HPAJI NINGLI 8:9 - Jinghpaw Common Language Bible 2009

⁹ Ndai mungkan ga hta byin nga ai amu ni a lam ngai myit sumru yu yang, masha nkau mi daru magam n-gun rawng nna nkau mi mahtang shanhte a npu hta nni nkri hkrum sha nga ai mungkan rai nga ai hpe ngai mu se ai.

Jinghpaw Hanson Version Bible

⁹ Ndai yawng mayawng hpe ngai mu mada nna, nye a myit masin gaw, magam bungli shagu hpe sumru yu nga ai: masha gaw manang wa hpe hkying ladaw mi sha adip arip lu na ahkang nga ai.

HPAJI NINGLI 8:9 ပူးပေါင်းရင်းမြစ်များ

2 HKAWHKAM 25:7

Zedekia yu nga yang, shi a shadang sha ni hpe sat kau ya wu ai. Dai hpang Nebuhkadneza gaw Zedekia a myi hpe achyaw malawk kau shangun nhtawm hpri sumri hte gyit nna Babelon mung de woi mat wa ma ai.

PRU MAT 14:28

Dai hka gaw bai lwi wa nna Israela masha ni hpe hkan shachyut nang ai hpyen leng ni, hkang ai ni hte Egutu hpyen hpung ni yawng hpe ka-up kau nga ai rai nna shanhte hta na langai mi mung n lawt lu nga ai.

HPAJI NINGLI 1:14

Ngai gaw ndai mungkan ga ting hta galaw da ai amu magup shagu hte hpe mu ni ai; ngai nang hpe tsun de ga, dai yawng mayawng gaw kaman lila rai nga ai. Dai gaw nbung hpe shachyut ai zawn rai nga ai.

HPAJI NINGLI 3:10

Karai Kasang anhte a ntsa e mara ya nu ai lit ni li nga ai hpe ngai chye nngai.

HPAJI NINGLI 3:16

Dai hta kaga, ndai mungkan ga hta teng man rap ra ai tara hte ding man ai lam nga ang ai shara hta n hkru ai amu hpe nanhte mu myit dai gaw ngai mung yu matsing da nga nngai.

HPAJI NINGLI 4:1

Dai hpang, ngai gaw ndai mungkan ga hta a byin nga ai n teng n man lam hpe bai yu yu nngai. Dip gamyet sha hkrum nga ai ni hkrap nga ti mung, shanhte hpe kadai mung karum la nga ma ai n rai. Dai dip gamyet sha ai ni mahtang shanhte a hpang maga de daru magam n-gun rawng nga ai majaw kadai mung shanhte hpe n karum la ma ai.

HPAJI NINGLI 5:13

Ndai mungkan ga hta hkrit hpa amu langai naw nga nga ai hpe ngai mu se ai. Masha gaw aten ladaw langai a matu shanhte a gumhpraw hpe mahkawng da ma ai; dai hpe shanhte ra kadawn jang,

HPAJI NINGLI 5:7

Nang yup mang kade mi mu ti mung, nang galaw ai amu kade mi akyu n rawng ti mung, nang kade mi ga shaga ti mung, nang gaw Karai Kasang hpe naw hkrit hkungga lu na rai ndai.

HPAJI NINGLI 5:8

Up hkang ai ni gaw matsan mayan ni hpe dip gamyet zingri zingrat ai hte teng man rap ra ai tara hpe ningdang kau nna shanhte a ahkaw ahkang ni hpe shanut kau ai hpe nang mu yang hkum yu mau et. Du shagu gaw shi a ntsa na wa a makawp maga la ai hkrum nga ai. Shan lahkawng mung grau tsaw ai du ni a makawp maga la ai naw hkrum nga ai.

HPAJI NINGLI 7:25

Rai ti mung ngai nan chyawm gaw hpaji machye machyang hte sharin achyin ai hta myit jung nga nngai, hpaji byeng-ya tam ai hta mung, nye a ga san ni hpe htai na lam hta mung, tara n lang ai hte myit n su ai gaw kade sha angawk angak re ai amu ni hpe sharin la na matu mung, ngai myit daw dan da nngai.

HPAJI NINGLI 7:7

Hpaji rawng ai wa marai langai ngai hpe masu hkalem yang, shi gaw angawk ai wa zawn galaw nga ai. Mayun kumhpa la sha ai rai yang, na a arawn alai hpe jahten kau nga ai.

TARA JAHPRANG 2:30

“Rai ti mung, Hkawhkam Sihon gaw anhte hpe shi a mung hku ga lai wa na ahkang n jaw mi ai. Dai Madu nanhte a Karai Kasang gaw shi a myit shaja ya nhtawm gumlau shangun mi ai majaw shi hpe anhte dang kau ai hte shi a lamu ga la kau ya nna ya du hkra anhte naw madu da nga ga ai.