HPAJI NINGLI 9:10 - Jinghpaw Common Language Bible 2009

¹⁰ Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

Jinghpaw Hanson Version Bible

¹⁰ Nang galaw ang ai amu, hpa rai timung, tsam mari galaw u; kaning rai nme law, nang yu wa na ra ai katsan ga hta e, amu bungli, maw mawn ai, chye chyang ai hte hpaji hparat hpa mung n nga ai.

HPAJI NINGLI 9:10 ပူးပေါင်းရင်းမြစ်များ

NINGPAWT NINGHPANG 37:35

Shi a shadang sha ni hte shayi sha ni yawng mung shi hpe shalan shabran na nga, rawt sa wa ma timung, shi chyawm gaw shalan shabran hkrum na hpe n kam hkam la wu ai rai nna, “Ngai gaw nye kasha a matu sharung shayawt ai hte katsan ga de yu mat wa na ni ai,” ngu nna tsun wu ai. Dai rai nna shi a kasha Yosep a matu matut nna sharung shayawt nga wu ai.

1 HKAWHKAM LABAU 22:19

Ya chyawm gaw dai Madu na a Karai Kasang hpe na a myit kraw lawang mahkra hte na a myit masin mahkra hte ya daw jau nga u. Nawku Htingnu hpe gaw gap hpang wa sanu; shaloi dai shara hta dai Madu a Ga Shaka Sumpu hte shi hpe nawku yang lang ai kaga chyoi pra ai arung arai ni hpe tawn da lu u ga,” ngu nna tsun wu ai.

1 HKAWHKAM LABAU 28:20

Hkawhkam Dawi gaw shi a kasha Shawlumon hpe, “Kam sham ai hte myit jahkut daw dan u. Bungli galaw hpang sanu; hpa mung nang hpe myit n daw shangun nga u ga. Ngai daw jau ai dai Madu Karai Kasang gaw nang hte rau rai nga na ra ai. Shi nang hpe kau da na ra ai n rai; shi a Nawku Htingnu galaw na amu shangut shakre lu ai aten du hkra, shi gaw nang hte rau rai nga na ra ai.

NEHEMIA 2:12

Ngai gaw Yerusalem a matu galaw na amu Karai Kasang ngai hpe kaning rai shatsam da sai lam kadai hpe mung n tsun dan nngai. Dai hpang ngai gaw shana yup tung e rawt nna, ngai hte rau nye a manaw manang nkau mi hpe woi nna pru mat wa nngai. Ngai jawn ai lawze hpe chyu sha anhte woi mat wa ga ai.

NEHEMIA 4:2

Shi gaw shi a manaw manang ni hte Samari hpyen hpung ni hpe, “Ndai matsan mayan re ai Yuda masha ni shanhte galaw nga ai amu hpe hpa baw zawn nawn nga ma ai kun? Shanhte gaw mare bai gaw gap na matu yaw ma ai kun? Shanhte gaw shagu hkungga ni hpe nawng ya let lani jan hta sha galaw shangut lu na zawn myit nawn da nga ma ai kun? Shanhte gaw hkru mat sai nlung shingyun sumpum ni hta na nlung ni hte kaning rai gaw gap lu na rai ma ta?,” ngu nna tsun wu ai.

NEHEMIA 4:6

Dai rai nna anhte gaw bunghku hpe bai matut gaw da ga ai; amyu masha ni mung myit katu ai hte galaw ma ai majaw kade n na yang tsaw de ka-ang hkup ngut wa sai.

YOBA 10:21

Ngai gaw kade n na yang sa mat wa nna galoi mung nhtang wa na n rai- dai shara gaw nsin hte myit kaji garen re ai ga,

YOBA 10:22

sin mak ai, si ai shingnip hte kashuk kashak nga ai ga, nhtoi hkum nan sin ai shara rai nga ai.

YOBA 21:13

Shanhte gaw ngwi pyaw sim sa ai hte nga lu nna, nni nkri n hkrum sha ai sha atsin sha si wa ma ai.

SHAKAWN KUNGDAWN 6:5

Katsan ga e, nang hpe dum nga ma ai n rai; kadai mung, dai shara hta nang hpe shakawn lu ma ai n rai.

GA SHAGAWP 3:28

Na a htingbu wa hpe ya jang nang lu karum nga ninglen, hpawt de du hkra la shangun ai lam, galoi mung hkum tsun et.

