HPILIPI 1:20 - Jinghpaw Common Language Bible 2009

²⁰ Ngai gaw galoi mung nye a lit hpe n hprai ai sha, aten shagu hta rai ti mung, grau nna ya e rai ti mung, magrau grang ai atsam marai hte hpring tsup let, ngai hkrung ti mung, si ti mung nye a asak hkrung lam ting hta Hkristu a hpung shingkang dan hkung shangun na gaw nye a ra sharawng dik ai lam hte myit mada ai lam rai nga li ai.

Jinghpaw Hanson Version Bible

²⁰ nanhte a akyu hpyi ai hte Yesu Hkristu a Wenyi a lanawn ya ai a marang e, ndai lam mung nye a hkye hkrang la ai lam tai na re ai, ngai chye nga nngai.

HPILIPI 1:20 ပူးပေါင်းရင်းမြစ်များ

SHAKAWN KUNGDAWN 119:116

Na a ga sadi hte maren, ngai hpe n-gun jaw ya e, shaloi ngai asak hkrung nga lu na nngai; nye a myit mada ai lam hta myit daw myit hten shara hkum tai shangun et.

SHAKAWN KUNGDAWN 119:80

Ngai gaw na a hkang da ai ga ni hpe ra n rawng hkra madat mara hkan sa nga nngai majaw, kaya kahpa hte sum kadawng ai lam ngai hta n hkrum nga u ga.

SHAKAWN KUNGDAWN 25:2

nye a Karai Kasang e, nang hpe ngai kam hpa nga nngai. Kaya kahpa sum mat ai kaw na ngai hpe hkye hkrang la e; nye a gumlau hpyen ni hpe awng padang hte hkum kabu shangun nga et!

SHAKAWN KUNGDAWN 62:5

Ngai gaw Karai Kasang hta chyu sha, manoi gumgoi nga nngai; ngai shi hpe myit mada nngai.

GA SHAGAWP 10:28

Mai kaja ai masha ni a myit mada lam gaw kabu gara lam de woi sa nga ai; tara n lang ai ni a myit mada lam chyawm gaw kaman lila rai nga ai.

GA SHAGAWP 23:18

Dai rai yang, na a shawng lam grai awng dang na ra ai.

ESAIA 45:17

Rai ti mung Israela gaw dai Madu a majaw hkye hkrang la hkrum nga sai, Israela a awng padang gaw htani htana agrin nga ai; Israela a amyu masha ni gaw galoi mung kaya kahpa hkrum na ma ai n rai.’”

ESAIA 50:7

Rai ti mung shanhte a n kaw n law re ai amu gaw ngai hpe machyi shangun lu ai n rai, hpa majaw nga yang, Tsaw Htum ai dai Madu gaw ngai hpe karum la nga ai. Ngai gaw dai ni hpe hkam sharang lu hkra n-gun dahpran la nngai. Ngai kaya kahpa hkrum na n rai nga nngai hpe ngai chye nngai,

ESAIA 54:4

Hkum hkrit et-nang gaw kaya kahpa bai hkrum na ra ai n rai; nang gaw shagrit kau hkrum na n rai. Nang gaw ram prat na madu jan zawn na a sadi n dung ai lam hpe mung, gaida jan zawn na a myit chyum myit htum garen gari ai lam hpe mung malap kau na rai ndai.

YAWHAN 21:19

(Shing nga tsun ai gaw, Petru gaw kaning re ai si lam hte Karai Kasang a hpung shingkang shapraw lu na ra ai lam hpe tau hkrau nna tsun ai rai nga ai.) Shing nga tsun ngut jang, Yesu gaw Petru hpe “Ngai kaw hkan nang rit!,” ngu wu ai.

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna nye myit hpe gawng run shangun ya nga myit ta? Yerusalem mare e gyit hkang da ai hkrum na sha n ga, Madu Yesu a mying nsang a majaw dai yang sa si hkam na pyi ngai jin jin rai nga nngai,” ngu nna htan shangap mu ai.

