HPILIPI 1:30 - Jinghpaw Common Language Bible 2009

³⁰ Ya nanhte gaw ngai hte rau gasat gala ai hta shang lu myit dai; lai wa sai aten hta nanhte ngai gasat nga ai hpe mu yu nna ya e nanhte na lu ai nye a gasat gala ai lam gaw langai sha rai nga ai.

Jinghpaw Hanson Version Bible

³⁰ dai gaw moi shawng e ngai hta e mu lu nna, ya e pyi nye a lam na yu myit dai, ngai hkrum ai gasat gala ai lam hte langai sha rai nga ai.

HPILIPI 1:30 ပူးပေါင်းရင်းမြစ်များ

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

HPILIPI 1:13

Dai Hkawhkam htingnu hpe sin ai hpyen dap ting hte nang e nga ai kaga ni yawng hkra gaw, ngai bawng dung ai gaw Hkristu a shangun ma tai ai majaw re ai lam hpe chye wa masai.

KOLOSE 1:29

Shing rai dai lam byin lu hkra, ngai gaw Hkristu jaw ya ai mauhpa n-gun atsam hte jam jau hkam nna galaw shakut nngai. Dai n-gun atsam ngai hta amu galaw nga ai gaw, ngai galaw ai bungli hta dan dawng nga ai.

KOLOSE 2:1

Ngai gaw nanhte a matu mung, Ladoki masha ni a matu mung, ngai hpe myi man chyaw n mu yu ai kaga masha ni yawng hte a matu mung, ngai gade wa galaw gun hpai shakut shaja sa wa ai lam nanhte hpe ngai tsun dan made ga.

1 HTESALONI 2:2

Anhte gaw nanhte nga ai Htesaloni mare de garai n sa yang, Hpilipi mare e anhte hpe gara hku zingri zingrat ai hte asawng asang di ai hkrum sha saga ai hpe nanhte chye nga myit dai. Shing rai nhtan shai ninghkap ai lam law law nga ti mung, nanhte hpe Karai Kasang kaw na Kabu Gara Shiga tsun dan lu na matu anhte a Karai Kasang gaw anhte hpe nden marai jaw da mani ai.

1 TIMOHTI 6:12

Makam masham hte seng ai gat shingjawng poi hta atsam htum hkra gat nna htani htana asak ngu ai kumhpa hpe na a matu lu la hkra di u; hpa majaw nga yang, dai asak hkrung lam hta e, nang hpe Karai Kasang shaga la ai shaloi nang gaw sakse law law ni a man e kam sham sai lam ngang ngang kang kang nang yin la nit dai.

2 TIMOHTI 4:7

Ngai gaw gat shingjawng ai lam hta atsam htum hkra gat shakut se ai; gat na matu tawn da ai shadawn shadang hpe htum hkra gat shadu se ai; dai makam masham hpe ngai hkan shatup ni ai.

HEBRE 12:1

Ya anhte a matu ndai daram law ai sakse ni gaw anhte hpe wang shinggrup da nga mi ai. Dai re ai majaw, anhte gaw lam e dingbai dingna re ai lam shagu hpe mung, anhte ni hta grai ngang hkra kap noi nga ai yubak hpe mung, yeng seng kau nhtawm, anhte gat na matu myit mada daw dan da ai bandung shadaw du hkra shakut sharang rai gat shadu wa ga.

HEBRE 12:4

Nanhte gaw yubak mara hte hkrum katut gasat hkat ai lam hta ya du hkra sat kau hkrum na madang du hkra garai n hkap daw ra myit dai.

SHINGRAN 12:11

Anhte a hpu nau ni gaw, Sagu Kasha a asai majaw mung, shanhte sakse hkam nga ai teng man ai mungga a majaw mung, Satan hpe awng dang kau lu mu ai rai nna, shanhte gaw si ai du hkra tinang a asak hpe n lahpawt ma ai.