HPILIPI 1:26 - Jinghpaw Common Language Bible 2009

²⁶ Dai rai nna ngai nanhte hpang de bai du wa ai shaloi nye a marang e nanhte gaw Hkristu Yesu hta e grau nna kabu gumrawng lu na myit dai.

Jinghpaw Hanson Version Bible

²⁶ ngai naw anga nga nna, nanhte a makam masham jat wa ai hte kabu gara lam a jaw e, nanhte nlang hte rau nga nga na nngai, ngai chye nga nngai.

HPILIPI 1:26 ပူးပေါင်းရင်းမြစ်များ

Shawlumon A Mahkawn Ga 5:1

Nye a nja jan, nye a num nnan e, ngai gaw nye a sun de shang ni ai. Ngai gaw manam pyaw ai namji namya ni hte mura ni hpe shinggyin la nngai; lagat ntsin hte gitbaw hpe ngai sha nna, sabyi ntsin hte ngachyu hpe ngai lu nga nngai. Tsaw ra ni e, nanhte gaw tsaw ra myit hte lu nang mat ai aten du hkra lu lu sha sha rai nga mu!

YAWHAN 16:22

Dai hte maren nanhte ya yawn hkyen nga myit dai; rai ti mung nanhte hte ngai bai hkrum lu nna, nanhte a kraw lawang ni hta kabu gara ai hte hpring na ra ai; dai nanhte a kabu gara ai hpe nanhte kaw na kadai mung kashun la ya lu sana n rai.

YAWHAN 16:24

Ya du hkra nanhte nye a mying gang nna hpa mung n hpyi yu myit dai; nanhte a kabu gara ai lam hpring tup hkra lu la na matu hpyi nga mu; hpyi ai hte maren nanhte lu la na marin dai.

2 KORINHTU 1:14

Anhte a Madu Yesu Hkristu bai du sa ai nhtoi hta anhte gaw nanhte a majaw gumrawng lu na ga ai hte maren, nanhte mung anhte a majaw gumrawng lu mu ga, ya e anhte a lam kau chyen sha mi nanhte chye na tawn ti mung, hkum tsup kup hkra chye na wa na hpe ngai myit mada nga nngai.

2 KORINHTU 5:12

Ning ngu nna tsun ai hta anhte gaw tinang a kaja ai lam hpe nanhte a man e shagrau sha-a dan nga ga ai n rai; anhte a ntsa e nanhte kabu gumrawng shara lu la shangun na matu she rai nga ai. Shaloi she masha a arawn alai hpe n yu ai sha shinggan nsam hpe sha yu nna gumrawng chye ai ni hpe mahtai jaw lu na rai myit dai.

2 KORINHTU 7:14

Ngai gaw Titu hpe nanhte a lam gumrawng dan ni ai. Shing rai gumrawng dan ai hte maren teng man nga ai lam nanhte madun dan manit dai majaw ngai hpe myit daw shangun myit dai n rai. Anhte gaw nanhte hpe galoi mung teng man ai lam hpe sha tsun ga ai hte maren, Titu hpe nanhte a lam gumrawng dan ai lam mung teng nga ai hpe chye lu sai.

2 KORINHTU 7:4

Ngai gaw nanhte hpe nachying kam kaba nga nngai; nanhte a matu mara ngai grai gumrawng nga nngai! Yak hkak tsin-yam tsindam amyu myu hkrum hkra rai ti mung, ngai hta nden marai hpring tsup nga ai hta n-ga, ngai hta kabu gara ai lam mung hpring kabrat nga li ai.

2 KORINHTU 7:6

Rai ti mung myit kaji garen nga ai ni hpe karum n-gun jaw ai Karai Kasang gaw, anhte hpang de du sa wa ai Titu hku nna anhte hpe myit n-gun lu la shangun mi ai.

GALATI 6:4

Masha langai hte langai gaw tinang a bungli hpe dinglik yu u ga, tinang a bungli kaja nga ai rai yang dai hpe kaga langai ngai a bungli hte shadawn yu shara n nga ai sha, shi galaw ai bungli hta myit dik gumrawng shara rai na ra ai.

HPILIPI 3:1

Hpu nau ni e, jahtum hku tsun ga nga yang, dai Madu hta langai sha tai lu ai lam hpe kabu gara nga mu. Shawng de nanhte hpang de ngai ka dat yu sai lam ni hpe bai kahtap ka na matu ngai hta lit n li nga ai sha n-ga nanhte hpe shim lam lu la shangun nga ai.

HPILIPI 3:3

Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.

HPILIPI 4:10

Ndai daram wa aten na mat wa ai hpang nanhte a tsaw ra myit ngai hpe kalang bai madun myit dai majaw ngai dai Madu hta nachying kabu nga nngai; shing nga yang, nanhte ngai hpe yu gawn lajang ai lam jahkring kau myit dai n ngu mayu nngai. Dai tsaw ra myit hpe madun dan na ahkaw ahkang ginwan n lu myit dai ngu mayu ai sha re.

HPILIPI 4:4

Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.