HPAJI NINGLI 9:5 - Jinghpaw Common Language Bible 2009

⁵ Rai sa, hkrung nga ai ni gaw shanhte si na hpe chye nga ma ai, rai ti mung si mat sai ni chyawm gaw hpa n chye ma ai. Shanhte gaw hpa shabrai mung n hkam la lu ma ai; shanhte gaw tsep kawp malap kau ai hkrum na ma ai.

Jinghpaw Hanson Version Bible

⁵ Hkrung nga ai ni gaw, tinang si na hpe chye nga ma ai: si mat ai ni chyawm gaw hpa n chye ma ai hte, hpa shabrai mung, n hkam la lu manu ai: kadai mung shanhte hpe n dum ma ai.

HPAJI NINGLI 9:5 ပူးပေါင်းရင်းမြစ်များ

2 SAMUELA 14:14

Anhte yawng si na sha rai nga saga ai; anhte gaw ga ntsa e hkaw gamang mat nna mahkawng la n lu ai hka hte she bung mat nga saga ai. Karai Kasang gaw si mat sai wa hpe bai n jahkrung ya wu ti mung, nang hkawhkam wa gaw kaga mung de hprawng mat wa ai masha langai mi hpe sha gaw yawm dik tam la nna bai woi la lu na ndai.

YOBA 14:21

Anhte a kashu kasha ni shagrau sha-a hkrum nga ma ai, rai ti mung de a lam anhte galoi mung n chye ga ai, shanhte kaya hkrum nga ma ai shaloi, anhte tsun hkrum nga ga ai n rai.

YOBA 30:23

Nang gaw ngai hpe masha shagu a hpang jahtum na lam san da ya ai shara de mung, nye a si hkrung si htan lam de woi sa wa nga ndai hpe mung ngai chye nga nngai.

SHAKAWN KUNGDAWN 109:15

Dai Madu gaw shanhte a yubak ni hpe, tut nawng e adum ya nga u ga; rai ti mung, shanhte hkum nan tsep kawp malap kau ai hkrum nga mu ga.

SHAKAWN KUNGDAWN 6:5

Katsan ga e, nang hpe dum nga ma ai n rai; kadai mung, dai shara hta nang hpe shakawn lu ma ai n rai.

SHAKAWN KUNGDAWN 88:13

Madu e, karum la na matu, ngai nang hpe shaga nga nngai; jahpawt shagu nang kaw akyu hpyi nga nngai.

HPAJI NINGLI 1:11

Kadai mung lai sai aten ni hta hpa byin lai wa sai hpe n dum nga ai, htawm hpang de du sa wa na ni kadai mung ndai prat hte hpang na aprat lapran hta hpa byin na lam dum na n rai.

HPAJI NINGLI 2:16

Kadai mung hpaji rawng ai ni hpe dum ai n rai; kadai mung angawk angak ni hpe dum ai n rai. Anhte yawng gaw htawm hpang prat e malap kau hkrum na ni hkrai rai nga ga ai. Anhte yawng gaw hpaji rawng ai wa hte angawk ai wa zawn maren sha si ra na ga ai.

HPAJI NINGLI 7:2

Pyaw hpa poi de sa lawm na hta sharung shayawt nga ai nta de sa na mahtang grau kaja nga ai, hpa majaw nga yang, si hkrung si htan gaw anhte yawng hpe ala nga ai rai nna hkrung nga ai ni tinang hkum hpe nan tut nawng shadum ang mai nga ai.

HPAJI NINGLI 8:10

Rai sa, n hkru ai masha ni shanhte a lup sung hku ni hta lup makoi da hkrum nga ma ai hpe ngai mu ni ai; rai ti mung, lup wa de na bai nhtang wa ai masha ni gaw n hkru ai amu galaw shapraw ai shanhte a mare hta sha shanhte hpe shakawn ma ai. Dai mung kaman lila rai nga ai.

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

HPAJI NINGLI 9:4

Rai ti mung, mungkan ga hta hkrung nga ai ni kadai mung asak hkrun lam hta myit mada shara nga nga ai; hkrung nga ai gwi gaw si mat sai hkanghkyi hta grau kaja nga ai.

ESAIA 26:14

Ya chyawm gaw shanhte si mat masai, bai hkrung wa lu na ma ai n rai; shanhte a minla ni rawt wa na mara ai n rai, hpa majaw nga yang nang gaw shanhte hpe ari jaw nna shanhte hpe jahten kau nit dai. Kadai mung shanhte hpe galoi mung dum nga ai n rai.

ESAIA 63:16

Nang gaw anhte a kawa rai nga ndai. Anhte a kaji kawa ni rai nga ai Abraham hte Yaku yan gaw anhte hpe n chye mi ai, rai ti mung Madu nang gaw anhte a kawa rai nga ndai, anhte hpe tut nawng hkye mawai la ai wa mung rai nga ndai.

LUKA 20:32

Hpang jahtum num dai mung si mat wa ai.

HEBRE 9:27

Shinggyim masha shagu gaw kalang mi sha si ra na rai nna, dai hpang Karai Kasang a daw dan ai hkrum na ra ai.