HPAJI NINGLI 9:11 - Jinghpaw Common Language Bible 2009

¹¹ Ndai mungkan ga hta kagat chyang ai ni shingjawng poi hta tut nawng dang ai n rai; share shagan hpyenla ni hpyen majan hta tut nawng dang ai n rai; hpaji rawng ai ni lusha shahpa tut nawng lu ma ai n rai, zai hpaji rawng ai ni tut nawng sut su ai n rai; atsam rawng ai ni tsaw ai madang de tut nawng rawt lung wa ai n rai. N kaja ai gam maka gaw masha shagu hta nga ai lam hpe ngai dum chye nngai.

Jinghpaw Hanson Version Bible

¹¹ Bai, jan a npu e mada yu yang, gat lawan chye ai majaw sha, gat shingjawng dang ai, n rai; n-gun ja ai majaw sha, hpyen majan dang lu ai n rai; hpaji byeng-ya majaw sha, shahpa lu ai, n rai; chye chyang ai majaw sha, sutgan lu ai, n rai; maka kumla pru ai majaw sha, myi man pa na, n rai: aten ladaw hte, ang wa ai hte maren, shanhte mahkra a matu byin ang wa ai hpe, ngai mu nngai.

HPAJI NINGLI 9:11 ပူးပေါင်းရင်းမြစ်များ

2 SAMUELA 17:14

Absalom hte Israela masha ni yawng gaw, “Hushai a hpaji jaw ai ga mahtang Ahihtohpela jaw ai ga hta grau kaja nga ai,” ngu nna tsun ma ai. Dai gaw Ahihtohpela a kaja ai hpaji jaw ga hta n hkan mat wa lu hkra, Absalom a ntsa ru yak tsin-yam tsindam shapraw dat ai dai Madu a daw dan hpajang ai lam rai nga ai.

2 SAMUELA 17:23

Ahihtohpela chyawm gaw shi jaw ai hpaji hku n hkan ai hpe mu jang, shi a lawze byau la nna daidaw buga de nhtang mat wa wu ai. Shi a amu ni hpe hpajang da ngut jang shi hkum nan dau si mat wu ai. Shing rai shi a dinghku masha ni hpe makoi mayang ai lup hta shi hpe makoi mayang da nga ma ai.

2 HKAWHKAM LABAU 20:15

Yahaziela gaw, “Madu hkawhkam hte Yuda, Yerusalem mare masha ni yawng hte e, dai hpyen luksuk kaba hte hkrum na myit hkum daw myit, hkrit mung hkum hkrit nga myit. Dai hpyen gasat ai gaw nanhte a amu n rai; Karai Kasang hte she seng nga ai.

YOBA 34:29

Karai Kasang gaw hpa mung n galaw na hku daw dan ai rai yang, kadai mung shi hpe sharu lu ai n rai. Shi a myi man makoi kau ai rai yang, masha gaw karum la lam kata rai na wu ai.

SHAKAWN KUNGDAWN 76:5

Shanhte a share shagan ai hpyenla ni gaw shanhte lu ai arai yawng raw sharun la kau ai hkrum ma ai; ya, shanhte si kadawng taw nga masai. Shanhte a n-gun hte kung kyang ai lam yawng hte mung kaman lila sha rai mat manu ai.

GA SHAGAWP 1:5

Ndai ga shagawp ni gaw hpaji rawng ai wa a machye machyang ni hpe pyi hpung jat ya lu nga ai hte sharin hkam la sai ni hpe lam madun matsun ya lu nga ai,

HPAJI NINGLI 2:12

Hpang jahtum gaw, lai sai hkawhkam ni galaw kau sai amu hpe chyu sha hkawhkam wa galaw lu nga ai. Dai rai nna, hpaji byeng-ya chye ai, myit n su ai hte angawk angak re ai ni gaw kaning re ai lachyum rai nga ai hpe ngai myit sawn sumru hpang wa nga nngai.

HPAJI NINGLI 3:14

Karai Kasang galaw ai amu yawng mayawng gaw htani htana agrin nga ai hpe ngai chye nngai. Dai hta hpa mung galaw jat lu ai n rai; dai kaw na hpa mung shayawm kau mai nga ai n rai. Karai Kasang galaw ai lam langai mi chyawm gaw anhte hpe shi hpe hkrit kamyin shangun nga ai.

HPAJI NINGLI 3:17

Ngai gaw nye hkum hpe, “Karai Kasang gaw ding man ai hte n hkru ai amu hpe mung jeyang na ra ai, hpa majaw nga yang, amu shagu, arawn alai shagu gaw shi a masat da ai aten hta byin wa na ra ai,” ngu nna tsun nngai.

HPAJI NINGLI 4:1

Dai hpang, ngai gaw ndai mungkan ga hta a byin nga ai n teng n man lam hpe bai yu yu nngai. Dip gamyet sha hkrum nga ai ni hkrap nga ti mung, shanhte hpe kadai mung karum la nga ma ai n rai. Dai dip gamyet sha ai ni mahtang shanhte a hpang maga de daru magam n-gun rawng nga ai majaw kadai mung shanhte hpe n karum la ma ai.

