HPILIPI 1:7 - Jinghpaw Common Language Bible 2009

⁷ Nye a myit masin hta e ngai nanhte hpe galoi mung sharawng awng nga nngai. Shing re ai lam gaw ngai nanhte hpe grai tsaw ra made ai majaw mung, bai ya ngai bawng dung nga ai aten hta dai Kabu Gara Shiga hpe ndut ndang makawp maga hkaw tsun sharin shaga nna shangang shagrin da na ahkang lu nga ai ten hta mung, nanhte nlang hte gaw Karai Kasang jaw ai chyeju hpe ngai hte rau jawm hkam la manit dai.

Jinghpaw Hanson Version Bible

⁷ Nye a bawng dung ai hta rai timung, dai kabu gara shiga a lam awlaw nna shagrin da ai hta rai timung, nanhte nlang hte gaw ngai hte rau chyeju jawm hkam la ai ni rai nga myit dai majaw, nanhte mahkra a lam ngai ning rai myit nga na gaw, ging dan nga ai rai nna, nye a myit masin hta e ngai nanhte hpe sharawng nga nngai.

HPILIPI 1:7 ပူးပေါင်းရင်းမြစ်များ

KASA 20:23

Chyoi Pra ai Wenyi gaw ngai hpe gyit hkang sharen da ai hte zingri zingrat ai lam ngai hpe ala nga ai, nga nna mare shagu hta tau hkrau sadi jaw ai hpe chyu sha ngai chye nngai.

KASA 21:33

Dai shaloi dap up du kaba wa sit sa nna Pawlu hpe rim la nhtawm Hpri sumri lahkawng hte gyit na hkang da mu ai. Dai hpang shi gaw, “Ndai masha kadai rai ta? Shi hpa galaw shut sata?,” nga nna san jep wu ai.

1 KORINHTU 13:7

Tsaw ra ai myit gaw galoi mung asum n hkam ai, galoi mung kam sham nga ai, galoi mung myit mada nga ai, galoi mung hkam sharang nga ai.

1 KORINHTU 9:23

Dai Kabu Gara Shiga a marang e, shaman chyeju ni hpe nanhte hte rau hkam la lu n ga, ndai lam yawng mayawng hpe ngai hkan galaw nngai.

2 KORINHTU 3:2

Nanhte hkum nan masha shagu e hti nna chye lu ai anhte a myit masin hta ka tawn da ai laika hkum nan rai nga myit dai.

2 KORINHTU 7:3

Ngai ning nga tsun ai gaw, ngai nanhte hpe mara shagun jeyang mayu ai majaw n rai; hpa majaw nga yang, shawng de ngai tsun sai hte maren, nanhte hpe anhte grai tsaw ra ai majaw, si ti mung, prawn ti mung, nanhte hte rau galoi mung anga nga ga ai.

GALATI 5:6

Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

EHPESU 3:1

Ndai lam a majaw, Hkristu a bawng dung ai wa ngai Pawlu gaw, nanhte maigan masha ni a matu Karai Kasang kaw akyu hpyi ya nngai.

EHPESU 4:1

Dai re ai majaw dai Madu hpe daw jau ai a majaw bawng dung ai wa ngai Pawlu gaw nanhte hpe shi shaga la ai kaw nna Karai Kasang e madat da ya sai sak hkrung lam madung hte maren, sak hkrung hkawm sa na matu ngai nanhte hpe shadut jahkat dat made ai.

EHPESU 6:20

Ya ngai bawng dung ai wa rai nga ti mung, dai Kabu Gara Shiga a jaw e kasa langai mi rai nga nngai; Dai Kabu Gara Shiga hpe hkaw tsun na ngai hta lit nga ai hte maren nden ja ai hte tsun shana lu u ga, akyu hpyi nga mu.

HPILIPI 1:12

Bai hpu nau ni e, ngai hta byin ai lam ni gaw dai Kabu Gara Shiga jat galu kaba wa na lam hpe kaja wa karum madi shadaw na matu byin wa sai rai nga ai lam ngai nanhte hpe chye shangun mayu nngai.

HPILIPI 1:13

Dai Hkawhkam htingnu hpe sin ai hpyen dap ting hte nang e nga ai kaga ni yawng hkra gaw, ngai bawng dung ai gaw Hkristu a shangun ma tai ai majaw re ai lam hpe chye wa masai.

HPILIPI 1:14

Dai hta kaga, ngai bawng dung ai a marang e hpu nau ni malawng maga gaw dai Madu hta makam masham myit nden grau nna rawt wa ai hte Karai Kasang a mungga hpe n hkrit n kang ai sha tsun dan na, grau nna gwi wa ma ai.

HPILIPI 1:5

Hpa majaw nga yang Madu a magam bungli hpe gun hpai hpang ai shani kaw nna dai ni du hkra nanhte gaw dai Kabu Gara Shiga hkaw tsun ai lam hta ngai hpe karum shingtau galaw gun hpai lai wa manit dai.

HPILIPI 2:22

Shi gaw kasha gaw kawa hpe shadaw ai zawn, dai kabu gara shiga shachyam shabra ai lam hta ngai hte rau magam gun shakut sharang nga ai majaw, shi gade daram manu dan ai wa re ai hpe nanhte nan chye nga myit dai.

