HPILEMON 1:22 - Jinghpaw Common Language Bible 2009

²² Dai hta n ga nye a matu nga shara lajang tawn u; hpa majaw nga yang, Karai Kasang gaw nanhte yawng hte a akyu hpyi ai ga hpe madat ya na ra ai rai nna, nanhte hpang de bai du sa shangun na ra ai hpang jahtum shakram dat ai ga ni ngu nna ngai myit mada nga nngai.

Jinghpaw Hanson Version Bible

²² Dai hta kaga, nye a matu nga na shara lajang tawn da u; kaning rai nme law, nanhte a akyu hpyi ai ga majaw, nanhte hpang de bai du na ahkang lu la na, ngai myit mada nga nngai.

HPILEMON 1:22 ပူးပေါင်းရင်းမြစ်များ

KASA 27:24

‘Pawlu e, hkum hkrit e! Hkawseng Kehta a man e nang tsap lu na rin dai; Karai Kasang gaw nang hpe matsan dum nga ai rai nna, nang hte rau ndai sanghpaw li hta jawn ai ni yawng a asak sum shangun na ra ai n rai,’ nga nna ngai hpe tsun sai.

KASA 28:23

Shing rai, shanhte gaw shi hte hkrum chyai na nhtoi madat da nhtawm, dai nhtoi du jang shi manam nga ai shara de masha law law wa sa hpawng nga ma ai. Pawlu gaw, jahpawt kaw nna shana de du hkra Karai Kasang a mungdan hte seng ai shi a mungga hpe Mawshe a tara hte myihtoi ni a ga hku hkan nna Yesu hpe shanhte chye na kam sham wa hkra hkaw tsun sakse hkam shakut nga ai.

ROMA 15:24

ya nanhte kaw sa du lu na re ngu nna myit mada nga nngai. Ngai Spain mung de sa wa ai let e, nanhte kaw shang du chyai nna mu hkrum kau da mayu nngai. Nanhte kaw jahkring mi nanhte hte kabu gara hkrum chyai kau da nhtawm, dai mung de nanhte a karum madi shadaw ai hte bai matut sa wa lu na ngai myit mada nga nngai.

2 KORINHTU 1:11

Dai majaw Karai Kasang gaw nanhte a shing rai akyu hpyi ai ga ni hpe htan ya nna anhte hpe shaman chyeju jaw na ra ai. Masha law law mung anhte hkam la ai shaman chyeju a majaw chyeju shakawn shagrau na mara ai.

HPILIPI 1:19

Hpa majaw nga yang, nanhte a akyu hpyi ai ga ni a majaw mung, Yesu Hkristu kaw na Wenyi a karum madi shadaw ai lam a majaw mung, ngai ndai bawng dung ai kaw nna shalawt dat hkrum na nngai,

HPILIPI 2:24

Dai hta n-ga, gade wa n na yang ngai hkum nan nanhte hpang de sa du na ngu nna dai Madu hta myit kam nga nngai.

HEBRE 13:19

Karai Kasang gaw ngai hpe nanhte hpang de alawan bai sa du shangun u ga, akyu hpyi na matu ngai nanhte hpe aja awa lajin dat made ai.

HEBRE 13:23

Anhte a hpu nau wa Timohti gaw htawng kaw na lawt pru wa ra ai lam nanhte hpe chye shangun mayu nngai. Shi ngai hpang de aten dep du sa wa ai rai yang, nanhte hte hkrum na matu ngai sa du ai shaloi shi hpe ngai hte rau woi sa wa na nngai.

YAKU 5:16

Nanhte shamai shatsai ai hkrum myit ga, nanhte a yubak mara ni hpe shada da shapraw dan nna, shada da a matu mara akyu hpyi ya nga mu. Ding hpring ai wa a akyu hpyi ai ga gaw shabyin lu ai atsam law law rawng nga ai.

2 YAWHAN 1:12

Ngai nanhte hpang de ka dat na lam law law lu nngai, rai ti mung maisau hta laika tsi hte ka da mayu nngai n rai. Anhte yawng kabu gara ai lam hkum tsup hkra lu la na matu nanhte hpang de sa du nhtawm, n-gup aga hte tsun chyai lu na hpe mahtang ngai myit mada nga nngai.

3 YAWHAN 1:14

Gade n na yang, nang hte hkrum lu na ngai myit mada nga nngai; shaloi she an lahkawng n-gup aga hte tsun chyai lu na ga ai.