jinghpaw Hanson Version Bible

¹¹ yawng mayawng hte hpe ngai sum kau nna, shanut shanaw zawn nawn nga nngai.

HPILIPI 3:11 ပူးပေါင်းရင်းမြစ်များ

SHAKAWN KUNGDAWN 49:7

Masha gaw shi a hkum hpe shi nan galoi mung hkrang la lu ai n rai; shi gaw Karai Kasang hpe shi a bunglat n jaw lu nga ai.

LUKA 14:14

Shing rai jang, nang a lu ndai, hpa majaw nga yang, shanhte chyeju n htang lu ma ai. Mai kaja ai ni si ai kaw na bai hkrung rawt wa ai shani Karai Kasang bai htang jaw ai hpe nang hkam la lu na rin dai,” ngu wu ai.

YAWHAN 11:24

Marhta gaw, “Hpang jahtum na bai hkrung rawt ai nhtoi hta shi mung bai hkrung rawt na ra ai gaw, ngai chye nngai,” ngu wu ai.

KASA 23:6

Dai hpawng nga ai ni hta nkau mi Saduke ni nkau mi Hparishe ni rai nga ma ai hpe Pawlu mu chye jang shi gaw dai salang hpawng hpe, “Hpu nau ni e, ngai gaw Hparishe rai nga nngai; Hparishe kasha mung rai nga nngai, si ai ni bai hkrung rawt na myit mada ai lam a majaw ngai jeyang hkrum nga nngai,” ngu nna jahtau dat wu ai.

KASA 26:7

Dai ga sadi gaw anhte a amyu dap shi lahkawng ting shani shana Karai Kasang hpe nawku daw jau let myit mada ala nga ai ga sadi rai nga ai. Hkawhkam wa e, ngai hpe Yuda amyu masha ni mara shagun ai lam gaw ndai zawn myit mada ai a majaw rai nga ai.

KASA 27:12

Dai daru hta nshung ta lai hkra hkring nga na n hkrak ai shara langai mi rai nga ai majaw dai kaw na pru nhtawm Hponik daru du lu yang du hkra sa nna, dai yang e nshung ta tawt hkra hkring nga na masha law malawng myit hkrum ma ai. Dai Hponik daru gaw Kreti zunlawng kaw na rai nna sinna dingda hte sinna dingdung de man yawng ai daru rai nga ai.

ROMA 11:14

Ngai gaw nye a amyu masha ni a myit hta manawn ai myit lama rawng shangun ai rai yang shanhte nkau mi sha hkye hkrang la ai hkrum lu na rai nga ai.

1 KORINHTU 15:23

Rai ti mung, langai hte langai tinang ang ai hku hkrung rawt wa na mara ai; Hkristu gaw yawng a shawng e hkrung rawt wa ai, dai hpang Hkristu bai du sa ai shaloi e, shi hte seng ai ni hkrung rawt wa na mara ai.

1 KORINHTU 9:22

Ngai gaw Karai Kasang hpe kam sham ai hta n-gun n ja ai ni a kata de du mat wa ai shaloi, shanhte hpe lum la lu hkra, makam masham n-gun n ja ai wa zawn ngai tai nga nngai. Dai rai nna, nkau mi hpe byin mai ai lam langai ngai hte hkye hkrang la lu hkra, ngai gaw masha amyu myu hta, amyu myu hku nga nngai.

1 KORINHTU 9:27

Ngai gaw masha kaga hpe shingjawng poi hta lawm na matu saw shaga ngut ai hpang, tinang hkum nan madang n dep ai majaw, lata kau ai n hkrum u ga, nye a hkum hpe ra ai hte maren jai lang lu na matu tsep kawp up hkang kau lu hkra htwi ahkak shaja la we ai.

2 KORINHTU 11:3

Ewa gaw lapu a hpaji rawng ai zai byeng-ya hte masu hkalem hkrum ai zawn, nanhte mung nanhte a myit mang ai lam jahten kau hkrum nna, nanhte a hpring tsup nna san seng ai myit hte Hkristu hta maju jung kam sham daw jau ai lam hpe kau da na myit tsang nga nngai.

1 HTESALONI 3:5

Ngai matut nna n dang la ni ai majaw, nanhte a makam masham gara hku rai nga ai lam mu chye lu na matu Timohti hpe ngai shangun dat we ai. Kaja wa nanhte gaw Nat e gunglau ai de hkan mat wa nna, anhte a shakut shaja ai hte galaw da ai amu ni kaman lila n tai shangun mayu ga ai!

2 HTESALONI 2:3

Gara hku rai ti mung, nanhte hpe gade e mung n hkalem kau myit ga. Hpa majaw nga yang, hpang jahtum Karai Kasang hpe gumlau ai lam garai n byin yang, ngarai mung de jahkrat kau hkrum na rai nga ai n hkru Ai Wa garai n paw pru yang dai nhtoi du na ra ai n rai.

2 TIMOHTI 4:8

Ya kaw nna ding hpring ai tara agyi ngu ai dai Madu gaw, tara jeyang ai Nhtoi hta ngai hpe jaw na rai nga ai dai ding hpring ai asak hkrung lam hte seng ai awng padang janmau hpe nye a matu mazing da nu ai. Ngai hpe sha n rai, shi bai du na nhtoi hpe ra sharawng let ala nga ai ni nlang hpe mung ap ya na ra ai.

HEBRE 11:35

Numsha ni mung kam sham ai hte si mat sai shanhte a jinghku ni hpe hkrung sharawt ai hpe hkap lu la ma ai. Nkau mi gaw shanhte hpe shalawt dat na ngu ai ahkaw ahkang hpe n hkap la ma ai sha, grau reng htum ai asak hkrung lam de hkrung rawt shang sha lu na matu zingri zingrat hkam let si wa ma ai.

SHINGRAN 20:5

(Ngam nga ai masha jasi ni chyawm gaw, dai shaning hkying mi garai n htum ai laman bai n hkrung lu na ma ai.) Dai gaw shawng na bai hkrung rawt ai ngu ai rai nga ai.