HPILIPI 2:9 - Jinghpaw Common Language Bible 2009

⁹ Dai rai nna, Karai Kasang gaw shi hpe, tsaw htum ai sumsing lamu du hkra shagrau nna, amying shingteng yawng hta grau kaba ai mying ningsang hpe jaw da wu ai.

Jinghpaw Hanson Version Bible

⁹ Dai re ai majaw, sumsing lamu lahta tang na dinghta tsang na hte katsan ga na lahput yawng mayawng hte gaw, Yesu a mying nsang hte hput di nna,

HPILIPI 2:9 ပူးပေါင်းရင်းမြစ်များ

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

SHAKAWN KUNGDAWN 110:1

Dai Madu gaw, “Na a gumlau hpyen ni hpe na a lagaw kabye lahkum ngai shatai kau ai aten du hkra, ndai nye a hkra maga de, dung nga u,” nga nna nye a Madu hkawhkam wa hpe tsun nga ai.

SHAKAWN KUNGDAWN 110:5

Dai Madu gaw na a hkra maga hta nga nga ai. Shi pawt sindawng ai aten hta e; hkawhkam ni hpe anyawp kau na ra ai.

SHAKAWN KUNGDAWN 89:27

Ngai shi hpe nye a kasha alat aya hta dang da na nngai; hkawhkam ni yawng hte hta grau kaba ai wa, ngai shatai na we ai.

SHAKAWN KUNGDAWN 91:14

Karai Kasang gaw, “Ngai hpe tsaw ra ai ni hpe, ngai hkye la na ring ngai; ngai hpe Madu zawn yin la ai ni hpe ngai makawp maga na ring ngai.

ESAIA 52:13

Dai Madu gaw, “Nye a shangun ma gaw shi a amu hta dagraw la na ra ai; shi gaw shagrau shatsaw hkrum na ra ai.

ESAIA 53:12

Dai rai nna, ngai gaw shi hpe galu kaba nna daru magam n-gun rawng ai ni a lapran e arawng sadang shara langai jaw na we ai. Shi gaw sharawng awng ai myit hte shi a asak jaw nna n hkru ai masha ni a hpang jahtum na lam hpe mung garan ya nga ai. Shi gaw yubak kap ai masha law law ni a yubak hpe gun kau ya nna shanhte mara raw dat ai hkrum mu ga, akyu hpyi ya nga sai,” ngu nna tsun ai.

ESAIA 9:7

Shi a hkawseng daru magam n-gun gaw matut nna galu kaba wa na ra ai; shi a mungdan tut nawng ngwi pyaw sim sa na ra ai. Shi gaw Hkawhkam Dawi a hkringhtawng dagraw ai wa zawn up hkang nna, shi a daru magam n-gun gaw ding man ai hte teng man rap ra ai hta rudi nga ai rai nna, ya kaw nna jahtum ai aten du hkra agrin nga na ra ai. Chyahtum Chyalai N-gun rawng ai dai Madu gaw ndai amu yawng galaw na matu daw dan da nga sai.

Daniela 7:14

Shi gaw ahkang aya, shagrau sha-a ai hte hkawhkam a daru magam jaw shagrau hkrum ai wa rai nna, amyu baw ni yawng a masha ni yawng mung, amyu bawsang ni hte ga amyu myu shaga ai ni yawng mung shi hpe daw jau na mara ai. Shi a ahkang aya gaw htani htana agrin nga nna, shi a mungdan htum mat na ra ai n rai.

MAHTE 11:27

Nye Wa gaw arai yawng mayawng ngai hpe ap ya ni ai; Wa hta kaga, dai Kasha hpe kadai mung n chye lu ai: dai Kasha hte, dai Kasha shadan dan mayu ai ni hta kaga kadai n chye lu ai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

LUKA 10:22

“Nye Wa gaw arai yawng mayawng ngai hpe ap ya ni ai, Kasha wa kadai rai nga ai hpe Wa hta kaga kadai mung n chye ai, Wa kadai re ai mung, Kasha wa hte dai Kasha e shadan dan na matu lata la ai wa hta kaga kadai mung n chye nga ai.”

YAWHAN 13:3

Yesu gaw Kawa e shi a lata de nga yawng nga pra a ntsa e ahkang aya yawng ap ya sai hpe mung, bai shi gaw Karai Kasang kaw na shi pru sa nna Karai Kasang hpang de bai wa na rai nga ai mung, chye wu ai.

YAWHAN 17:11

Ngai gaw nang hpang de wa na rai nna, ndai mungkan ga e nga sana n rai; rai ti mung ndai ni chyawm gaw mungkan ga e nga nga na rai ma ai. Chyoi Pra ai Wa e an gaw langai sha rai nga ai zawn, ndai ni mung rai nga mu ga; nang ngai hpe ap ya ai mying nsang a hpung shingkang n-gun atsam hte shanhte hpe shim hkra bau sin nga u.