HPAJI NINGLI 4:4

Masha gaw awng dang na matu hpa majaw amu grai shaja galaw ra ai hpe mung ngai sharin la se ai; dai gaw hpa majaw nga yang, shanhte a htingbu ni lu ai arung arai ni hpe yu manawn ai majaw rai nga ai. Rai ti mung dai gaw kaman lila rai nga ai. Dai gaw nbung hpe shachyut nga ai zawn rai nga ai.

HPAJI NINGLI 7:13

Karai Kasang galaw nu ai amu hpe myit yu mu. Karai Kasang magaw da sai arai hpe kadai wa malan lu nga a ta?

HPAJI NINGLI 9:2

Dai gaw hpa mung galai shai shangun nga ai n rai. Ding man ai hte tara n lang ai, kaja ai hte n kaja ai, nawku kam sham ai hte n kam n sham ai, shagu hkungga ni hpe nawng jau ai ni hte n nawng jau ai ni a jahtum na maka gaw maren sha rai nga ai. Mai kaja ai wa gaw yubak kap ai wa hta grau kaja nga ai n rai; dagam shaka ai wa gaw n dagam shaka ai wa hta grau kaja nga ai n rai.

HPAJI NINGLI 9:3

Yawng a gam maka gaw langai sha hte maren sha rai nga ai. Dai gaw ndai mungkan ga hta byin nga ai lam hpa hte mung shut nga ai. Shinggyim masha ni ahkrung nga dingsa, shanhte a myit mang ai gaw n hkru nna mana angawk ai hte hpring nhtawm akajawng sha shanhte si mat nga ma ai.

YEREMIA 46:6

Kagat laram ai ni n hprawng lu ma ai; hpyenla ni mung n hprawng lawt lu ma ai. Dingdung maga, Uhprat hka nu makau e shanhte ahtu kataw ma ai.

YEREMIA 48:14

“Moba lasha ni e, nanhte gaw share shagan ai ni, majan hta chyam hkrum ai magrau grang ai hpyenla ni rai ga ai ngu kaning rai tsun lu na rai ta?

YEREMIA 9:23

Dai Madu gaw, “Hpaji rawng ai masha ni gaw shanhte a hpaji byeng-ya hta, n-gun ja ai ni gaw shanhte a n-gun lagaw hta, sut su ai masha ni gaw shanhte a sut gan hta gumrawng na n mai ang nga ai.

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

ZEHKARIA 4:6

Dai lamu kasa gaw Madu kaw na pru ai ndai mungga Zerubabela hpe jaw ya na matu ngai hpe ning nga nna tsun ai: “Nang gaw hpyen dap n-gun hte mung n rai, na a n-gun atsam hte mung n rai; rai ti mung nye a wenyi hte sha awng dang lu na rai ndai.

MALAHKI 3:18

Nye a amyu masha ni gaw ding hpring ai wa hte tara n lang ai wa a lapran ngai hpe daw jau ai wa hte n daw jau ai wa a lapran e shai ai hpe lang mi bai chye ginhka mu lu na mara ai,” ngu nna tsun wu ai.

EHPESU 1:11

Yawng mayawng hte chyawm gaw, Karai Kasang a yaw shada da ai lam hte myit daw dan da sai hku hte maren byin wa sai; bai nna shi a shawng npawt kaw nna daw dan sai lam hta npawt shatai nhtawm Hkristu hta langai sha rai nga ga ai a marang e shi a shatawng shada ai hku nna anhte hpe shi a amyu masha ni tai na matu lata san da mani ai.

TARA JAHPRANG 8:17

Dai rai nna nanhte a n-gun hte marai a jaw e, ndai sut gan lu la ga ai, nga nna nanhte galoi mung myit nawn la lu na myit dai n rai.

TARA JAHPRANG 8:18

Dai Madu nanhte a Karai Kasang gaw sut gan lu su chye ai atsam nanhte hpe jaw ya nu ai hpe adum nga mu. Nanhte a nji nwa ni hte tawn da ai ga shaka hpe dai ni du hkra shi naw sadi dung nga ai majaw ndai amu hpe shi galaw wu ai.

1 SAMUELA 17:50

Dawi gaw nhtu n lawm ai sha lakli hte nlung langai e sha Goliat hpe gasat dang kau nhtawm sat kau wu ai.

1 SAMUELA 6:9

Dai hpang, dai hkawm mat wa ai hpe azi yu mu; leng dai Bet Sheme mare maga de yawng sa mat wa ai rai yang gaw anhte a ntsa e Israela a Karai Kasang gaw ndai hkrit hpa ru yak tsin-yam tsindam shangun dat nu ai, dai gaw dai hku lachyum pru nga ai. Rai ti mung, dai hku n rai ai rai yang chyawm gaw, ana zinli hpe shi n shangun dat nga ai hpe anhte chye na ga ai; dai gaw majoi byin wa nna hkrum sha ai lam chyu rai nga ai,” ngu nna htan ma ai.