HPILEMON 1:24 - Jinghpaw Common Language Bible 2009

²⁴ Dai hte maren nye a shingdep shingtau ni rai nga ai Marku, Aristarku, Dema hte Luka mung, nang hpe shakram dat ma ai.

Jinghpaw Hanson Version Bible

²⁴ nye a shingdep shingtau Marku, Aristaku, Dema, Luka mung, nang hpe shakram dat ma ai.

HPILEMON 1:24 ပူးပေါင်းရင်းမြစ်များ

KASA 12:12

Dai lam dum chye wa ai shaloi, shi gaw Yawhan Marku a kanu Mari a nta de sa wa ai. Dai nta kaw masha tsawmra wa hpawng nna akyu hpyi nga ma ai.

KASA 12:25

Barnaba hte Shawlu mung shan galaw ang ai amu hpe gun hpai ngut jang Marku ngu ai Yawhan hpe shaga la nhtawm Yerusalem mare de bai wa ma ai.

KASA 13:13

Pawlu hte shi a manang ni gaw Pahpu mare kaw nna li jawn nhtawm Pamhpuli mung na Perga mare de du wa ma ai. Yawhan Marku chyawm gaw shanhte hte hka nna Yerusalem mare de nhtang mat wa wu ai.

KASA 19:29

Dai marawn garu kasu kabrawng re ai lam mare ting chyam bra wa ai hte shawa masha ni mung Pawlu a manang Makedoni masha Geu yan Aristarku hpe rim dun la nna mare ting a shawa poi wang nta de htim bang wa ma ai.

KASA 27:2

Shaloi anhte gaw Asi mung a Nammukdara hkin-gau hkan na mare ni de pru sa wa hkyen nga ai Adramuti mare nna du sa ai sanghpaw li hta shang jawn nna rawt sa mat wa ga ai. Dai sanghpaw hta Htesaloni mare na Makedoni mung masha Aristarku mung anhte hte rau lawm nga ai.

2 KORINHTU 8:23

Titu hte seng nna tsun ga nga yang, shi gaw nye a shingdep shingtau rai nna nanhte hpe karum na matu ngai hte rau amu jawm galaw ai wa rai nga ai; shi hte rau hkan nang sa wa ai kaga hpu nau yan gaw hpung ni a kasa ni rai nna, Hkristu a hpung shingkang dan hkung shangun ai yan mung rai nga ma ai.

HPILIPI 2:25

Bai nanhte a hpu nau wa, shingdep shingtau wa hte rau sha gasat gala ai hpyen ma manang wa, ngai hpe karum na matu nanhte shangun dat nna gawn lajang ai wa Epahprodi hpe nanhte hpang de bai shangun dat na re ai ngu nna ngai nawn nngai.

HPILIPI 4:3

Nye a nrum ntau share manang hku nna mung dai num yan hpe karum la na hpe ngai ra sharawng nga nngai; hpa majaw nga yang dai Kabu Gara Shiga hkaw tsun ai lam hta ngai hte rau nhki nsang amu galaw shakut shaja lawm ma ai. Shing rai galaw lai wa ai ni hta Klemen hte Karai Kasang a asak jahpan laika hta tinang a mying lawm ai nye a shingdep shingtau kaga ni mung lawm ma ai.

KOLOSE 4:10

Nye a bawng dung manang Aristarku nanhte hpe shakram dat ai. Bai nna Barnaba a kahkri Marku mung nanhte hpe shakram dat ai. (Nanhte hpang de Marku du sa wa ai shaloi hkap hkalum la mu ngu nna matsun dat ai lam ni hpe nanhte lu la tawn chyalu rai manit dai.)

KOLOSE 4:14

Anhte a tsaw ra ai tsi sara Luka yan Dema gaw nanhte hpe shakram dat ma ai.

1 PETRU 5:13

Babelon mare hta nga ai nanhte hpe zawn lata la hkrum ai hpung gaw, nanhte hpe shakram dat ai; ngai sha Marku mung nanhte hpe shakram dat nga ai.

3 YAWHAN 1:8

Dai re ai majaw, dai teng man ai magam bungli hta shanhte hte mu gun shingdep shingtau tai lu u ga, anhte Hkristan ni gaw ndai masha ni hpe karum madi shadaw ra ga ai.