HPILEMON 1:8 - Jinghpaw Common Language Bible 2009

⁸ Ndai lam a majaw, ngai gaw Hkristan hpu nau shada hku nna nang mai galaw ai lam galaw na matu htet da na ngai grai nden ja ai ahkang lu nngai.

Jinghpaw Hanson Version Bible

⁸ Dai rai nna, nang mai galaw ai lam nang hpe htet dat na, Hkristu hta e ngai grai nden ja ai ahkang lu nngai rai timung,

HPILEMON 1:8 ပူးပေါင်းရင်းမြစ်များ

2 KORINHTU 10:8

Ngai gaw Karai Kasang jaw ai ahkang aya hte seng nna ladu lai hkra lama wa gumrawng hkrup ai rai ti mung, dai ahkang aya gaw nanhte hpe sharun shabya na matu n rai, nanhte hpe gaw gap sharawt na matu she rai nga ai.

2 KORINHTU 11:21

Anhte gaw dai zawn re ai lam ni hpe galaw na matu gawng kya la ga ai lam yin la na matu pyi gaw kaya saga ai! Rai ti mung marai langai ngai lam lama ma hta gumrawng yang gaw ngai mung angawk angak re ai wa zawn tsun gwi da we ai.

2 KORINHTU 3:12

Anhte gaw ning re ai myit mada ai lam lu ga ai majaw, anhte nden ja ga ai.

EHPESU 5:4

n san n seng ai ga kinsha, awu asin yuk jahtuk nga ai ga, zai ai ga re ai ni hpe n tsun ai sha, Karai Kasang hpe chyeju shakawn ai ga sha tsun nga mu ga.

1 HTESALONI 2:2

Anhte gaw nanhte nga ai Htesaloni mare de garai n sa yang, Hpilipi mare e anhte hpe gara hku zingri zingrat ai hte asawng asang di ai hkrum sha saga ai hpe nanhte chye nga myit dai. Shing rai nhtan shai ninghkap ai lam law law nga ti mung, nanhte hpe Karai Kasang kaw na Kabu Gara Shiga tsun dan lu na matu anhte a Karai Kasang gaw anhte hpe nden marai jaw da mani ai.

1 HTESALONI 2:6

Anhte gaw nanhte kaw na mung, kaga ni kaw na mung, masha kadai kaw na mung shakawn shagrau ai lu la hkra shakut ga ai n rai.