HPAJI NINGLI 9:1 - Jinghpaw Common Language Bible 2009

¹ Ndai lam yawng mayawng hte seng ai lam hpe galu galang hte ja ja ngai myit sumru yu ai shaloi, hpaji rawng ai hte ding hpring ai masha ni a magam bungli ni hte hpawn shanhte a tsaw ra myit hte n ju n dawng ai lam ni hpe pyi Karai Kasang hkang nga ai hpe mu nngai. Kadai mung hpang e hpa byin na lam hpe n chye lu nga ai.

Jinghpaw Hanson Version Bible

¹ Dai lam yawng mayawng hpe sumru dinglik yu na matu, ngai myit da ting nga nngai: dinghpring ai wa hte hpaji rawng ai wa, shan a magam bungli hte hpawn, Karai Kasang a lata hta rawng nga ma ai: sumtsaw sumra hkrum na mung, n dawng n yawt hkrum na mung, shinggyim masha n chye lu ai: yawng mayawng gaw shanhte a matu san da nga sai.

HPAJI NINGLI 9:1 ပူးပေါင်းရင်းမြစ်များ

YOBA 12:10

Karai Kasang gaw hkrung mahkrung ni a asak hkrun lam hpe lam madun nga ai; masha shagu a asak mung shi a lata hta rai nga ai.

YOBA 27:12

Rai ti mung, n rai law, hpang jahtum hta, nanhte nan dai lam mu manit dai; dai rai nna hpa majaw dai zawn kaman lila ga shaga nga myit ni?

YOBA 5:8

Ngai lama nang rai taw gaw, Karai Kasang hpang de ngai kayin wa ai hte nye a amu shi hpe ap ya na nngai.

SHAKAWN KUNGDAWN 10:14

Rai ti mung, ru tsang hte nni nkri hpe nang mu mada nna matsing da nga ndai hte karum la na matu, tut nawng e, jin jin rai nga ndai. Dai karum la lam n nga ai masha wa gaw shi hkum nan nang hta ap nawng shamyet shanat nga nna, nang gaw ra kadawn ai ni hpe tut nawng e, karum la nga ndai.

SHAKAWN KUNGDAWN 119:109

Ngai gaw hkrithpa asak hkrun lam hta asak dan hkawm sa na matu, tut nawng e jin jin rai nga nngai; na a tara hpe ngai malap kau we ai n rai.

SHAKAWN KUNGDAWN 31:5

Na a lanu lahku ai chyeju hta nye hkum ngai ap ya de ai. Madu e, nang ngai hpe hkye hkrang la na rai nga ndai, nang gaw sadi sahka re ai Karai Kasang rai nga ndai.

GA SHAGAWP 16:3

Na a bungli masing hta chyeju hpe hkam la lu na matu, dai Madu hpe hpyi nem u; shing rai yang nang galaw ai amu lamang ni hta awng dang wa na ra ai.

HPAJI NINGLI 1:17

Machye machyang hpaji hte angawk angak re ai lam hpe mung, hpaji byeng-ya hte myit n su ai lam hpe mung chye ginhka la na matu, ngai daw dan da ni ai. Rai ti mung, dai mung nbung hpe shachyut ai sha rai nga ai hpe ngai mu nngai.

HPAJI NINGLI 10:14

Angawk ai wa gaw ga tut tut atsun nga ai. Hpang e hpa byin wa na ra ai hpe kadai mung n chye lu nga ai; anhte si mat ai hpang, hpa byin wa na lam kadai mung anhte hpe n tsun dan lu nga ai.

HPAJI NINGLI 7:15

Nye a asak hkrun lam gaw kaman lila nan rai mat sai, rai ti mung dai hta lam magup hpe ngai mu la se ai. Shanhte n hkru n hkra nga ai hte asak hkrung nga lu yang, mai kaja ai masha ni si mat chye nga ai.

