HPILEMON 1:19 - Jinghpaw Common Language Bible 2009

¹⁹ Ngai Pawlu gaw dai hka wa na ngu nna nye a lata hte nan ka dat nngai. (Rai ti mung nang hkum nan pyi Hkristu a majaw lu la ai asak hkrung lam ningnan a matu ngai hpe hka wa ra nga ndai ngu nna tsun shapraw dan ra na zawn n shadu nngai.)

Jinghpaw Hanson Version Bible

¹⁹ Ngai Pawlu gaw dai hka wa na, ngu nna nye a lata hte nan ka dat nngai: rai timung, na hkum nan pyi ngai hpe hka wa ra ndai, ngu nna ngai n tsun mayu nngai.

HPILEMON 1:19 ပူးပေါင်းရင်းမြစ်များ

NINGPAWT NINGHPANG 43:9

Ngai gaw nye a asak ap let ga sadi shagrin da nngai rai nna shi a majaw ngai hpe mara shagun lu na ndai. Ngai shi hpe shim lum hkam kaja ai hte nang hpang de bai n woi wa ai rai yang, dai mara hpe ngai tut nawng gun nga na nngai.

ROMA 16:22

Ndai laika ka ya ai wa, ngai Tertiu mung, dai Madu hta e nanhte hpe shakram dat nngai.

1 KORINHTU 4:15

Hpa majaw nga yang, nanhte a Hkristan asak hkrung lam hta nanhte hpe sharin achyin ya na sara mun mi dang lu myit ti mung, nanhte kawa langai sha lu myit dai. Ngai gaw dai Kabu Gara Shiga hkaw dan ai hku nna, nanhte hpe Hkristu hte kahkyin gumdin ai asak hkrung lam de du wa shangun ai nanhte a shangai kawa tai wa ni ai.

2 KORINHTU 10:1

Nanhte a man e akya shala rai myit grit myit nem ai lam madun nhtawm, nanhte hte tsan gang jang laja lana nden marai madun ai wa, ngu shatan hkrum ai ngai Pawlu nan nanhte hpe lajin dat made ai.

2 KORINHTU 3:2

Nanhte hkum nan masha shagu e hti nna chye lu ai anhte a myit masin hta ka tawn da ai laika hkum nan rai nga myit dai.

2 KORINHTU 9:4

Dai n rai yang, Makedoni masha nkau mi ngai hte rau hkan nang sa nna nanhte n jin nga mala ai hpe mu hkrup ma yang, nanhte chyu sha kaya hkrum na n rai, anhte mung nanhte hpe grai myit kam tawn da sai hte maren, gade sha kaya hkrum na rai nga a hka!

GALATI 5:2

Madat mu! Nanhte matu gadoi hkam myit yang gaw, Hkristu gaw nanhte a matu hpa akyu n nga ai, ngu nna ngai Pawlu nan nanhte hpe tsun dan made ai.

GALATI 6:11

Kade wa kaba ai laika hkum hte ngai nanhte hpang de nye a lata hte ka da nngai gaw yu yu mu.

1 TIMOHTI 1:2

dai makam masham hta nye a kasha majing rai nga ai Timohti hpang de laika ka dat nngai. Kawa Karai Kasang hte anhte a Madu Yesu Hkristu kaw na chyeju, matsan dum ai hte ngwi pyaw ai gaw nang hta anga nga u ga law.

TITU 1:4

Madu Yesu hpe anhte hte maren kam sham ai hta rau rum nga ai ngai sha majing re ai Titu hpang de ngai ndai laika hpe ka shana dat nngai. Kawa Karai Kasang hte anhte a hkye hkrang la ai Madu Yesu Hkristu gaw nang hpe chyeju hte ngwi pyaw ai lam jaw ya u ga law.

HPILEMON 1:18

Shi nang hpe lama ma shut kau ai rai yang mung, hka kap ai rai yang mung, dai gaw nye a hka shatai u.