HPILIPI 4:14

Rai ti mung ngai nni nkri hkrum ai ten hta ngai hpe karum madi shadaw ai hku nna nanhte grai mai kaja ai bungli galaw manit dai rai nga ai.

HPILIPI 4:15

Hpilipi hpung masha ni e, Makedoni mung na ngai pru wa nna Kabu Gara Shiga hkaw tsun hpang ai nhtoi ni a shawng daw hta nanhte Hpilipi hpung langai mi chyu sha ngai hpe karum dat manit dai lam hpe mung, magam gun ai lam hta nanhte chyu sha ngai hte kanawn mazum let sum hkrum ai lam ni hte awng dang ai akyu ni hpe rau rum hkam la manit dai lam hpe mung, nanhte nan atsawm sha chye nga myit dai.

HPILIPI 4:3

Nye a nrum ntau share manang hku nna mung dai num yan hpe karum la na hpe ngai ra sharawng nga nngai; hpa majaw nga yang dai Kabu Gara Shiga hkaw tsun ai lam hta ngai hte rau nhki nsang amu galaw shakut shaja lawm ma ai. Shing rai galaw lai wa ai ni hta Klemen hte Karai Kasang a asak jahpan laika hta tinang a mying lawm ai nye a shingdep shingtau kaga ni mung lawm ma ai.

KOLOSE 4:18

Ngai Pawlu nan nye a lata hte ndai shakram ai ga ni hpe ka dat nngai. Ngai htawng e bawng dung nga ai hpe nanhte hkum malap kau nga myit! Karai Kasang a chyeju gaw nanhte hte rau anga nga u ga law.

KOLOSE 4:3

Madu Yesu a sung htum ai mungga a lam hkaw tsun lu na ahkaw ahkang ginshan kaja Karai Kasang anhte hpe jaw u ga, anhte a matu mung akyu ahpyi ya nga mi. Hpa majaw nga yang, Hkristu a sung htum ai mungga hpe hkaw tsun ai a majaw ya e ngai htawng rawng nga nngai.

1 HTESALONI 5:5

Hpa majaw nga yang, nanhte yawng gaw nhtoi a kashu kasha ni rai nna shani a kashu kasha ni mung rai nga myit dai. Anhte gaw shana a kashu kasha ni mung n rai, nsin a kashu kasha ni mung n rai ga ai.

2 TIMOHTI 1:8

Dai rai nna anhte a Madu a matu sakse hkam ai hta hkum kaya nga u; bai nna Hkristu a jaw e bawng dung ai wa nye a majaw mung hkum kaya nga u; shing rai na malai, Karai Kasang gaw nang hpe n-gun lagaw jaw da nit dai hte maren, dai Kabu Gara Shiga a jaw e nni nkri hpe hkam sharang u.

2 TIMOHTI 2:9

Hpa majaw nga yang ngai gaw Kabu Gara Shiga hkaw tsun ai majaw ru tsang hkrum nngai; ru hka hkrum ai bawng langai mi zawn gyit hkang sharen da ai pyi gaw hkrum ni ai. Rai ti mung dai Karai Kasang a mungga chyawm gaw sharen da hkrum ai n rai.

HPILEMON 1:13

Dai Kabu Gara Shiga a majaw bawng dung ai hta, shi gaw na a malai ngai hpe galaw jaw na nang e ngai kaw woi nga mayu nngai.

HEBRE 3:1

Karai Kasang lata shaga la hkrum ai nye a Hkristan hpu nau ni e, anhte yin la ai nawku htung makam masham a Hkinjawng Agyi Kaba tai na matu Karai Kasang e shangun dat ai Yesu hpe myit yu mu.

1 PETRU 4:13

Mau nga na malai, nanhte gaw Hkristu a nni nkri hpe Hkristu hte rau shang lawm hkam la nga myit dai majaw kabu gara nga mu. Shing rai yang she shi a hpung shingkang hte dan pru ai shaloi nanhte nachying kabu gara ai hte hpring tsup wa lu na marin dai.

1 PETRU 5:1

Hpung hpe yu gawn lajang nga ai ngai hpung salang wa langai mi zawn, hpung salang ni hta lawm nga ai nanhte hpe hpyi lajin dat nngai. Ngai gaw Hkristu hkam ai nni nkri ni hpe mu ai sakse langai mi hku nna mung, dan pru na ra ai hpung shingkang hpe nanhte hte rau hkam la na myit mada nga ai wa hku nna mung, nanhte hpe ngai hpyi nem made ai.

2 PETRU 1:13

Ngai asak naw hkrung nga ai ladaw hte yang, dai lam ni hte seng nna nanhte hpe sadi jaw shadum na gaw ngai galaw ang ai amu re ngu nna ngai myit la nngai.

1 YAWHAN 3:14

Anhte hpu nau ni hpe tsaw ra nga ga ai majaw, anhte si ai kaw nna hkrung ai de kawt lu sagaw ai hpe anhte chye ga ai. Kahpu kanau ni hpe n tsaw ra ai wa gaw dai si ai a n-gun atsam kata e sha anga nga ai wa rai nga ai.