HPILEMON 1:5 - Jinghpaw Common Language Bible 2009

⁵ Hpa majaw nga yang, nang gaw Karai Kasang a amyu masha ni yawng hte hpe tsaw ra nga ai hte, Hkristu Yesu hpe kam sham nga ai lam ngai na chye lu nngai.

Jinghpaw Hanson Version Bible

⁵ Hkristu a matu anhte hta rawng ai kaja reng ai amu shagu a chye chyang ai lam hta, nang hkan shingtau ai makam masham gaw akyu shapraw lu lit ga,

HPILEMON 1:5 ပူးပေါင်းရင်းမြစ်များ

SHAKAWN KUNGDAWN 16:3

Madu a kangka ai amyu masha ni gaw kade wa mai kaja nga ma hka! Shanhte hte rau rai nga na gaw nye a pyaw htum ai lam rai nga ai.

KASA 20:21

Yuda masha ni hpe mung, maigan masha ni hpe mung, shanhte a yubak mara ni kaw na Karai Kasang hpang de myit malai kayin wa nna, anhte a Madu Yesu hpe kam sham na matu mung, ngai aja awa sadi jaw shadum shahprang ni ai.

ROMA 12:13

Ra kadawn nga ai nanhte a Hkristan hpu nau ni hpe tinang lu ai arung arai ni gam jaw gam ya nga mu; chyasam manam ni hpe hkap hkalum daw jaw daw ya nga mu.

1 KORINHTU 16:1

Yuda mung na Karai Kasang a masha ni hpe karum la na matu alu gumhpraw lahkawn na lam nanhte ka san dat ai hte seng nna, Galati mung na Hpung ni hpe ngai htet da ai hte maren, nanhte galaw mu.

GALATI 5:6

Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

EHPESU 1:15

Dai re ai majaw nanhte gaw Madu Yesu hpe kam sham nga myit dai hpe mung, Karai Kasang a masha ni hpe tsaw ra nga myit dai hpe mung ngai na lu ai shaloi kaw nna,

KOLOSE 1:4

Hpa majaw nga yang, nanhte gaw Hkristu Yesu hpe gade daram kam sham nga ai lam, Karai Kasang a masha nlang hte hpe gade daram tsaw ra nga myit dai lam, anhte na lu saga ai.

1 HTESALONI 3:6

Ya chyawm gaw, Timohti gaw anhte hpang de bai du wa ra ai rai nna, nanhte hta makam masham hte tsaw ra ai myit law htam wa sai lam kabu gara hkalum la mai ai shiga gun wa ya mi ai. Nanhte gaw anhte hpe tut nawng e atsawm sha myit dum tsaw ra nga myit dai hta n ga, nanhte hpe anhte grai mu hkrum mayu ga ai hte maren, nanhte mung anhte hpe mu hkrum mayu nga myit dai lam anhte hpe wa tsun dan mi ai.

HPILEMON 1:7

Hpu nau wa e, na a tsaw ra ai myit a majaw ngai grai wa kabu gara ai hte myit n-gun lu la nngai law! Nang gaw Karai Kasang a chyoi pra ai masha ni yawng hte a myit masin hpe shangwi shapyaw ya lu nit dai.

1 YAWHAN 3:23

Shi anhte hpe hkang da ai lam gaw, anhte shi a kasha Yesu Hkristu hpe kam sham nna Hkristu anhte hpe hkang da mi ai hte maren shada da tsaw ra nga na lam rai nga ai.