HPILIPI 2:22 - Jinghpaw Common Language Bible 2009

²² Shi gaw kasha gaw kawa hpe shadaw ai zawn, dai kabu gara shiga shachyam shabra ai lam hta ngai hte rau magam gun shakut sharang nga ai majaw, shi gade daram manu dan ai wa re ai hpe nanhte nan chye nga myit dai.

Jinghpaw Hanson Version Bible

²² Shi chyawm gaw, kasha gaw kawa hpe shadaw ai zawn, dai kabu gara shiga a lam hta ngai hte rau shakut sharang nga ai majaw, shi a kangka re ai hpe nanhte chye nga myit dai.

HPILIPI 2:22 ပူးပေါင်းရင်းမြစ်များ

KASA 16:2

Shi gaw Lustra mare hte Ikoni mare na hpu nau ni a man e sari sadang lu nna shakawn hkrum ai wa rai nga ai.

ROMA 5:4

shakut sharang ai gaw Karai Kasang a sharawng awng ai lam hte shi a sharawng awng ai gaw myit mada ai lam shabyin nga ai hpe anhte chye ga ai.

1 KORINHTU 16:10

Lama wa Timohti nanhte kaw du sa wa dam a yang gaw, shi hta hkrit tsang ai lam n nga ai sha nanhte hte rau nga nga lu u ga, shi hpe kabu gara hkap tau hkalum la mu; hpa majaw nga yang, shi gaw ngai hte maren dai Madu a magam bungli gun hpai nga ai wa rai nga ai.

1 KORINHTU 4:17

Dai lam a majaw ngai gaw Hkristan asak hkrung lam hta nye a tsaw ra ai, kangka sadi sahka nga ai ngai sha Timohti hpe nanhte hpang de ngai shangun dat we ai. Shi gaw, ngai nan hkan sa nna shara shagu na nawku hpung ni yawng hpe sharin shaga ya ai Hkristu hte langai sha re ai asak hkrung lam ningnan a lam nanhte hpe bai myit dum shangun na matu shadum jahprang na ra ai.

2 KORINHTU 2:9

Shawng e ngai nanhte hpang de laika ka dat ai lam gaw, chyam dinglik ai lam hpe nanhte gade daram hkam jan lu myit dai hte, nye a sharin shaga matsun madun ai lam ni hpe madat mara hkan sa na matu galoi mung jin nga chyalu rai nga ai kun? ngu ai hpe chye na matu ka dat nngai.

2 KORINHTU 8:22

Dai re ai majaw anhte gaw dai hpu nau yan hte rau kaga Hkristan hpu nau langai mi hpe mung shangun dat ga ai. Dai wa hpe anhte law law lang chyam yu yang, shi gaw galoi mung sharawng awng ai hte karum chye ai wa rai nga ai hpe mu lu ga ai. Ya shi gaw nanhte a ntsa e kam kaba ai myit grai wa rawng nga ai rai nna, karum mayu ai shawang myit grau nna katu nga lu ai.

2 KORINHTU 8:24

Dai majaw nanhte hte seng nna anhte arawng la nna gumrawng ai lam gaw teng nga ai lam hpung ni yawng hkrak chye lu mu ga, shanhte hpe nanhte a tsaw ra myit madun dan mu.

2 KORINHTU 8:8

Ning ngu tsun ai gaw hkang da ai tara ni hpe jahkrat da nga nngai n rai. Kaga masha ni a karum madi shadaw ai lam hta tsaw ra shawang myit gade daram galu kaba ai hpe tsun dan ai hte nanhte a tsaw ra shawang myit gade jet ai ngu ai hpe chye lu na matu tsun ai rai nga ai.

HPILIPI 1:12

Bai hpu nau ni e, ngai hta byin ai lam ni gaw dai Kabu Gara Shiga jat galu kaba wa na lam hpe kaja wa karum madi shadaw na matu byin wa sai rai nga ai lam ngai nanhte hpe chye shangun mayu nngai.

HPILIPI 1:16

Dai ni gaw ngai dai Kabu Gara Shiga hpe makawp maga na bungli hta san da hkrum ai wa rai nga nngai hpe, chye nga ma ai majaw, tsaw ra ai myit hte hkaw dan ma ai.

HPILIPI 1:5

Hpa majaw nga yang Madu a magam bungli hpe gun hpai hpang ai shani kaw nna dai ni du hkra nanhte gaw dai Kabu Gara Shiga hkaw tsun ai lam hta ngai hpe karum shingtau galaw gun hpai lai wa manit dai.

HPILIPI 1:7

Nye a myit masin hta e ngai nanhte hpe galoi mung sharawng awng nga nngai. Shing re ai lam gaw ngai nanhte hpe grai tsaw ra made ai majaw mung, bai ya ngai bawng dung nga ai aten hta dai Kabu Gara Shiga hpe ndut ndang makawp maga hkaw tsun sharin shaga nna shangang shagrin da na ahkang lu nga ai ten hta mung, nanhte nlang hte gaw Karai Kasang jaw ai chyeju hpe ngai hte rau jawm hkam la manit dai.

HPILIPI 2:20

Timohti shi langai mi sha ngai hte myit bung nna shi zawn nanhte a lam hpe htep lahti myit tsang ai masha kaga langai mi mung n nga sai.

1 TIMOHTI 1:18

Ngai sha Timohti e, lai wa sai ten hta nang hpe sha-ang nna htawn tsun ai myihtoi ga ni hte maren, galaw gun hpai sa wa na matu ngai nang hpe ahkaw ahkang ap ya de ai; atsawm sha gasat gala lu na matu dai myihtoi ni htawn tsun ai ga ni hpe laknak zawn jai lang nga u.

1 TIMOHTI 1:2

dai makam masham hta nye a kasha majing rai nga ai Timohti hpang de laika ka dat nngai. Kawa Karai Kasang hte anhte a Madu Yesu Hkristu kaw na chyeju, matsan dum ai hte ngwi pyaw ai gaw nang hta anga nga u ga law.

1 TIMOHTI 4:6

Ndai matsun ga ni hte maren Hkristan hpu nau ni hpe nang shadum shahprang nga n yang gaw nang gaw nang hkap la nga ai wenyi makam masham lam hpe mung, teng man ai sharin shaga ai ga hpe mung, hkan nga ai majaw Hkristu a shangun ma kaja rai nga nit dai.

2 TIMOHTI 1:2

Kawa Karai Kasang hte anhte a Hkristu Yesu gaw nang hpe chyeju matsan dum ai hte ngwi pyaw lam jaw ya u ga law.

2 TIMOHTI 3:10

Rai ti mung nang chyawm gaw nye a sharin shaga ai lam, nye a lai len hte, nye a asak hkrung lam hta shatawng shada ai lam ni hpe hkan sa nit dai, nye a makam masham nye a myit galu nna hkam sharang ai lam, nye a tsaw ra ai myit, nye a shakut sharang ai lam,

TITU 1:4

Madu Yesu hpe anhte hte maren kam sham ai hta rau rum nga ai ngai sha majing re ai Titu hpang de ngai ndai laika hpe ka shana dat nngai. Kawa Karai Kasang hte anhte a hkye hkrang la ai Madu Yesu Hkristu gaw nang hpe chyeju hte ngwi pyaw ai lam jaw ya u ga law.