HPAJI NINGLI 9:12 - Jinghpaw Common Language Bible 2009

¹² Na a aten du wa nga ai hpe nang galoi mung chye nga ndai n rai. Ntsa malen u ni gaw mahkam hta akajawng sha lu ai hte nga mung sumgawn hta lu ai zawn byin ang ai n hkru ai aten hta anhte n dum shami mahkam hkam hkrum nga ga ai.

Jinghpaw Hanson Version Bible

¹² Kaning rai nme law, shinggyim masha gaw shi a aten ladaw n chye nga ai: anga ni gaw n hkru ai byek hta chyat nga ai hte, u ni gaw mahkam hta shang ai zawn, shinggyim masha ni gaw, byin ang ai n hkru ai aten hta, ndum shami e shang nna lu nga ma ai.

HPAJI NINGLI 9:12 ပူးပေါင်းရင်းမြစ်များ

SHAKAWN KUNGDAWN 11:6

Shi gaw tara n lang ai ni a ntsa e, grung nga ai wan n-ga hte hkru nga ai kan wan ni hpe ru jahkrat dat nna, shi shanhte hpe kahtet kang ai nbung ni hte ari jaw mu ai.

GA SHAGAWP 24:22

Dai zawn re ai masha ni gaw hkring mi na aten hta, hten run mat lu nga ai. Karai Kasang shing n rai hkawhkam wa gaw dai tsin-yam tsindam shabyin dat lu nga ai hpe nang myit dum nga n ni?

GA SHAGAWP 29:6

N hkru ai masha ni gaw shanhte a yubak mahkam ni hta ahkang hkrum nga ma ai shaloi, myit malang ai masha ni gaw kabu gara ai hte shanglawt lu nga ma ai.

GA SHAGAWP 6:15

Ndai lam a majaw, tsin-yam tsindam gaw shanhte hpe sadi n jaw ai sha, agrawp kau na ra ai hte, si ging ai nma shanhte hkrum sha na mara ai.

HPAJI NINGLI 3:19

Hpang jahtum e chyawm gaw shinggyim masha hte dusat ni hta byin ai maka gaw maren sha rai nga ai. Kaga wa si ai zawn si nga ai. Shanhte gaw hkrung kanu ni sha rai ma ai. Shinggyim masha gaw dusat hta grau kaja nga ai n rai, hpa majaw nga yang, asak gaw kade a matu mung lachyum n pru nga ai.

HPAJI NINGLI 8:11

Masha gaw ru hka amu ni hpe hpa majaw aloi loi sha shut hpyit nga a ta? Hpa majaw nga yang, Ru hka amu hpe alawan ari jaw ai n rai.

HPAJI NINGLI 8:8

Kadai mung tinang hkum hpe n si shangun lu ai n rai; tinang a si nhtoi hpe htawt sit kau lu ai n rai. Si hkrung si htan gaw hpyen majan kaw na hprawng lawt lu ai n rai, kadai mung n hkru ai amu a shingdu e makoi nga lu ai n rai.

HPAJI NINGLI 9:13

Ngai gaw lam lama mi naw nga nga ai hpe mu nngai. Hpaji byeng-ya gaw mai kaja ai kasi rai nna ndai mungkan ga hta hkungga ging nga ai.

ESAIA 24:18

Hkrit kajawng ai kaw na hprawng lawt na matu shakut ai wa kadai mung nhkun kata de di hkrat bang na ra ai, nhkun kaw na hprawng lawt lu ai wa kadai mung mahkam hta lu na ra ai. Lamu na hka hpungtun ni ru hkrat wa ai shaloi ginding aga a npawt nhpang ni gari ashun wa na mara ai.

ESAIA 30:13

Nanhte gaw mara kap nga myit dai. Nanhte gaw ga kaprang yu wa ai tsaw ai mare bunghku hte bung nga myit dai; nanhte gaw akajawng sha agrawp daw mat na marin dai.

EZEKELA 32:3

Masha amyu baw law law ni zup hpawng nga ma yang, nye a sumgawn hte nang hpe ka-up la nna shanhte gaw dai hpe hkin-gau de karawt shapraw da mu ga.

HOSEA 7:12

Rai ti mung shanhte sa wa ai shaloi, ngai gaw sumgawn kahpyan nna ntsa malen u ni hpe zawn shanhte hpe rim la na we ai. Ngai gaw shanhte galaw ai n hkru ai amu a matu ari jaw na nngai.

HOSEA 9:8

Karai Kasang gaw shi a amyu masha Israela hpe sadi jaw na matu ngai hpe myihtoi hku shangun dat nu ai. Rai tim, ngai du hkawm ai shara shagu hta nanhte gaw ntsa malen u ni hpe zawn ngai hpe mahkam hkam shakut nga myit dai. Amyu masha ni gaw Karai Kasang a Nawku Htingnu hta pyi, myihtoi wa a gumlau hpyen ni tai nga ma ai.

LUKA 12:20

Rai ti mung, Karai Kasang gaw, dai wa hpe, ‘Masha angawk e! Dai na jang na a asak hpe dawm la kau ya na ra ai, dai rai nna, nang mahkawng shachyip da ai arai ni gaw gade a matu tai na rai ta?,’” ngu nna tsun wu ai.

LUKA 12:39

Nta madu wa gaw gara ahkying aten hta lagut sa na hpe lama chye lu ai rai yang, shi amaja nga nna, shi a nta hpe tawk htu waw shang shangun na wu ai n rai nga ai hpe chye nga mu.

2 KORINHTU 6:2

Madat mu, Karai Kasang gaw, “Ngai nanhte hpe chyeju jaw na aten du ai shaloi, nanhte a hpyi nem ai ga hpe ngai madat ya made ai; ngai nanhte hpe hkye hkrang la na ninghtoi du ai shaloi, nanhte hpe ngai karum made ai,” nga nna shi tsun nga ai. Karai Kasang a chyeju hkam la na ya e pyi mai ang ai aten rai nga ai; yu mu, ya e pyi hkye hkrang la ai nhtoi rai nga ai.

1 HTESALONI 5:3

Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!

2 TIMOHTI 2:26

Dai shaloi e shanhte gaw jaw ai hku bai mu mada dum hprang wa nna Satan a mahkam kaw na lawt lu na mara ai. Dai Satan gaw shanhte hpe rim la nna shi a myit ra ai lam hpe hkan sa shangun yu sai wa rai nga ai.

1 PETRU 2:12

Tara maigan de na ni nanhte hpe n hkru n kaja ai lam galaw ai ni re ngu nna shadu myit yang, nanhte a kaja ai amu mu lu nna dai Madu bai du sa ai Nhtoi hta Karai Kasang hpe shakawn shagrau mu ga, nanhte gaw shanhte a man e nanhte a arawn alai lam hta tsawm htap kup tsup nga myit ga law.

2 PETRU 2:12

Rai ti mung ndai masha ni gaw hkwi rim la nhtawm sat kau na matu nga pra ai du sat chyazai ni zawn shanhte pyi n chye ai lam ni hpe hkritung myit hte roi asawng ai amu galaw ma ai. Shanhte gaw du sat chyazai ni zawn jahten shabya kau ai hkrum na mara ai.