HPILIPI 2:29 - Jinghpaw Common Language Bible 2009

²⁹ Dai rai nna nanhte shi hpe Madu hta hpu nau langai mi hku nna hkap tau hkalum la mu. Shing re ai ni hpe hkungga lara di mu.

Jinghpaw Hanson Version Bible

²⁹ Dai rai nna kabu gara myit ting hte shi hpe hkap hkalum la nna, shing re ai ni hpe hkungga lara di mu.

HPILIPI 2:29 ပူးပေါင်းရင်းမြစ်များ

ESAIA 52:7

Bum lang ni hpe lai di nna kabu gara shiga, ngwi pyaw sim sa lam a shiga la sa ya ai wa hpe mu lu ai gaw kade sha mauhpa rai nga a hka! Shi gaw awng padang hpe ndau shabra nna Ziun hpe, “Na a Karai Kasang gaw hkawhkam rai nga ai!,” ngu nna tsun ai.

LUKA 9:5

Gara kaw rai rai, masha ni nanhte hpe n hkap la ai rai yang, shanhte hpe shadum ai kumla hku nna nanhte a lagaw hta kap ai ga nhpu hpe ahpu sharun kau da nna dai mare kaw na pru mat wa mu,” ngu nna shanhte hpe tsun dat mu ai.

YAWHAN 13:20

Ngai nanhte hpe kaja wa teng teng tsun made ga, ngai shangun dat ai wa kadai hpe rai ti mung, hkap la ai wa gaw, ngai hpe hkap la ai rai nga ai; ngai hpe hkap la ai wa kadai mung, ngai hpe shangun dat ai wa hpe hkap la ai rai nga ai,” ngu nna shanhte hpe tsun mu ai.

KASA 2:46

Shani shagu myit langai sha hte Nawku Htingnu hta shanhte htep lahti machyu nga nna tinang a nta ni hta myit nem ai hte kabu gara let rau sha lusha, shahpa sha ma ai.

KASA 28:10

Shanhte gaw anhte hpe kumhpaw kumhpa law law jaw ma ai. Anhte pru wa na rai jang, hkrun lam a matu ra ai made li hta bang ya dat ma ai.

KASA 8:8

Dai rai nna, dai mare hta kabu gara lam kaba rai nga ai.

ROMA 10:15

Hkaw tsun na ni hpe n shangun dat yang gaw, shanhte kaning rai hkaw dan lu na ma ta? Dai Chyum Laika hta tsun ai hte maren, “Mai kaja ai lam Kabu Gara Shiga hpe la sa ai ni gaw gade wa mauhpa rai nga malu hka!,”

ROMA 16:2

Nanhte gaw Karai Kasang a masha ni shada hkap hkalum la ai hku nna shi hpe Madu a mying hta hkap hkalum bawp la nhtawm nanhte kaw nna karum la ra ai hpa hpe rai ti mung shi hta ra kadawn nga ai hte maren, karum madi shadaw la mu; hpa majaw nga yang shi gaw shi hkum nan masha law law hpe mung ngai hpe mung karum madi shadaw lai wa sai jinghku kaja langai mi rai nga ai.

1 KORINHTU 16:10

Lama wa Timohti nanhte kaw du sa wa dam a yang gaw, shi hta hkrit tsang ai lam n nga ai sha nanhte hte rau nga nga lu u ga, shi hpe kabu gara hkap tau hkalum la mu; hpa majaw nga yang, shi gaw ngai hte maren dai Madu a magam bungli gun hpai nga ai wa rai nga ai.

1 KORINHTU 16:18

Shanhte gaw nanhte a myit hpe shangwi shapyaw ai zawn, nye a myit hpe mung shangwi shapyaw ya mi ai. Shing re ai masha ni gaw, masat masa galaw ai lam hkam la ging nga ma ai.

2 KORINHTU 10:18

Hpa majaw nga yang, tengman ai arawng hkam la ai wa gaw tinang hkum dai tinang shagrau shatsaw ai wa n rai, Karai Kasang e shagrau shatsaw hkrum ai wa she rai nga ai.

2 KORINHTU 7:2

Nanhte a myit masin hta anhte a matu shara jaw nna hkap hkalum la mi. Anhte kadai hpe mung n shut n hpyit ga ai; kadai hpe mung n sharun jahten ga ai; kade a ntsa e mung ahkaw ahkang n la ga ai.

HPILIPI 2:28

Dai re ai majaw, nanhte shi hpe bai mu hkrum lu nna kabu lu myit ga hte nye a yawn hkyen ai mung mat mat wa u ga, shi hpe nanhte hpang de dat dat na ngai grau nna myit katu bu nga nngai.

KOLOSE 4:10

Nye a bawng dung manang Aristarku nanhte hpe shakram dat ai. Bai nna Barnaba a kahkri Marku mung nanhte hpe shakram dat ai. (Nanhte hpang de Marku du sa wa ai shaloi hkap hkalum la mu ngu nna matsun dat ai lam ni hpe nanhte lu la tawn chyalu rai manit dai.)

1 HTESALONI 5:12

Hpu nau ni e, nanhte kaw magam gun hpai nga ai ni, nanhte hpe lam madun sharin achyin na matu Karai Kasang e lata san da sai ni hpe atsawm sha galaw ang ai hte maren hkungga lara nga mu, grau nna anhte shadut jahkat dat ga ai.

1 TIMOHTI 5:17

Ningbaw ningla amu hpe atsawm galaw ai hpung woi ni gaw shabrai htam lahkawng hkam la ging ai wa re ngu nna sawn la mai nga ai. Grau nna mungga htawn tsun ai lam sharin achyin ai lam hpe shakut shaja gun hpai ai ni gaw shing rai hkam la ging ai ni rai nga ma ai.

HEBRE 13:17

Nanhte a lam woi ningshawng ni a ga hpe madat mara nna shanhte a hkang da ai ga ni hpe hkan sa galaw mu. Shanhte gaw shanhte galaw daw ai amu a jahpan hpe Karai Kasang kaw dan lu na rai nna, shanhte gaw nanhte a myit masin ni hpe n hkring n sa sin ya nga ma ai. Shanhte a ga hpe nanhte madat mara myit yang gaw shanhte galaw ai bungli hpe kabu gara ai hte galaw na mara ai: dai n rai yang shanhte myit yawn let galaw na mara ai rai nna na a matu hpa akyu mi rawng na n rai.

3 YAWHAN 1:10

Ngai sa du ai shaloi she, shi galaw kau sai lam shagu hpe tsun shadan dan na nngai. Shi gaw anhte hpe grai n shawp ai ga hte masu ai ga ni tsun nga ai. Dai hte sha n ga shi a matu n ram dum nna Hkristan hpu nau ni du sa wa ma yang, shi hkum nan n hkap hkalum la mu ai hta n ga, shanhte hpe hkap hkalum la mayu ai ni hpe mung shi pat hkum kau mu ai hte hpung kata na shaden shapraw kau mu ai!