HPILIPI 1:22 - Jinghpaw Common Language Bible 2009

²² Rai ti mung nye a hkum hkrang hta asak hkrung nga let akyu rawng ai amu grau nna galaw lu na rai yang gaw hkrung ai hte si ai gara mahtang hpe lata la na ngai n chye nngai.

Jinghpaw Hanson Version Bible

²² Rai timung, nye a hkumhkrang hta naw hkrung nga yang, nye bungli a asi si wa yang gaw, gara mahtang lata la na ngai n chye nngai.

HPILIPI 1:22 ပူးပေါင်းရင်းမြစ်များ

NINGPAWT NINGHPANG 21:26

Abimelek mung dai hpe kadai galaw ai gaw ngai n chye nngai. Nang mung dai lam ngai hpe n tsun dan yu ndai; ndai gaw dai lam hte seng nna shawng na ai shiga rai sai,” ngu nna tsun wu ai.

NINGPAWT NINGHPANG 39:8

Yosep mahtang n hkraw ya ai rai nna, shi hpe, “Yu u, ndai yang ngai nga nga nngai majaw nta kata na arung arai hpa hpe mung nye a madu shi nan n chye da ra nu ai. Shi lu malu arai mahkra hpe hpareng lajang ya na matu mung ngai hpe ap da ni ai.

SHAKAWN KUNGDAWN 71:18

Ya chyawm gaw, ngai dingla wa nga nngai hte nye a kara hpraw wa nga li ai. Karai Kasang e, ngai hpe hkum kau da nga et! Du sa wa na masha ban prat yawng hte hta na a daru magam n-gun hte chyahtum chyalai rawng ai n-gun hpe ngai htawn tsun yang, ngai hte rau rai nga u.

PRU MAT 32:1

Amyu masha ni gaw dai bum kaw Mawshe na na nga nna n yu wa sai hpe mu ma yang, shanhte gaw Arun kaw grup rai sa hpawng nhtawm, “Anhte hpe Egutu mung kaw na woi wa ai wa, dai Mawshe hta hpa byin sai gaw, anhte n chye saga ai; dai re ai majaw anhte hpe lam woi na hpara langai anhte a matu galaw ya mi,” ngu nna tsun ma ai.

KASA 3:17

Ya rai ti mung hpu nau ni e, nanhte hte nanhte a du agyi ni Yesu hpe nanhte a n chye n chyang ai a majaw galaw kau nga ai lam ngai chye nga nngai.

ROMA 1:13

Nye a hpu nau ni e, Yuda amyu masha n re ai maigan amyu masha ni hpe ngai myit malai kayin wa shangun mawe ai zawn, nanhte hta mung myit malai kayin wa ai masha ni nga wa na matu ngai nanhte hpang de sa du na, law law lang hkyen lajang yu ni ai, rai ti mung lam lama ma e ayan hkum shadang ai a majaw n du sa lu ai re ai lam nanhte hpe chye shangun mayu nngai.

ROMA 11:2

Karai Kasang gaw shawng npawt kaw nna lata la sai shi a amyu masha ni hpe kabai kau nu ai n rai. Chyum Laika hta Elia gaw Israela amyu masha ni hpe mara shagun let Karai Kasang kaw kaning nga hpyi nem ai hpe nanhte chye nga myit dai.

2 KORINHTU 10:3

Anhte gaw mungkan e nga nga ga ai teng ti mung, mungkan a maw mawn ai myit hku nna gasat nga ga ai n rai.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

HPILIPI 1:23

Ngai gaw lam lahkawng a hpatwat e rai nna kade nde nna gang da ai ngai hkrum nga nngai. Ngai gaw ndai ya hkrung nga ai asak hkrung lam hpe tawn kau da nna Hkristu hte rau asak hkrung mayu la nngai; dai gaw nye a matu grau kaja nga ai.

HPILIPI 1:24

Rai ti mung nanhte a matu mara ngai asak hkrung nga na gaw grau nna ahkyak kaba rai nga ai.

KOLOSE 2:1

Ngai gaw nanhte a matu mung, Ladoki masha ni a matu mung, ngai hpe myi man chyaw n mu yu ai kaga masha ni yawng hte a matu mung, ngai gade wa galaw gun hpai shakut shaja sa wa ai lam nanhte hpe ngai tsun dan made ga.

1 PETRU 4:2

Dai re ai majaw ya kaw nna ndai mungkan hta nanhte asak hkrung na matu naw ngam nga ai asak aprat laman shinggyim hkum shan a ra marit ai myit n hkan ai sha, Karai Kasang a myit ra ai lam a hkang ai hku nanhte asak hkrung sa wa lu na rai myit dai.