HPILIPI 1:17 - Jinghpaw Common Language Bible 2009

¹⁷ Bai kaga nkau mi mahtang gaw, san seng ai myit hte n re ai sha, tinang a akyu tam ai myit hte hkaw tsun ma ai. Shanhte gaw ngai bawng dung hkrum nga ai laman nye a ntsa e tsin-yam tsindam grau jat wa hkra galaw ma ai.

Jinghpaw Hanson Version Bible

¹⁷ gale mahtang gaw, san seng ai myit hte n re ai sha, nye a bawng dung ai lam hta tsin-yam tsindam naw jat ya na myit nga ma ai rai nna, dumbru dumbra re ai hte Hkristu a lam kajai gara nga ma ai.

HPILIPI 1:17 ပူးပေါင်းရင်းမြစ်များ

LUKA 21:14

Dai majaw, tinang hkum hpe makawp maga la na matu, kaning ngu nna tsun htan na ngu ai hte seng nna myit n ru ra hkra shawng kaw nna tinang a myit ni hpe daw dan shatawng da nga mu.

KASA 22:1

“Hpu nau ni hte ji wa ni e, nanhte a man e ngai mara n lu ai lam ga htan ai hpe madat mara ya mi.”

KASA 26:1

Hkawhkam Agripa gaw Pawlu hpe, “Na lam nang nan tsun shaga na ahkang lu ndai,” ngu wu ai. Dai rai nna Pawlu lata ladawn let shi hta mara n nga ai lam lawu na hte maren makawp maga tsun wu ai gaw:

KASA 26:24

Ya Pawlu dai hku shi hkum hpe makawp maga ai ga tsun ai shaloi, Hpestu gaw, “Pawlu e nang mana nit dai! Hpaji hparat nau chye dinglai nna de a majaw mana byin mat nit dai!,” ngu nna marawn jet kau wu ai.

ROMA 2:8

Rai ti mung masha nkau mi gaw dai n ding n man ai maga de hkan sa na matu tinang a akyu tam nna teng man ai tara hpe kabai kau ma ai, shing re ai ni a ntsa e Karai Kasang gaw shi a pawt bu nna sindawng kahtet ai ru bun na ru ai.

HPILIPI 1:18

Kaning re ai myit hte Hkaw tsun ai rai tim hpa n ra ai. Sawt ai myit hte rai ti mung, teng man ai myit hte rai ti mung, byin mai ai lam shagu hku nna Hkristu a lam sha hkaw tsun kajai gara lu nga yang gaw, dai lam hta ngai kabu gara nga nngai. Kaja wa matut nna ngai naw kabu gara nga na nngai.

HPILIPI 1:7

Nye a myit masin hta e ngai nanhte hpe galoi mung sharawng awng nga nngai. Shing re ai lam gaw ngai nanhte hpe grai tsaw ra made ai majaw mung, bai ya ngai bawng dung nga ai aten hta dai Kabu Gara Shiga hpe ndut ndang makawp maga hkaw tsun sharin shaga nna shangang shagrin da na ahkang lu nga ai ten hta mung, nanhte nlang hte gaw Karai Kasang jaw ai chyeju hpe ngai hte rau jawm hkam la manit dai.

HPILIPI 2:3

Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu.

1 TIMOHTI 2:7

Dai re ai majaw Madu gaw ngai hpe kasa langai mi hku nna mung, maigan ni a sharin sara langai mi hku nna mung, dai makam masham hte teng man ai lam a mungga hpe hkaw tsun na matu shangun dat ai hkrum ni ai, ngai masu nga ai n rai; ngai teng man ai ga tsun nga nngai.

2 TIMOHTI 2:9

Hpa majaw nga yang ngai gaw Kabu Gara Shiga hkaw tsun ai majaw ru tsang hkrum nngai; ru hka hkrum ai bawng langai mi zawn gyit hkang sharen da ai pyi gaw hkrum ni ai. Rai ti mung dai Karai Kasang a mungga chyawm gaw sharen da hkrum ai n rai.

2 TIMOHTI 4:16

Shawng na lang ngai je yang hkrum ai ten hta nye a hkum hpe ngai tsun makawp maga ai shaloi ngai hpang maga tsap nna kadai mung n sa madi shadaw lawm ma ai. Masha yawng gaw ngai hpe kabai kau da mi ai. Karai Kasang gaw shanhte ning rai galaw ai a majaw mara n tai u ga;