HPILIPI 2:3 - Jinghpaw Common Language Bible 2009

³ Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu.

Jinghpaw Hanson Version Bible

³ Ga law ga la ai, kaman lila grang ai hte hpa mung n galaw ai sha, myit nem nga let, langai hte langai tinang a hkum hta manang wa hpe shagrau sha-a nga mu.

HPILIPI 2:3 ပူးပေါင်းရင်းမြစ်များ

GA SHAGAWP 13:10

Myit tsaw myit dap ai lam gaw ru yak tsin-yam hta lai nna, hpa hpe mung shabyin ya lu ai n rai; hpaji jaw ya na matu hpyi lajin ai lam gaw hpaji grau rawng nga ai.

LUKA 18:14

Ngai nanhte hpe tsun made ga, Hparishe n re ai sha kang hta ai wa gaw Karai Kasang a man e, jaw ai hku galaw nna nta de wa lu nu ai. Hpa majaw nga yang, tinang hkum hpe shagrau ai wa kadai mung shagrit kau ai hkrum nna, tinang hkum hpe shagrit ai chyawm gaw shagrau ai hkrum na ra ai,” ngu mu ai.

ROMA 12:10

Nanhte shada da tsaw ra ai hta langai hte langai shinggyim nau na myit majing rawng nga mu, hkungga lara ai hta shada da shagrau hkat nga mu.

ROMA 13:13

Anhte gaw tang pyaw lam hkan ai hte chyaru nang ai, shawa num gaswi ai, hte ngang kayut ai, ga law ga la ai hte manawn masham ai hpe n hkan ai sha, shani chyingtung a nhtoi hta hkawm sa ai ni zawn anhte ahkawm nga ga.

ROMA 2:8

Rai ti mung masha nkau mi gaw dai n ding n man ai maga de hkan sa na matu tinang a akyu tam nna teng man ai tara hpe kabai kau ma ai, shing re ai ni a ntsa e Karai Kasang gaw shi a pawt bu nna sindawng kahtet ai ru bun na ru ai.

1 KORINHTU 15:9

Hpa majaw nga yang, kasa ni hta kaji htum ai wa ngai rai nga nngai-Karai Kasang a Hpung hpe zingri zingrat nngai majaw, kasa ngu na pyi n ging n dan nngai.

1 KORINHTU 3:3

Dai majaw nanhte gaw shinggyim ta re ai hku naw nga nga myit dai. Nanhte hta manawn masham ai hte ga li ga law rai nga myit dai majaw, dai gaw nanhte ndai mungkan hte seng ai hku asak hkrung nga ai ni re ngu ai hpe sakse madun nga ai n rai ni?

2 KORINHTU 12:20

Nanhte hpang de ngai du yang, ngai ra ai, mu mayu ai hku nanhte n rai nga la na hpe mung, nanhte mung nanhte ra ai, mu mayu ai hku ngai hta n rai nga na hpe mung ngai tsang nga nngai. Bai ngai gaw nanhte hta ga li ga law ai lam, manawn masham ai lam, pawt sindawng ai lam, tinang akyu tam ai lam, shada da jahpoi asawng ai lam, kadum kahte ai ga, grang ai ga hte kabring kabrawng n ru n ra re ai lam ni sa mu na hpe tsang nngai.

GALATI 5:15

Rai ti mung zai ai dusat matse ni zawn nanhte shada da kawa sha hkat nga myit yang gaw, nanhte shada da shamyit kau hkat ai lam tai na re ai majaw, sadi nga mu.

GALATI 5:26

Anhte gaw kaman lila grang gumrawng nna shada da jahte tam ai hte shada manawn masham hkum rai nga ga.

EHPESU 4:2

Tut nawng e shagrit shanem nna sumnung shingdi ai hte hkam sharang nga mu. Nanhte a tsaw ra myit hpe madun nna shada da hkam mana nga mu.

EHPESU 5:21

Nanhte a Hkristu hpe hkrit kamyin ai myit a majaw shada da a npu e ataw nga mu.

HPILIPI 2:14

Nanhte galaw ra ai hpa lam hpe mung aput angun ndang kalang n rai ai sha galaw nga mu.

KOLOSE 3:12

Nanhte gaw Karai Kasang a masha ni rai nga myit dai rai nna, shi gaw nanhte hpe tsaw ra nna shi a matu mara lata la hkrum ai ni rai nga myit dai. Dai re ai majaw nanhte gaw n ja n hpra ai, matsan dum lama ai, myit nem ai, sumnung shingdi ai myit galu kaba ai hpe bu hpun dagraw nga mu.

KOLOSE 3:8

Ya chyawm gaw, masin pawt ai, n yun bu ai, n ju n dawng ai myit, mara matsing ai, shatan nhkan ai hte ga kinsha re ai ni yawng hte hpe yeng seng kau mu.

1 TIMOHTI 6:4

Dai wa gaw grai gumrawng gumtawng nna hpa mung n chye ai wa rai nga ai. Shi gaw ga sumtu tsun shaga ai lam ni hta dangrang hkat na matu, ga law hkat na matu, n hkrak ai myit rawng ai wa rai nga ai. Shing rai galaw ai a majaw manawn masham ai lam, hpung garan ai lam, n sim n sa ndang kalang lam ni n kaw n law roi asawng ai lam ni, n kaja ai hku n rup n tsen ai lam ni hpe byin pru wa shangun nga ai.

1 PETRU 3:8

Hpungdim hku nna tsun mayu ai gaw, nanhte yawng hte hta maren mara re ai myit masa hte myit hta hkam sha ai lam rawng nga lu na rai nna; shada da shinggyim nau na zawn tsaw ra ai hte shada da matsan dum nna shagrit shanem hkat nga mu.

1 PETRU 5:5

Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.