HPILIPI 2:20 - Jinghpaw Common Language Bible 2009

²⁰ Timohti shi langai mi sha ngai hte myit bung nna shi zawn nanhte a lam hpe htep lahti myit tsang ai masha kaga langai mi mung n nga sai.

Jinghpaw Hanson Version Bible

²⁰ Kaning rai nme law, ngai hte myit hkrum nna, shi zawn nanhte a lam hpe htep lahti tsang ai masha kaga, langai mi mung ngai n lu nngai.

HPILIPI 2:20 ပူးပေါင်းရင်းမြစ်များ

SHAKAWN KUNGDAWN 55:13

Rai ti mung, dai zawn galaw ai gaw nye a manaw manang wa, nye a kanawn manang wa hte hkau chyap ai manang nan rai nga ai.

GA SHAGAWP 31:29

Shi gaw, “Num law law ni gaw kaja ai nta madu jan ni hkrai rai nga ma ti mung, dai ni yawng hta nang gaw kaja htum rai nga ndai,” nga nna tsun wu ai.

YAWHAN 10:13

Dai nchyang wa gaw, nchyang sha rai nga ai majaw, sagu ni a matu n tsang ai, hprawng mat wa ai.

YAWHAN 12:6

Shi shing nga nna tsun ai gaw, matsan mayan ni hpe matsan dum ya nna tsun ai n rai, shi gaw gumhpraw jan jum ai wa rai nga ai rai nna, bang da ai gumhpraw hta na sen di sha ai lagut rai nga ai majaw tsun ai sha rai nga ai.

ROMA 15:5

Nanhte nga manga hte gaw Hkristu Yesu a kasi ningli hpe hkan nna nanhte shada da myit mang langai sha rai nga lu u ga, hkam sharang ai atsam hte myit shatsam ya ai lam jaw ya nga ai Karai Kasang gaw nanhte hpe woi awn nga u ga law.

1 KORINHTU 16:10

Lama wa Timohti nanhte kaw du sa wa dam a yang gaw, shi hta hkrit tsang ai lam n nga ai sha nanhte hte rau nga nga lu u ga, shi hpe kabu gara hkap tau hkalum la mu; hpa majaw nga yang, shi gaw ngai hte maren dai Madu a magam bungli gun hpai nga ai wa rai nga ai.

HPILIPI 2:2

Dai rai nna nanhte gaw myit hkrum ai lam langai sha, myit masin langai sha, myit mang langai sha rai nga ai hku nna, nye a kabu gara myit hpe jahpring shatsup ya na matu, ngai nanhte hpe shadut jahkat dat made ai.

HPILIPI 2:22

Shi gaw kasha gaw kawa hpe shadaw ai zawn, dai kabu gara shiga shachyam shabra ai lam hta ngai hte rau magam gun shakut sharang nga ai majaw, shi gade daram manu dan ai wa re ai hpe nanhte nan chye nga myit dai.

KOLOSE 4:11

Yustu ngu nna mung shamying ai Yesu mung, nanhte hpe shakram dat ai. Ndai marai masum chyu sha kam sham ai Yuda masha ni rai nna, Karai Kasang a mungdan a matu ngai hte rau amu galaw ai nye a shingdep shingtau ni rai nga ma ai hte ngai hpe karum dik ai ni rai ma ai.

1 TIMOHTI 1:2

dai makam masham hta nye a kasha majing rai nga ai Timohti hpang de laika ka dat nngai. Kawa Karai Kasang hte anhte a Madu Yesu Hkristu kaw na chyeju, matsan dum ai hte ngwi pyaw ai gaw nang hta anga nga u ga law.

1 TIMOHTI 4:6

Ndai matsun ga ni hte maren Hkristan hpu nau ni hpe nang shadum shahprang nga n yang gaw nang gaw nang hkap la nga ai wenyi makam masham lam hpe mung, teng man ai sharin shaga ai ga hpe mung, hkan nga ai majaw Hkristu a shangun ma kaja rai nga nit dai.

2 TIMOHTI 1:5

Nang gaw na a nwoi dwi Lui hte na nnu Uni yan hta shawng rawng ai baw n sawt ai makam masham nang hta mung rawng nga ai hpe ngai dum nga nngai. Shanhte hta rawng ai baw makam masham gaw nang hta mung rawng nga na hpe ngai kam nga nngai.

2 TIMOHTI 3:10

Rai ti mung nang chyawm gaw nye a sharin shaga ai lam, nye a lai len hte, nye a asak hkrung lam hta shatawng shada ai lam ni hpe hkan sa nit dai, nye a makam masham nye a myit galu nna hkam sharang ai lam, nye a tsaw ra ai myit, nye a shakut sharang ai lam,

1 SAMUELA 18:1

Shawlu hte ga tsun ngut ai hpang, Shawlu a kasha Yonahtan gaw Dawi hpe grai myit yu kap mat ai rai nna, shi hkum hte maren tsaw ra wu ai.

1 SAMUELA 18:3

Yonahtan gaw Dawi hpe grai tsaw ra wu ai majaw shi hte htani htana myit hkrum manang tai nga u ga nga, dagam da wu ai.