HPILIPI 1:16 - Jinghpaw Common Language Bible 2009

¹⁶ Dai ni gaw ngai dai Kabu Gara Shiga hpe makawp maga na bungli hta san da hkrum ai wa rai nga nngai hpe, chye nga ma ai majaw, tsaw ra ai myit hte hkaw dan ma ai.

Jinghpaw Hanson Version Bible

¹⁶ Ngai gaw dai kabu gara shiga hpe maga na matu, san da ai wa rai nga nngai hpe, shanhte chye nga ma ai rai nna, tsawra ai myit hte hkaw dan ma ai:

HPILIPI 1:16 ပူးပေါင်းရင်းမြစ်များ

YOBA 16:4

Nang gaw nye a shara hta nga nna ngai mung na a shara hta nga ai rai yang, nang shaga lu ai lam shagu hpe ngai shaga lu nngai. Ngai gaw hpaji hku nna nye a baw hpe ngai kanga lu nngai; ga mawru hte nang hpe marit si shangun nga lu ai.

YOBA 6:14

Ngai gaw Karai Kasang hpe kau ai mi rai rai, n kau da ai mi rai rai, ndai zawn tsin-yam tsindam hkrum ai aten hta myit magam rawng ai manang ni hpe ngai ra nngai;

SHAKAWN KUNGDAWN 69:26

Shanhte gaw nang e ari jaw tawn da hkrum ai ni hpe zingri zingrat di nga ma ai; nang nma shakap da hkrum ai ni a nni nkri lam ni hpe shanhte shatan nga ma ai.

1 KORINHTU 9:17

Lama rai nna ndai amu hpe nye a myit hte ngai lata la nna galaw ai rai yang gaw, shabrai gumhpraw lu na hpe myit mada ala nga lu nngai, rai ti mung ngai ndai amu hpe Karai Kasang e kam da ai hte ap da sai amu rai nna, galaw ra ai lit langai mi hku she ngai galaw nngai.

2 KORINHTU 2:17

Anhte gaw kaga masha law law ni zawn, Karai Kasang a mungga hpe manu hpa ai gun rai hpe zawn dut mari ai lam n galaw ga ai. Rai ti mung anhte gaw Karai Kasang e shangun dat ai ni rai nna, Hkristu a shangun ma ni hku nna Karai Kasang a man e dai mungga hpe teng man san seng ai myit hte hkaw tsun ga ai.

HPILIPI 1:10

Dai shaloi she nanhte gaw Hkristu bai du sa ai nhtoi hta n san n seng awu asin re ai lam shagu hta na lawt nna mara n rawng ai ni rai na myit dai.

HPILIPI 1:12

Bai hpu nau ni e, ngai hta byin ai lam ni gaw dai Kabu Gara Shiga jat galu kaba wa na lam hpe kaja wa karum madi shadaw na matu byin wa sai rai nga ai lam ngai nanhte hpe chye shangun mayu nngai.

HPILIPI 1:5

Hpa majaw nga yang Madu a magam bungli hpe gun hpai hpang ai shani kaw nna dai ni du hkra nanhte gaw dai Kabu Gara Shiga hkaw tsun ai lam hta ngai hpe karum shingtau galaw gun hpai lai wa manit dai.

HPILIPI 1:7

Nye a myit masin hta e ngai nanhte hpe galoi mung sharawng awng nga nngai. Shing re ai lam gaw ngai nanhte hpe grai tsaw ra made ai majaw mung, bai ya ngai bawng dung nga ai aten hta dai Kabu Gara Shiga hpe ndut ndang makawp maga hkaw tsun sharin shaga nna shangang shagrin da na ahkang lu nga ai ten hta mung, nanhte nlang hte gaw Karai Kasang jaw ai chyeju hpe ngai hte rau jawm hkam la manit dai.

HPILIPI 2:22

Shi gaw kasha gaw kawa hpe shadaw ai zawn, dai kabu gara shiga shachyam shabra ai lam hta ngai hte rau magam gun shakut sharang nga ai majaw, shi gade daram manu dan ai wa re ai hpe nanhte nan chye nga myit dai.

HPILIPI 4:15

Hpilipi hpung masha ni e, Makedoni mung na ngai pru wa nna Kabu Gara Shiga hkaw tsun hpang ai nhtoi ni a shawng daw hta nanhte Hpilipi hpung langai mi chyu sha ngai hpe karum dat manit dai lam hpe mung, magam gun ai lam hta nanhte chyu sha ngai hte kanawn mazum let sum hkrum ai lam ni hte awng dang ai akyu ni hpe rau rum hkam la manit dai lam hpe mung, nanhte nan atsawm sha chye nga myit dai.

HPILIPI 4:3

Nye a nrum ntau share manang hku nna mung dai num yan hpe karum la na hpe ngai ra sharawng nga nngai; hpa majaw nga yang dai Kabu Gara Shiga hkaw tsun ai lam hta ngai hte rau nhki nsang amu galaw shakut shaja lawm ma ai. Shing rai galaw lai wa ai ni hta Klemen hte Karai Kasang a asak jahpan laika hta tinang a mying lawm ai nye a shingdep shingtau kaga ni mung lawm ma ai.