HPILIPI 1:10 - Jinghpaw Common Language Bible 2009

¹⁰ Dai shaloi she nanhte gaw Hkristu bai du sa ai nhtoi hta n san n seng awu asin re ai lam shagu hta na lawt nna mara n rawng ai ni rai na myit dai.

Jinghpaw Hanson Version Bible

¹⁰ Yesu Hkristu a marang e, Karai Kasang a hpung shingkang hte mahkawn mangoi ai lam a matu rai nga ai dinghpring ai a asi hte hpring chyat lu myit ga,

HPILIPI 1:10 ပူးပေါင်းရင်းမြစ်များ

NINGPAWT NINGHPANG 20:5

Sara gaw shi a kajan re ngu nna Abraham shi nan tsun mi ai hte maren Sara mung dai zawn sha tsun mi ai. Ngai gaw ndai amu hpe san seng ai myit hte galaw nngai, ngai gaw shut hpyit ai amu hpa mung n galaw kau nga nngai,” ngu nna tsun wu ai.

YOBA 12:11

Rai ti mung, na a shinglet gaw lusha chyim ai hta kabu gara nna, na a na mung na la lu ai aga ni hta kabu gara nga ai.

YOBA 34:3

Nanhte lusha chyim yu myit dai shaloi kaja ai lusha rai nga ai hpe chye nga myit dai, rai ti mung, shanhte tsun ai ga na ai shaloi, dai gaw hpaji n rawng ai ga rai nga ai.

MIHKA 3:2

ti mung, nanhte gaw mai kaja ai hpe n dawng nna, n hkru ai hpe tsaw ra nga myit dai. Nanhte gaw nye a amyu masha ni ahpyi hpe katsing gawng kau nna shanhte a nrut nra ni hta kap ai ashan hpe se machyin kau nga myit dai.

MAHTE 16:23

Yesu mahtang kayin nna Petru hpe, “Satan e, ngai kaw na sit mat wa u! Nang myit ai lam gaw, Karai Kasang kaw na n rai, masha kaw na sha nang myit nga ndai majaw, nye a matu myit kataw shara nang rai nga ndai,” ngu nna tsun wu ai.

MAHTE 26:33

Shaloi Petru htan nna, “Kaga ni yawng nang hpe kabai kau ma ti mung, ngai chyawm gaw galoi mung, nang hpe n kabai kau na de ai,” ngu nna shi hpe tsun wu ai.

YAWHAN 1:47

Yesu hpang de Nahtanela sa wa nga ai hpe mu wu ai shaloi, shi hpe sha-ang nna, “Sawt ai myit n rawng ai, Israela masha majing hpe yu yu mu,” ngu wu ai.

YAWHAN 3:20

Hpa majaw nga yang, n shawp n kap ai amu ni hpe galaw ai wa kadai mung, nhtoi hpe n dawng n wawm nga ai rai nna, tinang a n hkru n shawp ai amu ni dan dawng mat na tsang ai majaw, nhtoi de n sit wa ma ai.

KASA 24:16

Dai rai nna ngai gaw Karai Kasang a man e mung, masha a man e mung, ra n rawng ai sha tut nawng htauli htaula myit san pra nga lu hkra atsam htum hkra a shaja nga nngai.

ROMA 12:2

Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.

ROMA 12:9

Tsaw ra ai myit hta sawt ai n lawm u ga, n hkru n hkra ai hpe n ju n dawng matsat nna, mai kaja ai hta manoi nga mu.

ROMA 16:17

Bai hpu nau ni e, nanhte hkam la sai sharin shaga ai lam hpe nhtan shai je hpre let, shabra sharun ai hte masha ni a makam masham hpe myit kataw shara shabyin ai ni hpe joi yu nna shanhte hpe koi yen nga myit ga, ngai nanhte hpe shadum dat made ai.

ROMA 2:18

Nang gaw Karai Kasang a myit ra ai lam hpe chye nna, jaw ai hte shut ai lam chye ginhka lata la na matu dai jep ai Tara hpe sharin hkam la ai wa,

ROMA 7:16

Ngai n galaw mayu ai hpe ngai galaw yang gaw dai jep ai Tara teng man nga ai lam ngai myit hkrum nngai.

ROMA 7:22

Nye a kraw lawang myit gaw Karai Kasang a Tara hta kabu gara sharawng awng nga ai.

ROMA 8:7

Dai rai nna masha langai mi gaw hkum shan myit e up hkang kau ai shaloi Karai Kasang a Tara hpe n madat n mara lu sai majaw shi gaw Karai Kasang a hpyen tai wa ai; kaja wa nan shi n madat n mara lu nu ai.

1 KORINHTU 1:8

Anhte a Madu Yesu Hkristu bai du sa nna tara daw dan ai Nhtoi hta, mara shagun shara n nga hkra, shi nanhte hpe shangang shakang na marin dai.

1 KORINHTU 10:32

Yuda amyu masha ni a matu mung, maigan masha ni a matu mung, Karai Kasang a Hpung a matu mung, ahtu kataw shara hkum tai nga myit.

1 KORINHTU 8:13

Dai rai nna, shahpa a majaw nye hpu nau wa hpe myit kataw nna mara galaw shangun na she rai yang gaw, nye a hpu nau wa hpe n kataw shangun na matu, ngai prat dingsa e shan n sha na ni ai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

2 KORINHTU 2:17

Anhte gaw kaga masha law law ni zawn, Karai Kasang a mungga hpe manu hpa ai gun rai hpe zawn dut mari ai lam n galaw ga ai. Rai ti mung anhte gaw Karai Kasang e shangun dat ai ni rai nna, Hkristu a shangun ma ni hku nna Karai Kasang a man e dai mungga hpe teng man san seng ai myit hte hkaw tsun ga ai.

