HPILIPI 1:15 - Jinghpaw Common Language Bible 2009

¹⁵ Kaja wa shanhte hta na nkau mi gaw manawn masham nna ga li ga law rai mayu ai myit hte hkaw dan nga ma ai. Rai ti mung kaga ni gaw sharawng awng ai myit kaja rawng let hkaw dan ma ai.

Jinghpaw Hanson Version Bible

¹⁵ Gaja wa nkau mi gaw, manawn masham nna gasat gala ai hte Hkristu a lam hkaw dan nga ma ai; nkau mi gaw sharawng awng ai myit hte hkaw dan ma ai.

HPILIPI 1:15 ပူးပေါင်းရင်းမြစ်များ

MAHTE 23:5

Shanhte galaw ai amu bungli mahkra hpe, masha ni mu lu mu ga, nga nna galaw ma ai. Shanhte a lahtan ni hte lata lahpum ni hta chyum ga ka shakap tawn ai lakhpoi pa kaba kaba galaw la nna hkawn shakap tawn nga ma ai hpe yu mu! Shanhte a palawng kaba ni hta banbyau ni hpe mung galu lu di nna myin jahkram chywi hpun ma ai.

KASA 10:36

Nga yawng nga pra a Madu rai nga ai Yesu Hkristu hku nna Israela amyu masha ni hpang de Karai Kasang ndau shana shagun jaw dat ai ngwi pyaw sim sa ai hte seng ai Kabu Gara Shiga hpe nanhte chye nga myit dai.

KASA 11:20

Rai ti mung, shanhte hta na Kupru hte Kureni mung na kam sham ai kaga nkau mi Antioki de du ma ai rai nna, Yuda n re ai maigan Heleni masha ni hpe Madu Yesu a lam Kabu Gara Shiga hpe htawn tsun ma ai.

KASA 5:42

Shing rai shanhte gaw, shani shagu nawku Htingnu hta mung, nta hkan e mung, Yesu gaw Meshia rai nga ai, nga nna Kabu Gara Shiga hpe matut hkaw tsun sharin nga ma ai.

KASA 8:35

Shaloi ga tsun hpaw ai hte dai chyum ga hta npawt hpang nhtawm, Yesu hte seng ai Kabu Gara Shiga shi hpe hkai dan wu ai.

KASA 8:5

Hpilip gaw Samari mung de sa wa nna Meshia a lam dai mare hta nga ai masha ni hpe hkaw tsun dan mu ai.

KASA 9:20

Shi gaw tara jawng ni de alawan sa du nna Yesu gaw Karai Kasang a Kasha rai nga ai lam hkaw dan nga ai.

ROMA 2:8

Rai ti mung masha nkau mi gaw dai n ding n man ai maga de hkan sa na matu tinang a akyu tam nna teng man ai tara hpe kabai kau ma ai, shing re ai ni a ntsa e Karai Kasang gaw shi a pawt bu nna sindawng kahtet ai ru bun na ru ai.

1 KORINHTU 1:23

Anhte chyawm gaw, wudang hta jen da hkrum ai Hkristu a lam hkaw dan ga ai, dai hkaw dan ai mungga gaw Yuda ni a matu grai n rawn hpa hte myit kataw shara, maigan masha ni a man e lachyum n pru ai angawk angak re ai lam rai nga ai.

1 KORINHTU 13:3

Ngai lu ai nye a arai yawng hte hpe ngai gam kau nna nye a hkum hpe nat kau na matu ap kau rai ti mung, tsaw ra ai myit n rawng yang gaw, ngai hta hpa akyu nga na n rai.

2 KORINHTU 1:19

Hpa majaw nga yang, nanhte hpe ngai hte Sila yan Timohti hkaw dan sai Karai Kasang a kasha Hkristu Yesu gaw, “Re ai hte n re ai,” kayau kaya re ai wa n rai. Kaja wa nga yang shi gaw Karai Kasang a myit ra ai lam hpe, “Re ai,” ngu nna tsun ai Madu rai nga ai.

2 KORINHTU 11:13

Dai masha ni gaw teng man ai “Kasa ni” n rai ma ai. Shanhte gaw Hkristu a kasa jet ni zawn san hkra hpyi hpun nhtawm masu hkalem bungli galaw ai ni rai ma ai.

2 KORINHTU 12:20

Nanhte hpang de ngai du yang, ngai ra ai, mu mayu ai hku nanhte n rai nga la na hpe mung, nanhte mung nanhte ra ai, mu mayu ai hku ngai hta n rai nga na hpe mung ngai tsang nga nngai. Bai ngai gaw nanhte hta ga li ga law ai lam, manawn masham ai lam, pawt sindawng ai lam, tinang akyu tam ai lam, shada da jahpoi asawng ai lam, kadum kahte ai ga, grang ai ga hte kabring kabrawng n ru n ra re ai lam ni sa mu na hpe tsang nngai.

2 KORINHTU 4:5

Hpa majaw nga yang, anhte gaw, anhte a lam hkaw dan ga ai n rai, Yesu Hkristu gaw Madu rai nga ai lam, anhte gaw Yesu a marang e nanhte a shangun ma ni rai nga ga ai lam hkaw dan ga ai.

GALATI 2:4

Dai masha ni gaw anhte Hkristu Yesu hte langai sha tai nna asak hkrung ai a marang e anhte lu la ai shanglawt ahkang hpe kin-yu yu na matu Hkristan hpu nau ni tai masu let anhte a hpawng de mayun shang wa ai ni rai ma ai. Shanhte gaw anhte hpe mayam shatai mayu da mi ai.

HPILIPI 2:3

Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.