HPILIPI 2:7 - Jinghpaw Common Language Bible 2009

⁷ De a malai, apyaw alaw sha hte, shi lu malu hpe shagawm kau nna, mayam a gawng shingyan hpe dagraw la let, shinggyim masha zawn shangai wa nna, masha a hpraw nsam hte dan pru wa sai.

Jinghpaw Hanson Version Bible

⁷ tinang dai shagawm kau nna, mayam a ahpraw nsam dagraw let, shinggyim masha hte bung hkra tai wa sai:

HPILIPI 2:7 ပူးပေါင်းရင်းမြစ်များ

SHAKAWN KUNGDAWN 22:6

Rai ti mung, ngai gaw masha langai mi n rai mat ni ai; latung shingtai langai mi rai nga nngai, masha shagu e n kaw n law re ai hte matsat kau ai hkrum nga nngai!

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

ESAIA 49:3

Shi gaw ngai hpe, “Israela e, nang gaw nye a shangun ma rai nga ndai; na a majaw, masha ni ngai hpe shakawn kungdawn na mara ai,” ngu nna tsun wu ai.

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

Daniela 9:26

Dai aten a hpang jahtum aten hta Karai Kasang lata la hkrum ai ningbaw wa gaw n tara ai hku sat kau ai hkrum na ra ai. Dai mare hte Nawku Htingnu mung n-gun ja ai up hkang du langai mi a hpyen luksuk shang gasat ai a majaw jahten kau ai hkrum na ra ai. Jahtum ai gaw mawru hka zawn du wa nna Karai Kasang lajang da nu ai hpyen majan hte hten za lam du sa wa na ra ai.

ZEHKARIA 3:8

Dai rai nna Hkinjawng Kaba rai nga ai Yawshu e, madat u, shi a hkinjawng manang ni e, nanhte gaw htawm hpang du na ra ai aten a matu mai kaja ai a kumla rai nga myit dai; ngai gaw nye a shangun ma rai nga ai Lakung ngu shaga hkrum ai wa hpe madun dan na nngai!

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

MAHTE 12:18

“Ngai lata la ai, nye a shangun ma, ngai tsaw ra ai hte sharawng awng ai wa hpe yu mu. Nye a Wenyi shi a ntsa e ngai bang da ya nna, shi gaw nye a daw dan ai lam hpe masha amyu ni hpang de tsun dan na wu ai.

MAHTE 20:28

Hpa majaw nga yang, dai Masha Kasha wa pyi, masha kaga wa hpe yam sha na nga nna du sa ai n rai; masha kaga hpe galaw daw na matu mara, shi a asak hpe gawng malai jahpu shatai na nga nna du sa ai,” ngu mu ai.

MARKU 9:12

Shi gaw, “Arai yawng mayawng shajin da chyalu rai na matu, Elia shawng du sa ai gaw teng nga ai; Rai ti mung dai Chyum Laika ni hta, ‘Masha Kasha gaw nni nkri law law hpe mung, ningdang nyet kau ai mung hkrum sha na wu ai,” nga nna hpa rai ka da nga a ta?

LUKA 22:27

Kadai mahtang grau kaba a ta? Sha dung nga ai wa kun? Shing n rai galaw jaw ai wa kun? Sha dung nga ai wa re ai n rai ni? Rai ti mung ngai gaw, nanhte hta na galaw jaw ai wa zawn rai nga nngai.

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

ROMA 1:3

Dai Kabu Gara Shiga gaw Karai Kasang shi a Kasha anhte a Madu Yesu Hkristu a lam rai nga ai. Dai Madu gaw shinggyim masha labau hku gawn yang, Dawi a aru arat kaw na rai nga ai.

ROMA 15:3

Hkristu mung shi hkum dai n shapyaw la ai sha Chyum Laika hta, “Nang hpe shatan nhkan tsun ai ga ni nye a ntsa e du ra ai,” nga nna ka da nga ai hte maren masha ni a shatan nhkan ai hpe hkam wu ai.

ROMA 15:8

Hpa majaw nga yang Karai Kasang gaw ga sadi dung ai wa re ai lam hpe shadan dan na matu, lam mi hku tsun ga nga yang, ji wa ni hpe jaw da ai ga ndat hpe shadik shatup na matu Madu Yesu gaw matu gadoi hkam ai Yuda amyu masha ni a mai kaja ai lam a matu mara du sa ra ai ngu nna ngai tsun nngai.

ROMA 8:3

Shinggyim hkum shan n-gun kya ai majaw jep ai Tara e n shabyin ya lu ai amu hpe Karai Kasang kaw nna shabyin ya nga ai. Karai Kasang gaw shinggyim hkum shan hta asak hkrung shamu shamawt nga ai yubak tara hpe shi a Kasha hpe nan shangun dat ai hte daw dan kau nu ai. Dai gaw yubak hpe jahten sharun kau na matu yubak kap ai shinggyim hkum shan hte bung ai hkum shan dagraw la nna du sa ai lam rai nga ai.

2 KORINHTU 13:4

Kaning rai nme law shi gaw n-gun kya ai madang hta wudang hta jen sat kau ai hkrum tim, Karai Kasang a n-gun atsam hte ahkrung nga ai. Anhte mung Hkristu hte langai sha tai ai a jaw e n-gun kya nga ga ai. Rai ti mung nanhte hte matut mahkai ai lam hta anhte gaw Hkristu hte rau ahkrung nga ga ai a jaw e Karai Kasang a n-gun atsam hpe jawm hkam la na ga ai.

2 KORINHTU 8:9

Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.

GALATI 4:4

Rai ti mung aten ladaw gu jang Karai Kasang gaw shi a kasha hpe shangun dat wu ai; anhte gaw Karai Kasang e kasha yin la ai chyeju hkam la lu u ga,

HPILIPI 2:6

Shi gaw galoi mung Karai gawng shingyan hte, nga pra nga timung, Karai Kasang hte maren rai taw nga na, ma ja e magra noi nga na n myit wu ai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.

HEBRE 13:3

Nanhte gaw htawng rawng hkrum nga ai ni hte rau htawng rawng nga ai ni zawn shanhte hpe adum nga mu. Tinang ni nan nni nkri hkrum sha nga ai ni zawn, nni nkri hkrum sha nga ai ni hpe adum nga mu.

HEBRE 4:15

Hpa majaw nga yang, anhte a Hkinjawng Agyi Kaba wa gaw, anhte a ra rawng gawng kya ai lam hpe matsan n chye dum ai wa n rai. Anhte zawn lam shagu hta gunglau hkrum yu ti mung yubak mara n galaw ai Hkinjawng Agyi Kaba she anhte lu ga ai.