HPILEMON 1:1 - Jinghpaw Common Language Bible 2009

¹ Hkristu Yesu a magam gun hpai ai majaw bawng dung hkrum nga ai ngai Pawlu hte anhte a hpu nau wa Timohti gaw, an a tsaw ra ai jinghku hte amu rau jawm shingtau gun hpai nga ai Philemon hpang de mung,

Jinghpaw Hanson Version Bible

¹ Hkristu Yesu a bawng dung ai wa, ngai Pawlu hte hpunau Timohti gaw, anhte amu shingtau ai, tsawra ai wa Hpilemon hpe mung,

HPILEMON 1:1 ပူးပေါင်းရင်းမြစ်များ

KASA 16:1

Pawlu gaw Derbe hte Lustra mare de du sa wa ai. Lustra mare hta Timohti mying ai Hkristan langai mi nga ai. Kanu gaw kam sham ai Yuda Hkristan num rai nna, Kawa gaw Grik masha rai nga ai.

1 KORINHTU 3:9

Hpa majaw nga yang, anhte gaw Karai Kasang a matu amu bungli galaw nga ai shingdep shingtau ni rai nga ga ai. Nanhte gaw Karai Kasang a yi hkauna hte Karai Kasang a wahpang htingnu rai nga myit dai.

2 KORINHTU 1:1

Karai Kasang a myit ra ai hku hte maren, Hkristu Yesu a Kasa wa ngai Pawlu hte anhte a hpu nau Timohti gaw, Korinhtu mare na Karai Kasang a hpung hte Ahkaia mung ting na Karai Kasang a masha ni nlang hte hpe shakram dat ga ai.

GALATI 3:26

Hpa majaw nga yang, Hkristu Yesu hta e kam sham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

EHPESU 3:1

Ndai lam a majaw, Hkristu a bawng dung ai wa ngai Pawlu gaw, nanhte maigan masha ni a matu Karai Kasang kaw akyu hpyi ya nngai.

EHPESU 4:1

Dai re ai majaw dai Madu hpe daw jau ai a majaw bawng dung ai wa ngai Pawlu gaw nanhte hpe shi shaga la ai kaw nna Karai Kasang e madat da ya sai sak hkrung lam madung hte maren, sak hkrung hkawm sa na matu ngai nanhte hpe shadut jahkat dat made ai.

EHPESU 6:20

Ya ngai bawng dung ai wa rai nga ti mung, dai Kabu Gara Shiga a jaw e kasa langai mi rai nga nngai; Dai Kabu Gara Shiga hpe hkaw tsun na ngai hta lit nga ai hte maren nden ja ai hte tsun shana lu u ga, akyu hpyi nga mu.

HPILIPI 1:1

Hkristu a mayam ni rai nga ai Pawlu hte Timohti gaw, Hpilipi mare e nga nga ai, hpung, hpung up, hpungtau ni hte hpawn Hkristu Yesu hta e langai sha rai nga ai Karai Kasang a amyu masha ni nlang hpang de laika ka dat ga ai.

HPILIPI 2:25

Bai nanhte a hpu nau wa, shingdep shingtau wa hte rau sha gasat gala ai hpyen ma manang wa, ngai hpe karum na matu nanhte shangun dat nna gawn lajang ai wa Epahprodi hpe nanhte hpang de bai shangun dat na re ai ngu nna ngai nawn nngai.

HPILIPI 4:3

Nye a nrum ntau share manang hku nna mung dai num yan hpe karum la na hpe ngai ra sharawng nga nngai; hpa majaw nga yang dai Kabu Gara Shiga hkaw tsun ai lam hta ngai hte rau nhki nsang amu galaw shakut shaja lawm ma ai. Shing rai galaw lai wa ai ni hta Klemen hte Karai Kasang a asak jahpan laika hta tinang a mying lawm ai nye a shingdep shingtau kaga ni mung lawm ma ai.

KOLOSE 1:1

Karai Kasang a myit ra ai majaw Hkristu Yesu a kasa rai nga ai ngai Pawlu hte hpu nau Timohti gaw,

KOLOSE 4:11

Yustu ngu nna mung shamying ai Yesu mung, nanhte hpe shakram dat ai. Ndai marai masum chyu sha kam sham ai Yuda masha ni rai nna, Karai Kasang a mungdan a matu ngai hte rau amu galaw ai nye a shingdep shingtau ni rai nga ma ai hte ngai hpe karum dik ai ni rai ma ai.

1 HTESALONI 3:2

Hkristu a Kabu Gara Shiga hkaw tsun ai hta anhte rau magam bungli galaw nga ai anhte a hpu nau wa Timohti hpe shangun dat ga ai.

2 HTESALONI 1:1

Pawlu, Sila hte Timohti, anhte gaw anhte a Wa Karai Kasang hte Madu Yesu Hkristu a masha ni rai nga ai Htesaloni Hpung masha ni hpang de laika ka dat ga ai.

2 TIMOHTI 1:8

Dai rai nna anhte a Madu a matu sakse hkam ai hta hkum kaya nga u; bai nna Hkristu a jaw e bawng dung ai wa nye a majaw mung hkum kaya nga u; shing rai na malai, Karai Kasang gaw nang hpe n-gun lagaw jaw da nit dai hte maren, dai Kabu Gara Shiga a jaw e nni nkri hpe hkam sharang u.

HPILEMON 1:23

Hkristu Yesu a lam hkaw tsun ai a majaw nye a bawng dung manang rai nga ai Epahpra gaw nang hpe shakram dat ai.

HPILEMON 1:24

Dai hte maren nye a shingdep shingtau ni rai nga ai Marku, Aristarku, Dema hte Luka mung, nang hpe shakram dat ma ai.

HPILEMON 1:9

Rai ti mung, Hkristu a kasa, dingla wa ngai Pawlu rai nga nngai hte ya e Hkristu a bawng dung ai wa mung rai nga nngai majaw, tsaw ra ai hku she nang hpe hpyi nem dat na ngai grau ra nngai.