HPAJI NINGLI 7:25

Rai ti mung ngai nan chyawm gaw hpaji machye machyang hte sharin achyin ai hta myit jung nga nngai, hpaji byeng-ya tam ai hta mung, nye a ga san ni hpe htai na lam hta mung, tara n lang ai hte myit n su ai gaw kade sha angawk angak re ai amu ni hpe sharin la na matu mung, ngai myit daw dan da nngai.

HPAJI NINGLI 8:14

Rai ti mung, dai gaw lachyum n pru ai ga rai nga ai. Mungkan ga hta hpa byin ai hpe yu yu u; kalang lang ding hpring ai masha ni gaw tara n lang ai ni a ari hpe hkam la chye nga ai; tara n lang ai masha ni mung ding hpring ai ni a shagrau sha-a ai kumhpa hkam la chye nga ai. Dai mung kaman lila rai nga ai ngu, ngai tsun nngai.

HPAJI NINGLI 8:16

Ngai gaw hpaji chye ai wa tai wa lu hkra shakut ai hte ndai mungkan ga hta hpa byin wa nga ai hpe sharin la ai aten shagu, shani shana n lu yup ai hpe ngai dum chye nngai.

HPAJI NINGLI 8:7

Anhte kadai mung hpa byin wa na lam n chye ga ai; anhte hpe tsun dan na masha kadai mung n nga nga ai.

HPAJI NINGLI 9:6

Shanhte a tsaw ra ai lam ni, n ju n dawng lam ni hte ra marit ai lam ni yawng gaw shanhte hte rau si mat nga ai. Shanhte gaw ndai mungkan hta byin hkrum hkra ai hpa lam hta mung galoi mung shang lawm lu sana ma ai n rai.

ESAIA 26:12

Madu e, nang gaw anhte hpe ngamu ngamai lam shakat ya na rai nga ndai, anhte hkam la lu ai arai yawng mayawng hte gaw nang galaw ai amu a akyu chyeju hkrai rai nga ai.

YEREMIA 43:6

lasha, numsha, ma kaji ni hte hkawhkam shayi sha ni hpe woi gahkyin la nna Egutu mung de woi sa mat wa ma ai. Shanhte gaw Yuda mung du Gedalia a lata hta hpyen du Nebuzaradan ap ya ai mung masha mahkra hte hpawn Baruk hte ngai mung lawm rai nna woi mat wa ma ai.

TARA JAHPRANG 33:3

Dai Madu gaw shi a amyu masha ni hpe tsaw ra nga ai rai nna, shi hte seng ai ni hpe makawp maga ya nga ai. Dai rai nna, shi a lagaw nhpang e anhte gum dagup nna shi a hkang da ai ga ni hpe hkan sa ga ai.

2 TIMOHTI 1:12

Dai lam a majaw ndai nni nkri ru yak jam jau ni hpe ngai hkam jan nngai, Rai ti mung nye a kam hpa ai myit gaw ngai hta naw hpring chyat nga ai. Hpa majaw nga yang, ngai kadai wa hpe kam manoi nga nngai gaw ngai chye nga ai hte ngai hpe kam nna nye a lata hta ap tawn da sai dai Kabu Gara Shiga hpe tara jeyang ai Shani Nhtoi du hkra makawp maga mahkyu da ya lu ai n-gun atsam shi hta rawng nga ai ngu nna ngai myit mu myit hkut nga nngai.

1 PETRU 1:5

Dai gaw kam sham ai marang e hpang jahtum ai aten hta dan pru u ga nga nna lajang shajin da sai hkye hkrang la ai chyeju hpe hkam la lu mu ga; Karai Kasang a n-gun atsam hte makawp maga da hkrum nga ai nanhte a matu rai nga ai.

1 SAMUELA 2:9

“Shi gaw sadi sahka myit rawng ai amyu masha ni a asak hkrun lam ni hpe makawp maga ya nga ai, rai ti mung, n hkru ai ni chyawm gaw nsin kata hta hkoi mat na mara ai; masha gaw tinang a atsam hte dang lu ai n rai.