HPAJI NINGLI 9:7 - Jinghpaw Common Language Bible 2009

⁷ Sa wa magang su, kabu gara ai hte na a lusha sha u; na a sabyi ntsin lu nna kabu pyaw nga u. Dai gaw Karai Kasang ra ai lam rai nga ai.

Jinghpaw Hanson Version Bible

⁷ Pru wa su; Karai Kasang gaw na a amu hkap la ngut sai majaw, kabu gara ai hte shat sha u, ngwipyaw ai hte na a tsabyi jahku lu u.

HPAJI NINGLI 9:7 ပူးပေါင်းရင်းမြစ်များ

NINGPAWT NINGHPANG 12:19

Nye a madu jan tai u ga, shi hpe na a kajan she re ngu nna hpa rai tsun n ta? Yu u, ndai gaw na a madu jan rai nga lit dai, shi hpe woi la nna pru mat wa u!,” ngu nna shi hpe tsun wu ai.

1 HKAWHKAM 8:66

Ya matsat ya ngu na shani hta Shawlumon gaw amyu masha ni hpe nta de wa kau shangun nga ai. Shanhte mung shi hpe shakawn kungdawn let shi a shangun ma Dawi hte shi a amyu masha Israela hpe dai Madu shaman ya ai chyeju yawng a majaw kabu gara ai hte tinang nang a dum nta de wa mat wa ma ai.

HPAJI NINGLI 10:19

Lusha poi galaw ai gaw nang hpe kabu gara shangun nga ai; sabyi ntsin gaw nang hpe myit pyaw shangun nga ai; rai ti mung gumhpraw n lu yang dai hta na langai ngai hpe nang galaw lu ai n rai.

HPAJI NINGLI 11:8

Nang shaning shagu asak hkrung nga lu ndai hpe chyeju dum u. Nang kade na hkra mi nga ai rai tim, nang si na nhtoi naw galu nga ai hpe adum nga u. Du na ra ai lam hpe ra sharawng gaw kaman lila sha rai nga ai.

HPAJI NINGLI 5:18

Yu u, Karai Kasang shi hpe jaw da sai aprat kadun mi laman, shi galaw da sai amu hta, lu let, sha let, kabu gara rai ngamu ngamai hkra galaw lu ai wa kadai mung mai kaja htum ai lam rai nga ai hpe ngai mu tam da se ai. Dai gaw masha a gam maka rai nga ai.

HPAJI NINGLI 7:14

Nang ngamu ngamai wa ai shaloi, kabu gara nga u; ru yak tsin-yam tsindam hkrum ai shaloi, Karai Kasang gaw kabu gara ai hte ru yak tsin-yam tsindam lahkawng yan hpe dat da nga ai hpe dum u; hpang e, hpa baw bai byin wa na hpe nang galoi mung n chye nga ndai.

HPAJI NINGLI 8:15

Dai rai nna, anhte gaw anhte hkum nan kabu gara ang nga ga ai ngu nna ngai myit hkawn nngai, hpa majaw nga yang, anhte gaw ndai asak hkrun lam hta lu lu sha sha rai nna anhte hkum nan kabu pyaw nga ga ai. Ndai mungkan ga hta Karai Kasang anhte hpe jaw da sai asak hkrung nga ai laman magam amu anhte galaw ra ai zawn yawm dik ndai amu hpe anhte galaw lu nga ai.

BU HKAWM 6:20

Dai hpang hkinjawng wa gaw dai ni hpe laksan kumhpa shatai nna dai Madu hpe sak jaw na rai wu ai. Dai ni gaw hkinjawng wa a matu chyoi pra ai hkungga rai nga ai. Dai hta kaga, tara hte maren sinda hte sagu la a lagaw hpe mung hkinjawng wa madu la lu na rai wu ai. Dai hpang mahtang Nazari wa sabyi ntsin lu mai na rai wu ai.

MARKU 7:29

Dai rai nna Yesu gaw shi hpe, “Nang dai hku htan ai ga a gawp e, nta de wa nu, nat gaw na a shayi sha kaw na pru mat sai hpe nang mu na rin dai!,” ngu wu ai.

LUKA 11:41

Rai ti mung, nanhte a gawm hte ban ni hta rawng ai arai ni hpe matsan mayan ni e jaw kau mu, shing rai galaw yang, nanhte a matu nga manga san pra wa na malit dai.

YAWHAN 4:50

Yesu gaw, “Wa nu, na nsha gaw bran salit dai!,” ngu nna shi hpe tsun dat wu ai. Dai du wa gaw, Yesu tsun ai ga hpe kam let wa mat ai.

KASA 10:35

Karai Kasang gaw shi hpe hkrit hkungga nawku daw jau nna ding hpring ai amu galaw ai wa kadai hpe mung amyu n lata ai sha sharawng awng hkap la nga ai.

TARA JAHPRANG 12:12

Dai yang e, nanhte a kashu kasha ni hte mung, nanhte a shangun ma ni hte mung, lamu ga sali n lu ai majaw nanhte a mare ni hta hkan nga ai Lewi masha ni hte mung, shi a man e rau sha kabu gara lu na rai myit dai. Lewi masha ni lamu ga madu lu na n rai nga ai hpe dum mu.

TARA JAHPRANG 12:7

Dai yang e, dai Madu nanhte a Karai Kasang a hpung shingkang hte nanhte hpe shaman ya manit dai majaw nanhte galaw ai mai kaja lam ni hta nanhte hte nanhte a dinghku masha ni lu sha nna kabu gara nga na rai myit dai.

RUHTA 3:7

Bua gaw lusha sha ngut ai hpang, myit pyaw ai hte nga nga wu ai. Shi gaw muk-yaw mam sumpum de sa wa nhtawm sa yup nga ai. Ruhta mung atsin sha sit sa wa nhtawm nba ka-aw nna shi a lagaw nhpang e shang kaleng taw nga ai.