HPILEMON 1:14 - Jinghpaw Common Language Bible 2009

¹⁴ Rai ti mung na a myit hkrum ai lam n lu la ai sha kaning n chyum nna n galaw n mai shadut jahkat ai hku hpa mung ngai n galaw mayu nngai. Na a myit ra ai hku san san sha rai u ga. Dai rai nna nang myit n hkrum ai hpa hpe mung ngai n galaw na nngai.

Jinghpaw Hanson Version Bible

¹⁴ na a chyeju gaw kaning n chyum nna n re ai sha, myit ra ai hku san san rai u ga, na a myit n lawm yang gaw, ngai kaning mung n rai mayu nngai.

HPILEMON 1:14 ပူးပေါင်းရင်းမြစ်များ

1 HKAWHKAM LABAU 29:17

Nang gaw masha shagu hte a myit masin hpe chyam dinglik yu nna ding hpring ai myit rawng ai masha ni hpe ra sharawng nga ndai hpe ngai chye nngai. Teng man ding man ai hte ndai arai ni yawng hpe awng sharawng ai myit hte nang hpe ngai jaw ya de ai. Ndai yang e hpawng nga ai na a amyu masha ni mung na a man de hkungga ni sak jaw ai lam gade sha kabu gara nga ma ai hpe ngai mu ni ai.

SHAKAWN KUNGDAWN 110:3

Na gumlau hpyen ni hpe nang htim gasat ai shani e, na a amyu masha ni gaw madu myit hte shang karum wa na mara ai. Jahpawt manap jau jau e, hkrat ai mari zawn, na a brang ram ni nang shanu nga ai chyoi pra ai bum ni de du sa wa na mara ai.

1 KORINHTU 9:17

Lama rai nna ndai amu hpe nye a myit hte ngai lata la nna galaw ai rai yang gaw, shabrai gumhpraw lu na hpe myit mada ala nga lu nngai, rai ti mung ngai ndai amu hpe Karai Kasang e kam da ai hte ap da sai amu rai nna, galaw ra ai lit langai mi hku she ngai galaw nngai.

1 KORINHTU 9:7

Kadai hpyen la wa mi tinang a jarik hte majan amu gun a ta? Kadai sun galaw sha ai wa, tinang a sun kaw na sabyi si n di sha ai nga ga a ni? Kadai sagu rem ai wa tinang a sagu kaw na chyu n shup lu ai nga ga a ni?

2 KORINHTU 1:24

Nanhte hpa baw hpe kam sham ra myit dai ngu nna anhte hkang ga ai n rai. Nanhte ngang ngang kang kang dai makam masham hta tsap nga myit dai hpe anhte chye ga ai. Anhte gaw nanhte a ngwi pyaw kabu gara ai lam a matu she nanhte hte rau amu gun hpai nga ga ai.

2 KORINHTU 8:12

Nanhte hta jaw ya mayu ai shawang myit rawng ai rai yang, Karai Kasang gaw nanhte a rai lu ai made jaw ya ai kumhpa hpe hkap la na ra ai. Nanhte n rai lu ai hpe Karai Kasang hpyi na n rai.

2 KORINHTU 9:5

Dai re ai majaw, nanhte shawang kumhpa ga sadi jaw da sai hte maren, dai hpe hkyen lajang shajin da na matu ndai hpu nau ni hpe nanhte hpang de nye a shawng e tau hkrau shangun dat ra nga ai ngu nna ngai myit nngai. Ngai du sa ai shaloi alu shajin shangut da chyalu rai nna nanhte a jaw ya ai gaw jaw ra ai lit shaprai ai hku n re ai sha jaw mayu ai shawang myit hte jaw ya ai re ai lam madun dan lu na rai nga ai.

2 KORINHTU 9:7

Lahpawt ai myit hte mung n rai, jaw ra ai lit a majaw sha mung n re ai sha, langai hte langai gaw tinang a kraw lawang e myit da ai hte maren jaw u ga; hpa majaw nga yang, Karai Kasang gaw kabu gara ai myit hte jaw ya ai wa hpe tsaw ra nga ai.