KASA 4:31

Shing rai akyu hpyi ngut jang, shanhte hpawng nga ai shara gaw gari ashun wa nna shanhte nlang hte hta Chyoi Pra ai Wenyi hpring wa ai hte Karai Kasang a mungga hpe nden ja ai myit hte tsun dan hpang wa ma ai.

ROMA 12:1

Dai re ai majaw hpu nau ni e, Karai Kasang gaw anhte a ntsa e tsaw ra matsan dum ai myit kaba rawng nga ai majaw shi a amu gun hpai na hte shi sharawng awng ai ahkrung nga ai hkungga tai na matu nanhte a hkum hkrang nawng ya na ngai nanhte hpe shadut jahkat dat made ai. Dai gaw nanhte nawng ya ang ai myit masin a teng man ai daw jau ai lam rai nga ai.

ROMA 5:5

Dai myit mada ai lam chyawm gaw anhte hpe myit daw shangun mi ai n rai; hpa majaw nga yang anhte hpe Karai Kasang jaw da sai kumhpaw kumhpa ngu ai dai Chyoi Pra ai Wenyi e Karai Kasang a tsaw ra ai myit hpe anhte a kraw lawang hta e ru bang ya mani ai.

ROMA 6:13

Dai hta n-ga nanhte a hkum hkrang daw shan hpe mung n hkru n shawp ai hta asung jashawn na matu yubak hpe hkum ap ya myit. Shing rai na malai nanhte si ai kaw na hkrung rawt ai n re ai hku nna mung, ding hpring mai kaja ai lam ni hta jai lang hkam na matu mung tinang hkum hkrang hpe Karai Kasang kaw sak ya mu.

ROMA 6:19

(Nanhte gaw hkum shan hta gawng kya nna chye na na atsam nan n rawng nga myit dai majaw masha chye na loi ai shani shagu shaga ai baw ga hte tsun nngai.) Shawng de kalang mi nanhte gaw n hkru n kaja ai lam amyu myu galaw u ga nanhte a daw shan ni hpe awu asin re ai hte n hkru n shawp ai a lata de mayam tai na matu mahkra ap kau manit dai. Dai hte maren, ya e nanhte gaw san seng mai kaja ai amu galaw lu u ga, ding hpring ai a mayam ni tai na matu nanhte a daw shan ni mahkra hpe ap ya lu na rai myit dai.

ROMA 8:19

Karai Kasang gaw shi a kasha ni paw pru na ra ai lam ni hpe hpan da hkrum ai mungkan ting gaw myit n dawt ai hte ala nga ma ai.

ROMA 9:33

Dai hpe Chyum Laika hta, “Yu u, masha ni ahtu kataw na nlung langai mi hte myit kataw shangun na lunghkrung langai mi hpe Ziun hta e ngai tawn da se ai. Rai ti mung nlung ngu ai Hkristu hpe kam sham ai wa gaw galoi mung myit daw hten na lam nga na n rai,” nga nna ka da nga ai.

1 KORINHTU 15:31

Hpu nau ni e ngai gaw shani shagu si hkrung si htan hte hkrum kadup nga nngai! Ngai ndai zawn tsun lu ai gaw dai Madu hta nanhte a jaw e ngai kabu gumrawng nga ai majaw re.

1 KORINHTU 6:20

Madu gaw nanhte hpe jahpu manu daw nna mari da sai ni rai nga myit dai; dai re ai majaw, nanhte a hkum hkrang hpe Karai Kasang a hpung shingkang dan hkung na matu jai lang nga mu.

1 KORINHTU 7:34

Dai re ai majaw shi gaw myit lahkawng gabra nga lu ai. Num n wa ai numsha shing n rai hkawn jet re ai wa gaw Karai Kasang hpe shi a hkum hkrang hte wenyi chyoi pra nga u ga, sak nawng mayu ai rai nna, Madu a amu lam hpe grai myit lawm myit tsang nga ai: rai ti mung num wa sai num gaw, tinang a madu wa a myit ra sharawng ai lam byin shangun mayu ai majaw, mungkan hte seng ai lam hpe myit tsang mat nga ai.