HPAJI NINGLI 11:3

Hpun gaw gara man maga de rai tim kadawng daw dat ai maga de taw nga ai. Sumwi ni tup rai nga yang marang htu nga ai.

HPAJI NINGLI 11:6

Na a nli hpe jahpawt manap e gat u; shana de mung gat u. Dai ni yawng atsawm sha tu ai kun? Shara mi hte shara mi gat da ai shara hta gara mahtang grau kaja ai kun? Nang galoi mung n chye ndai.

ESAIA 38:10

Ngai gaw asak hpungngang aten e Katsan ga de sa mat wa nna Galoi mung asak bai hkrun na n rai ni ai ngu myit nawn la nngai.

YEREMIA 29:13

Nanhte gaw ngai hpe myit masin mahkra hte hkan tam myit dai majaw, ngai hpe mu tam na marin dai.

BU HKAWM 13:30

Mawshe hpe aput nga ai amyu masha ni hpe shazim na matu Hkaleb mahtang, “Anhte ya jang htim gasat nna dai mungdan hpe madu la saga; dai mungdan hpe dang la lu na n-gun atsam anhte hta alaw wa lu nga ga ai,” ngu nna tsun wu ai.

MAHTE 20:7

Shanhte gaw, ‘Kadai mung anhte hpe n saw mi ai,’ ngu mu ai. Shi gaw, ‘Nanhte mung dai sun de sa wa masu,’ ngu mu ai.

MAHTE 6:33

Shing rai na malai nanhte gaw, shi a mungdan hte shi a ding hpring ai lam hpe shawng tam nga mu; shaloi dai kaga ra ai nlang hte hpe shi nanhte hpe kahtap jaw na marin dai.

YAWHAN 4:34

Dai rai nna Yesu gaw, “Ngai hpe shangun dat ai wa a myit ra ai hku hkan galaw na hte shi ap ya da ai magam bungli ngut kre hkra galaw na lam gaw nye a sha hpa rai nga li ai.

YAWHAN 5:4

(Karai Kasang a lamu kasa langai mi gaw jahkring jahkring sha hka lawng de yu sa nna hka hpe shamu shangun wu ai rai nna, dai masha ni gaw hka shamu wa na hpe la nga ma ai. Shing rai hka shamu wa ai hte rau shawng nnan hka lawng de shang lu ai wa gaw ana ahkya mat nga malu ai)

YAWHAN 9:4

Shani ninghtoi naw rai nga dingsa gaw, ngai hpe shangun dat ai wa a magam amu hpe anhte gun hpai nga lu na rai nga ai. Kadai mung amu n gun n hpai lu ai shana ahkying du na ra ai.

ROMA 12:11

Lagawn lamawn n re ai sha magam bungli hpe n-gun lapyin dat let shakut shaja galaw nga mu. Tup hkrak maju jung ai myit masin hte dai Madu a bungli hpe agalaw nga mu.

1 KORINHTU 15:10

Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

1 KORINHTU 16:10

Lama wa Timohti nanhte kaw du sa wa dam a yang gaw, shi hta hkrit tsang ai lam n nga ai sha nanhte hte rau nga nga lu u ga, shi hpe kabu gara hkap tau hkalum la mu; hpa majaw nga yang, shi gaw ngai hte maren dai Madu a magam bungli gun hpai nga ai wa rai nga ai.

1 KORINHTU 9:24

Gat shingjawng ai shara e yawng mayawng gat ma ti mung, marai langai wa chyu sha dang ai kumhpa lu la nga ai hpe nanhte kaja wa chye nga myit dai. Dai rai nna, nanhte dang ai kumhpa lu la hkra gat shingjawng nga mu.

1 KORINHTU 9:26

Dai majaw ngai gaw gat shadu na masat da ai mahkret bandung du hkra, ading sha gat nngai. Ngai gaw tinang a htwi ai lata hpe kaman nbung hpe n htwi lahpawt kau ai htwi sha ai wa hte bung nngai.

EHPESU 5:16

Ya na nhtoi ladaw ni gaw n shawp nga ai majaw, nanhte lu ai ahkaw ahkang shagu hpe atsawm sha akyu rawng hkra jai lang mu.

KOLOSE 3:23

Nanhte hpa galaw ti mung, masha a matu galaw ai zawn n rai, Karai Kasang a matu galaw ai zawn, nanhte a myit masin yawng hte ashaja nga mu.

1 SAMUELA 10:7

Ndai amu ni byin jang, Karai Kasang nang hpe woi galaw ai lam hpa mi rai tim hkan galaw nga u.