2 KORINHTU 6:3

Anhte galaw ai amu hte seng nna kadai wa mung shatan nhkan hte mara tam ai lam n byin shangun mayu ga ai majaw, anhte gaw kade a lam mung ahtu kataw shara hpa n byin hkra shakut ga ai.

2 KORINHTU 8:8

Ning ngu tsun ai gaw hkang da ai tara ni hpe jahkrat da nga nngai n rai. Kaga masha ni a karum madi shadaw ai lam hta tsaw ra shawang myit gade daram galu kaba ai hpe tsun dan ai hte nanhte a tsaw ra shawang myit gade jet ai ngu ai hpe chye lu na matu tsun ai rai nga ai.

GALATI 5:11

Rai ti mung hpu nau ni e, matu gadoi hkam ai lam ra ahkyak ai nga nna ngai naw matut hkaw nga ai teng yang gaw, hpa majaw zingri zingrat ai ngai naw hkrum nga nngai kun? Shing rai hkaw tsun ai ngu ai lama teng ai rai yang gaw, Hkristu hte seng ai mung sumtu hpe ngai hkaw tsun ai majaw ru yak kyin dut hkrum na nngai n rai.

EHPESU 4:15

Shing rai na malai, tsaw ra ai myit hte teng man ai ga hpe tsun nga ga yang Hkristu ngu ai baw hte lam shagu hta kaba rawt wa na ga ai.

EHPESU 5:10

Madu sharawng awng ai hpa rai nga ai hpe shakut sharang let sharin la mu.

EHPESU 5:27

dai hpung gaw shi hkum nan a matu ap nawng kau ai shaloi e shi a nga manga hta agang chyalang hte kapum kapam re ai hpa mung n lawm ai sha, chyoi pra ai mara n rawng nna hpung shingkang rawng ai hte tsawm htap na matu rai nga ai.

EHPESU 6:24

Galoi mung n hpoi n hten mat lu ai tsaw ra myit hte anhte a Madu Yesu hpe tsaw ra nga ai ni nlang hte hta Karai Kasang a chyeju gaw anga nga u ga law.

HPILIPI 1:16

Dai ni gaw ngai dai Kabu Gara Shiga hpe makawp maga na bungli hta san da hkrum ai wa rai nga nngai hpe, chye nga ma ai majaw, tsaw ra ai myit hte hkaw dan ma ai.

HPILIPI 1:6

Dai re ai majaw nanhte hta ndai mai kaja ai magam bungli hpang da ya ai wa gaw Hkristu Yesu bai yu wa ai nhtoi garai n du yang dai amu hpe ngut hkra shatsup shatup na ra ai ngu nna ngai myit kam nga nngai.

HPILIPI 2:16

Nanhte shing rai galaw myit dai rai yang gaw ngai n-gun dat gun hpai shakut ai lam shagu gaw kaman lila n rai nga ai majaw Madu Yesu du sa ai Nhtoi hta ngai hta kabu gumrawng shara tai na ra ai.

1 HTESALONI 3:13

Ndai lam hku nna shi nanhte hpe shadaw shangang na ra ai. Anhte a Madu Yesu gaw shi a chyoi pra ai ni yawng hte rau bai du sa ai shaloi e, nanhte gaw anhte a Kawa Karai Kasang a man e hkum tsup nna chyoi pra san seng ai ni tai wa na marin dai.

1 HTESALONI 5:21

yawng mayawng hpe jep dinglik yu nna mai kaja ai hpe hkap la shagrin da nna,

1 HTESALONI 5:23

Anhte hpe ngwi pyaw sim sa ai lam jaw ya ai Karai Kasang gaw, nanhte hpe lam shagu hta shachyoi shapra nna, anhte a Madu Yesu Hkristu bai du sa ai shaloi e, nanhte a Wenyi, myit masin hte hkum hkrang ting gaw, mara n kap hkra bau maka nga u ga.

YAWSHU 24:14

Yawshu gaw, “Ya dai Madu hpe shagrau sha-a nhtawm sadi sahka hte ding man ai hku shi hpe daw jau nga mu. Mesopotamia hte Egutu mung hta nanhte a kaji kawa ni nawku ai hpara sumla ni hpe kau da nhtawm dai Madu hpe chyu sha daw jau nga mu.

1 YAWHAN 4:1

Tsaw ra ai ni e, Wenyi hkam la lu ga ai nga nna tsun ai ni yawng hpe hkum kam nga myit; shanhte hkam la ai ngu ai wenyi gaw Karai Kasang kaw na yu wa ai wenyi rai nga ai kun? jep yu mu; hpa majaw nga yang, masu ai myihtoi ni law law wa shara shagu hkan du taw nga masai.

SHINGRAN 2:2

Nang galaw sai amu hpe ngai chye nga nngai. Nang gade yak la ai hte galaw sai lam, nang gade hkam sharang sai lam ngai chye nga nngai. Nang gaw n hkru n hkra re ai masha ni hpe ra mi n rai nga shangun lu ndai mung, Kasa n re ai ni kasa rai ga ai nga nna tsun ai kasa hpyi hpun ai ni hpe nang san dinglik yu nna, shanhte masu ai ni re ai lam shadan kau ya lu ndai mung, ngai chye nga nngai.