2 KORINHTU 10:8

Ngai gaw Karai Kasang jaw ai ahkang aya hte seng nna ladu lai hkra lama wa gumrawng hkrup ai rai ti mung, dai ahkang aya gaw nanhte hpe sharun shabya na matu n rai, nanhte hpe gaw gap sharawt na matu she rai nga ai.

2 KORINHTU 3:12

Anhte gaw ning re ai myit mada ai lam lu ga ai majaw, anhte nden ja ga ai.

2 KORINHTU 4:10

Madu Yesu gaw anhte a hkum hkrang hta asak hkrung shamu shamawt nga ai lam dan dawng na matu anhte a si chye ai hkum hkrang ni hta Yesu hkam sha lai wa sai si hkrung si htan nni nkri hpe tut nawng e hkam mana sha nga ga ai.

2 KORINHTU 5:15

Asak hkrung nga ai ni mung, shanhte a akyu a matu mara asak n hkrung ai sha, shanhte a matu mara si hkam nna bai hkrung rawt wa ai wa a matu chyu sha hkrung nga mu ga, yawng mayawng a matu mara shi si hkam sai.

2 KORINHTU 7:14

Ngai gaw Titu hpe nanhte a lam gumrawng dan ni ai. Shing rai gumrawng dan ai hte maren teng man nga ai lam nanhte madun dan manit dai majaw ngai hpe myit daw shangun myit dai n rai. Anhte gaw nanhte hpe galoi mung teng man ai lam hpe sha tsun ga ai hte maren, Titu hpe nanhte a lam gumrawng dan ai lam mung teng nga ai hpe chye lu sai.

2 KORINHTU 7:4

Ngai gaw nanhte hpe nachying kam kaba nga nngai; nanhte a matu mara ngai grai gumrawng nga nngai! Yak hkak tsin-yam tsindam amyu myu hkrum hkra rai ti mung, ngai hta nden marai hpring tsup nga ai hta n-ga, ngai hta kabu gara ai lam mung hpring kabrat nga li ai.

HPILIPI 1:14

Dai hta kaga, ngai bawng dung ai a marang e hpu nau ni malawng maga gaw dai Madu hta makam masham myit nden grau nna rawt wa ai hte Karai Kasang a mungga hpe n hkrit n kang ai sha tsun dan na, grau nna gwi wa ma ai.

HPILIPI 2:17

Lama rai nna, ngai sat kau hkrum wa ai rai yang, dai gaw nanhte Karai Kasang kaw nawng ya ai nanhte a makam masham a hkungga hte daw jau ai hkungri a ntsa e nye a asak hpe dumhpung hkungga zawn ru jaw nawng jau kau timung, ngai kabu nga nna nanhte hte rau kabu ninglaw nga nngai.

KOLOSE 1:24

Ya chyawm gaw, nanhte a matu mara ngai hkrum ai tsin-yam tsindam hta kabu gara nga nngai. Hkristu gaw shi a hkum hkrang ngu ai Hpung a matu nni nkri hkrum nu ai hte maren, ngai gaw nye a hkum hkrang a matu nni nkri hkam ai hku nna Hkristu a hkum hkrang ngu ai dai Hpung a matu hkam na naw ngam nga ai nni nkri ni hpe ngai hkan shatup karum nga nngai.

1 HTESALONI 5:23

Anhte hpe ngwi pyaw sim sa ai lam jaw ya ai Karai Kasang gaw, nanhte hpe lam shagu hta shachyoi shapra nna, anhte a Madu Yesu Hkristu bai du sa ai shaloi e, nanhte a Wenyi, myit masin hte hkum hkrang ting gaw, mara n kap hkra bau maka nga u ga.

1 PETRU 4:16

Rai ti mung Hkristan rai nga ai majaw nni nkri hkrum a yang gaw, dai hpe hkum kaya nga mu; de a malai Hkristu a mying nsang hkam la lu ai majaw Karai Kasang hpe chyeju dum shakawn nga mu.

1 YAWHAN 2:28

Rai sa shu sha ni e, shi dan pru ai shaloi nanhte gaw hkrit kaya nna gawp makoi mat n ra ai sha shi a man e nden ja ai hte tsap nga lu na matu shi hte langai sha arai nga mu.