HPILIPI 1:13 - Jinghpaw Common Language Bible 2009

¹³ Dai Hkawhkam htingnu hpe sin ai hpyen dap ting hte nang e nga ai kaga ni yawng hkra gaw, ngai bawng dung ai gaw Hkristu a shangun ma tai ai majaw re ai lam hpe chye wa masai.

Jinghpaw Hanson Version Bible

¹³ Dai htingnu na sin langa ting hte kaga, mahkra ni a man e, Hkristu a jaw e ngai bawng dung ai lam, dan leng wa sai:

HPILIPI 1:13 ပူးပေါင်းရင်းမြစ်များ

KASA 26:29

Bai Pawlu gaw, “Aten kadun sha mi rai tim, aten galu wa rai tim Hkawhkam wa hte hpawn nang e nga ai ni nlang hte gaw, nye a htawng masha tai ai aya hta lai nna, ngai zawn re ai hkrai byin wa na matu Karai Kasang kaw ngai akyu hpyi nngai!,” ngu wu ai.

KASA 26:31

Pru wa yang shanhte shada, “Ndai wa gaw sat kau ging ai mara, htawng hta sharen da ging ai mara, lama mi mung galaw ai n rai,” nga nna tsun shajang ma ai.

KASA 28:17

Masum ya nhtoi lai ai hpang, Pawlu gaw, dai buga na Yuda agyi salang ni hpe shaga jahpawng la wu ai. Shanhte du sa hpawng nga ma yang, shi gaw shanhte hpe, “Nye a hpu nau Israela amyu masha ni e, ngai gaw, nye a amyu hpe mung, ji wa ni a htung hking hpe mung, nhtan shai ai amu hpa mung n galaw yu nngai, rai ti mung Yuda amyu masha ni Yerusalem mare kaw ngai hpe rim la nhtawm Roma masha ni a lata de bawng masha langai mi hku ap kau ai ngai hkrum nngai.

KASA 28:20

Dai re ai majaw nanhte hte hkrum lu na hte tsun shaga lu na ahkang ngai hpyi la ai rai nga ai. Kaja wa tsun ga nga yang ngai dai zawn hpri sumri ni hte gyit hkang sharen da hkrum ai lam gaw Israela amyu masha ni myit mada ala nga ai wa a majaw nan rai nga ai,” ngu nna tsun mu ai.

KASA 28:30

Dai kaw nna Pawlu gaw ni ning tup shi shap rawng ai nta hta nga nga let, shi kaw sa masa ni hpe hkap la nna,

EHPESU 3:1

Ndai lam a majaw, Hkristu a bawng dung ai wa ngai Pawlu gaw, nanhte maigan masha ni a matu Karai Kasang kaw akyu hpyi ya nngai.

EHPESU 4:1

Dai re ai majaw dai Madu hpe daw jau ai a majaw bawng dung ai wa ngai Pawlu gaw nanhte hpe shi shaga la ai kaw nna Karai Kasang e madat da ya sai sak hkrung lam madung hte maren, sak hkrung hkawm sa na matu ngai nanhte hpe shadut jahkat dat made ai.

EHPESU 6:20

Ya ngai bawng dung ai wa rai nga ti mung, dai Kabu Gara Shiga a jaw e kasa langai mi rai nga nngai; Dai Kabu Gara Shiga hpe hkaw tsun na ngai hta lit nga ai hte maren nden ja ai hte tsun shana lu u ga, akyu hpyi nga mu.

HPILIPI 1:30

Ya nanhte gaw ngai hte rau gasat gala ai hta shang lu myit dai; lai wa sai aten hta nanhte ngai gasat nga ai hpe mu yu nna ya e nanhte na lu ai nye a gasat gala ai lam gaw langai sha rai nga ai.

HPILIPI 1:7

Nye a myit masin hta e ngai nanhte hpe galoi mung sharawng awng nga nngai. Shing re ai lam gaw ngai nanhte hpe grai tsaw ra made ai majaw mung, bai ya ngai bawng dung nga ai aten hta dai Kabu Gara Shiga hpe ndut ndang makawp maga hkaw tsun sharin shaga nna shangang shagrin da na ahkang lu nga ai ten hta mung, nanhte nlang hte gaw Karai Kasang jaw ai chyeju hpe ngai hte rau jawm hkam la manit dai.

HPILIPI 4:22

Nang e nga nga ai Karai Kasang a masha ni nlang hte gaw, nanhte hpe shakram dat ma ai; Kehta Hkawhkam a htingnu na ni gaw grau nna alak mi shakram dat ma ai.

2 TIMOHTI 2:9

Hpa majaw nga yang ngai gaw Kabu Gara Shiga hkaw tsun ai majaw ru tsang hkrum nngai; ru hka hkrum ai bawng langai mi zawn gyit hkang sharen da ai pyi gaw hkrum ni ai. Rai ti mung dai Karai Kasang a mungga chyawm gaw sharen da hkrum ai n rai.