HPILIPI 2:5 - Jinghpaw Common Language Bible 2009

⁵ Hkristu Yesu hta rawng ai myit nan, nanhte hta mung rawng nga myit ga.

Jinghpaw Hanson Version Bible

⁵ Hkristu Yesu hta e rawng ai myit nan, nanhte hta e mung rawng nga myit ga:

HPILIPI 2:5 ပူးပေါင်းရင်းမြစ်များ

MAHTE 11:29

Ngai gaw myit sumnung ai hte myit gyip nga nngai rai nna, nye a kandang hpe hpai mu, nye a lam sharin la mu: dai rai yang, nanhte a myit masin ban sa ai hkrum na malit dai.

LUKA 22:27

Kadai mahtang grau kaba a ta? Sha dung nga ai wa kun? Shing n rai galaw jaw ai wa kun? Sha dung nga ai wa re ai n rai ni? Rai ti mung ngai gaw, nanhte hta na galaw jaw ai wa zawn rai nga nngai.

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

KASA 20:35

Lam shagu hta nanhte hpe madun dan sai nye a len ningli hte maren nanhte mung amu galaw shaja nna hkam sha ai hta jaw ya ai mahtang grau a lu nga ai, nga nna Madu Yesu tsun ai ga ni hpe dum nga let, ra kadawn gawng kya nga ai ni hpe anhte karum madi shadaw lu na rai nga ai,” ngu na tsun mu ai.

ROMA 14:15

Lama rai nna, nang lu sha ai shahpa a majaw na a nhpu nnau wa a myit n pyaw hpa dingbai dingna byin shangun a yang gaw, nang gaw tsaw ra ai lam hta magam bungli galaw hkawm sa nga ndai n rai. Hkristu gaw shi a matu mara si hkam ya nu ai majaw nang sha ai lu sha lama ma a majaw dai wa hpe hkum sharun jahten et.

ROMA 15:3

Hkristu mung shi hkum dai n shapyaw la ai sha Chyum Laika hta, “Nang hpe shatan nhkan tsun ai ga ni nye a ntsa e du ra ai,” nga nna ka da nga ai hte maren masha ni a shatan nhkan ai hpe hkam wu ai.

ROMA 15:5

Nanhte nga manga hte gaw Hkristu Yesu a kasi ningli hpe hkan nna nanhte shada da myit mang langai sha rai nga lu u ga, hkam sharang ai atsam hte myit shatsam ya ai lam jaw ya nga ai Karai Kasang gaw nanhte hpe woi awn nga u ga law.

1 KORINHTU 10:33

Masha yawng mayawng hkye hkrang la ai hkrum mu ga she, nye a matu mai kaja ai lam n myit ai sha, yawng mayawng a akyu hpe tam let, masha ni sharawng awng hkra galaw nngai. Nanhte mung ngai galaw ai zawn hkan galaw mu.

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

HPILIPI 1:1

Hkristu a mayam ni rai nga ai Pawlu hte Timohti gaw, Hpilipi mare e nga nga ai, hpung, hpung up, hpungtau ni hte hpawn Hkristu Yesu hta e langai sha rai nga ai Karai Kasang a amyu masha ni nlang hpang de laika ka dat ga ai.

1 PETRU 2:21

Dai hte maren nanhte galaw hkan sa na matu she, Karai Kasang gaw nanhte hpe shaga la manit dai; hpa majaw nga yang Hkristu shi hkum nan mung nanhte a matu nni nkri hkrum wu ai hte nanhte shi a hkang hta hkan nang lu myit ga, nanhte a matu ningli tawn da nu ai.

1 PETRU 4:1

Hkristu gaw hkum shan hta nni nkri hkrum nu ai rai nna shi a hkam la ai myit mang ai baw hte nanhte mung tinang a hkum ni hpe n-gun shaja la mu; hpa majaw nga yang hkum shan nni nkri hkam sai wa gaw yubak mara hte shi n seng mat nu ai.

1 YAWHAN 2:6

Hkristu hkan sa galaw ai zawn hkan sa asak hkrung ai wa chyu sha Karai Kasang hte langai sha tai nna asak hkrung ai wa re ngu nna tsun lu nga ai.