YAWHAN 17:12

Ngai shanhte hte rau nga nga ai hte yang, nang ap ya da ai mying nsang a hpung shingkang atsam hte shanhte shim nga hkra bau sin makawp maga mase ai. Dai Chyum Laika hta rawng ai ga hte maren dik wa u ga she, kaja wa hten bya sum hkrum na rai nga ai masha langai mi hta lai nna kaga kadai langai mi pyi hten bya sum hkrum ma ai n rai.

YAWHAN 17:5

Wa e! Ginding aga garai n lat kaw nna nang hte rau ngai lu nga ai hpung shingkang hpe ya aten hta na a man e ngai hpe jaw rit law.

KASA 5:31

Israela amyu masha ni hpe myit malai lu shangun nna shanhte a mara raw dat kau ya ai ahkaw ahkang jaw ya na matu Karai Kasang gaw dai Madu hpe shi a hkra maga dung nga shangun nna ningbaw ningla hte Hkye hkrang la ai wa tai na matu shagrau shatsaw da nu ai.

EHPESU 1:10

Aten ladaw gu jang Karai Kasang e jahkum shatsup na ra ai dai yaw lajang da ai lam gaw, sumsing lamu lahta tang hte ginding aga ntsa na hpan da ai arai yawng mayawng hte hpe Hkristu hpe baw shatai nna shabawn gumhpawn da na lam rai nga ai.

KOLOSE 1:18

Shi gaw shi a hkum hkrang ngu ai Hpung a baw rai nga ai. Shi nan dai hkum hkrang hte seng ai asak a npawt rai nga ai. Shi chyu sha lam shagu hta nambat langai shara la da nna yawng mayawng a nhtung nhka tai wa u ga, si mat ai ni kaw na hkrung sharawt la ai Kasha alat ningshawng rai nga ai.

2 HTESALONI 1:12

Ndai hku nna anhte a Madu Yesu a mying nsang gaw nanhte a jaw e hpung shingkang dan hkung na ra ai, nanhte hta mung, shi a majaw hpung shingkang dan hkung na ra ai. Anhte a Karai Kasang hte Madu Yesu Hkristu a chyeju hte ndai lam byin wa u ga.

HEBRE 1:4

Shi hpe Karai Kasang jaw ya ai mying ningsang gaw lamu kasa ni a mying hta grau kaba nga ai rai nna Kasha wa hpe lamu kasa ni hta grau reng ai wa shatai nu ai.

HEBRE 1:9

Nang gaw ding hpring ai hpe tsaw ra nna, shut ai lam hpe n dawng nga ndai. Dai majaw na a Karai Kasang ngu ai, Karai Kasang gaw, nang hpe lata la nna, na a manang hpe jaw ai hta grau kaba ai kabu gara ngu ai namman jaw ya nna shagrau sha-a nit dai,” nga ai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.

HEBRE 2:9

Rai ti mung anhte mu lu ai wa gaw Karai Kasang a chyeju a majaw yawng mayawng a matu si hkam lu hkra aten ladaw chyahkring mi laman sha lamu kasa ni hta shagrit da hkrum ai Yesu Hkristu nan rai nga ai. Dai Madu chyawm gaw si hkrung si htan a nni nkri hkam la wu ai majaw, ya hpung shingkang hte arawng sadang janmau shagup da nga ai hpe anhte mu lu ga ai.

1 PETRU 3:22

Yesu Hkristu gaw sumsing lamu de lung mat wa nhtawm, Karai Kasang a hkra maga de anga nga ai rai nna lamu kasa ni yawng hte sumsing lamu na ahkang aya lu ai ni hte, hpung dagu rawng ai ni yawng hpe up hkang nga ai.

2 PETRU 1:17

Shi hpe Kawa Karai Kasang kaw na arawng sadang hte hpung shingkang jaw ya ai shaloi mung grau htum ai hpung shingkang kata nna shi kaw du ai nsen, “Ndai wa gaw ngai sharawng awng nga ai, ngai tsaw ra ai, ngai sha rai nga li ai!,” nga nna tsun ai shaloi mung, anhte dai kaw shi hte rau nga ga ai.

3 YAWHAN 1:7

Hpa majaw nga yang, shanhte gaw n kam n sham ai tara maigan ni kaw na karum ai lam n hkam la ai sha Hkristu a sasana magam bungli hta hkawm sa ai ni rai nga ma ai.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 19:16

Shi a hpun palawng hte magyi hta, “Hkawhkam ni a Hkawhkam, madu ni a Madu,” nga nna ka kap da nga ai.

SHINGRAN 3:21

Ngai awng padang lu nna nye Wa a tingnyang makau e shi hte rau dung nga lu ai zawn, awng padang lu ai wa gaw nye a tingnyang makau e ngai hte rau dung nga lu na ahkang ngai jaw na we ai.

SHINGRAN 5:12

Shanhte gaw, “Sat kau hkrum ai Sagu Kasha gaw, hpung dagu, sut gan, hpaji atsam, n-gun lagaw arawng sadang, hpung shingkang hte, shakawn kungdawn ai hpe hkam la ging nga ai law!,” nga nna nsen kaba hte shakawn nga ma ai.