HPILIPI 2:19 - Jinghpaw Common Language Bible 2009

¹⁹ Ngai gaw nanhte kaw na shiga na lu nna n-gun lu u ga, Madu a myit ra ai lam rai yang gaw Timohti hpe nanhte hpang de kade nna yang shangun dat lu na ring ngai ngu nna ngai myit mada nga nngai.

Jinghpaw Hanson Version Bible

¹⁹ Nanhte a lam chye lu yang, ngai mung myit pyaw nga lu n ga, nanhte hpang de Timohti hpe alawan shangun dat na, dai Madu Yesu hta e ngai myit mada nga nngai.

HPILIPI 2:19 ပူးပေါင်းရင်းမြစ်များ

YEREMIA 17:5

Dai Madu gaw, “Ngai kaw na kayin mat wa ai masha ni hte shinggyim masha ni hte si chye ai masha a n-gun hta kam hpa nga ai ni hpe ngai daw dan na we ai.

MAHTE 12:21

Masha amyu ni yawng mung, shi hta myit mada shara lu la na mara ai,” nga ai rai nga ai.

KASA 16:1

Pawlu gaw Derbe hte Lustra mare de du sa wa ai. Lustra mare hta Timohti mying ai Hkristan langai mi nga ai. Kanu gaw kam sham ai Yuda Hkristan num rai nna, Kawa gaw Grik masha rai nga ai.

ROMA 15:12

Bai Esaia gaw, “Yese a aru arat langai mi paw pru na ra ai, maigan amyu ni hpe up na matu Karai Kasang gaw shi hpe paw pru shangun na rai nna, Maigan amyu ni dai wa hta myit mada kam hpa nga na mara ai,” nga ai.

ROMA 16:21

Nye a shingdep shingtau rai nga ai Timohti hte nye a bawsang, Yuda masha ni rai nga ai, Luki, Yasun hte Sosipata hte gaw nanhte hpe shakram dat ma ai.

1 KORINHTU 4:17

Dai lam a majaw ngai gaw Hkristan asak hkrung lam hta nye a tsaw ra ai, kangka sadi sahka nga ai ngai sha Timohti hpe nanhte hpang de ngai shangun dat we ai. Shi gaw, ngai nan hkan sa nna shara shagu na nawku hpung ni yawng hpe sharin shaga ya ai Hkristu hte langai sha re ai asak hkrung lam ningnan a lam nanhte hpe bai myit dum shangun na matu shadum jahprang na ra ai.

EHPESU 1:13

Nanhte hpe hkye hkrang la ai lam jaw ya ai dai teng man ai mungga ngu ai Kabu Gara Shiga hpe nanhte maigan masha ni na la lu ai shaloi e, nanhte mung Karai Kasang a amyu masha ni tai wa manit dai. Hkristu hpe nanhte kam sham myit dai rai nna shi ndat da ai Chyoi Pra ai Wenyi hpe jaw ya ai a marang e shi gaw nanhte a Madu rai nga ai lam dazik dawk da nu ai.

HPILIPI 1:1

Hkristu a mayam ni rai nga ai Pawlu hte Timohti gaw, Hpilipi mare e nga nga ai, hpung, hpung up, hpungtau ni hte hpawn Hkristu Yesu hta e langai sha rai nga ai Karai Kasang a amyu masha ni nlang hpang de laika ka dat ga ai.

HPILIPI 2:18

Dai hte maren nanhte mung kabu nga mu; ngai hpe mung nanhte hte rau kabu shangun mi.

HPILIPI 2:28

Dai re ai majaw, nanhte shi hpe bai mu hkrum lu nna kabu lu myit ga hte nye a yawn hkyen ai mung mat mat wa u ga, shi hpe nanhte hpang de dat dat na ngai grau nna myit katu bu nga nngai.

1 HTESALONI 3:2

Hkristu a Kabu Gara Shiga hkaw tsun ai hta anhte rau magam bungli galaw nga ai anhte a hpu nau wa Timohti hpe shangun dat ga ai.

1 HTESALONI 3:5

Ngai matut nna n dang la ni ai majaw, nanhte a makam masham gara hku rai nga ai lam mu chye lu na matu Timohti hpe ngai shangun dat we ai. Kaja wa nanhte gaw Nat e gunglau ai de hkan mat wa nna, anhte a shakut shaja ai hte galaw da ai amu ni kaman lila n tai shangun mayu ga ai!

2 HTESALONI 1:3

Tsaw ra ai hpu nau ni e, nanhte a lam hte lakap nna Karai Kasang a chyeju hpe anhte tut nawng e shakawn kungdawn ra ga ai. Shing rai shakawn kungdawn ai lam anhte galaw na gaw anhte a matu jaw ang ai amu rai nga ai; hpa majaw nga yang, nanhte a makam masham gaw grai galu kaba wa ai hte nanhte hta rawng ai, masha hpe tsaw ra ai myit mung grau grau nna kunghpan kaba wa sai.

2 TIMOHTI 1:12

Dai lam a majaw ndai nni nkri ru yak jam jau ni hpe ngai hkam jan nngai, Rai ti mung nye a kam hpa ai myit gaw ngai hta naw hpring chyat nga ai. Hpa majaw nga yang, ngai kadai wa hpe kam manoi nga nngai gaw ngai chye nga ai hte ngai hpe kam nna nye a lata hta ap tawn da sai dai Kabu Gara Shiga hpe tara jeyang ai Shani Nhtoi du hkra makawp maga mahkyu da ya lu ai n-gun atsam shi hta rawng nga ai ngu nna ngai myit mu myit hkut nga nngai.

YAKU 4:15

“Madu hkraw a yang gaw anhte hkrung nga ga ai rai nna ndai amu, wora amu galaw lu na ga ai,” ngu ai ga gaw nanhte tsun mai ai ga rai nga malit dai.

1 PETRU 1:21

Madu Yesu hpe si ai kaw na bai hkrung sharawt la nna hpung shingkang ap ya hkrum ai wa a marang e, nanhte Karai Kasang hpe kam sham nga manit dai; shing rai nanhte a makam masham hte myit mada ai lam gaw, Karai Kasang hta jung noi nga ai.