HPAJI NINGLI 8:8 - Jinghpaw Common Language Bible 2009

⁸ Kadai mung tinang hkum hpe n si shangun lu ai n rai; tinang a si nhtoi hpe htawt sit kau lu ai n rai. Si hkrung si htan gaw hpyen majan kaw na hprawng lawt lu ai n rai, kadai mung n hkru ai amu a shingdu e makoi nga lu ai n rai.

Jinghpaw Hanson Version Bible

⁸ Kadai mung wenyi ntsa e up nna, jahkring da lu ai, n rai; si nhtoi hpe mung, kadai up lu ai, n rai: ndai hpyen majan hta lawt lu na lam n nga ai: tara n lang ai amu gaw, galaw ai wa hpe hkrang la lu ai, n rai.

HPAJI NINGLI 8:8 ပူးပေါင်းရင်းမြစ်များ

2 SAMUELA 14:14

Anhte yawng si na sha rai nga saga ai; anhte gaw ga ntsa e hkaw gamang mat nna mahkawng la n lu ai hka hte she bung mat nga saga ai. Karai Kasang gaw si mat sai wa hpe bai n jahkrung ya wu ti mung, nang hkawhkam wa gaw kaga mung de hprawng mat wa ai masha langai mi hpe sha gaw yawm dik tam la nna bai woi la lu na ndai.

2 HKAWHKAM 7:15

Shanhte gaw Yawdan hka du hkra hkan nang nga ma ai rai nna Suri masha ni hprawng nna kabai kau da ai hpun palawng hte arung arai ni lam dingyang hkan taw nga ai hpe shanhte sa mu ma ai. Dai hpang hkawhkam wa hpang de shanhte nhtang wa nna shiga wa shana ma ai.

YOBA 14:5

Anhte a asak sumri sumdam hpe jau jau daw dan da ya nga sai- anhte gaw shata law law nga lu na ra ai. Nang gaw dai aten ladaw ni hpe masat da ya nga ndai majaw dai gaw galai shai mat wa lu ai n rai.

YOBA 34:14

Karai Kasang gaw nsoi nsa dawm la kau ya ai rai yang,

SHAKAWN KUNGDAWN 89:48

Kadai wa, galoi mung n si n mat mat ai sha, asak hkrung nga lu na rai nga a ta? Masha gaw shi hkum shi lup sung hku de n shang mat wa hkra, gara hku shingdang da lu nga a ni?

SHAKAWN KUNGDAWN 9:17

Tara n lang ai ni hte Karai Kasang hpe nyet kau ai ni yawng a jahtum gaw si hkrung si htan lam rai nga ai.

GA SHAGAWP 12:3

Tara n lang ai gaw shim lum lam hpe n lu la shangun nga ai, rai ti mung, ding hpring ai masha ni chyawm gaw ngang ngang kang kang tsap lu na mara ai.

GA SHAGAWP 14:32

Tara n lang ai masha ni gaw shanhte a n hkru ai bungli hta hkrat sum ai lam hpe shabyin ya nga ai; mai kaja ai masha ni gaw shanhte a ding hpring ai amu hpe makawp maga da nga ai.

HPAJI NINGLI 3:21

Masha a wenyi gaw ntsa de lung wa nna dusat a wenyi gaw ga de yu mat wa ai ngu nna kadai wa hkrak tsun lu nga a ni?

HPAJI NINGLI 8:13

rai ti mung, dai chyawm gaw tara n lang ai wa a matu ngamu ngamai lam rai na ra ai n rai. Shanhte a asak hkrun lam gaw shingnip zawn rai nga ai; Karai Kasang a ga hpe shanhte n madat nga ma ai majaw asak naw kaji yang shanhte si mat na mara ai.”

HPAJI NINGLI 9:12

Na a aten du wa nga ai hpe nang galoi mung chye nga ndai n rai. Ntsa malen u ni gaw mahkam hta akajawng sha lu ai hte nga mung sumgawn hta lu ai zawn byin ang ai n hkru ai aten hta anhte n dum shami mahkam hkam hkrum nga ga ai.

ESAIA 28:15

Nanhte gaw si hkrung si htan hte ga shaka tawn da nna katsan ga hte myit hkrum da ai hta shakawng nga myit dai. Nanhte gaw shim ai shara hta shingbyi lu na matu masu matsa ga hte hkalem hkalau ga ni hta machyu nga ndai majaw, dai lam du wa ai shaloi, nanhte hpe ru yak tsin-yam tsindam kaw na teng teng shangam da na re ngu kam nga myit dai.

ESAIA 28:18

Si hkrung si htan hte nanhte tawn da ai ga shaka gaw hten mat na ra ai; katsan ga hte myit hkrum da ai lam mung shaprai kau hkrum na ra ai. Ru yak tsin-yam tsindam ru kaput yu wa ai shaloi nanhte gaw ka-up kau ai hkrum na rai myit dai.

ESAIA 47:10

“Nang gaw na a n hkru ai amu hta nang nan myit machyu nga ndai; kadai mung nang hpe n mu lu ma ai ngu, nang myit nawn la nga ndai. Na a hpaji byeng-ya hte machye machyang gaw nang hpe lam woi shadam kau nga sai. nang gaw na a kraw kata hta, ‘Ngai gaw Karai Kasang rai nga nngai, ngai hte bung ai mi kadai n nga nga ai,’ nga nna tsun ndai.

1 KORINHTU 15:43

Lup makoi hkrum ai shaloi n tsawm n htap ai hte n-gun n rawng nga ai; hkrung rawt wa ai shaloi, dai gaw tsawm htap ai hte n-gun atsam rawng na ra ai.

2 KORINHTU 13:4

Kaning rai nme law shi gaw n-gun kya ai madang hta wudang hta jen sat kau ai hkrum tim, Karai Kasang a n-gun atsam hte ahkrung nga ai. Anhte mung Hkristu hte langai sha tai ai a jaw e n-gun kya nga ga ai. Rai ti mung nanhte hte matut mahkai ai lam hta anhte gaw Hkristu hte rau ahkrung nga ga ai a jaw e Karai Kasang a n-gun atsam hpe jawm hkam la na ga ai.

HEBRE 9:27

Shinggyim masha shagu gaw kalang mi sha si ra na rai nna, dai hpang Karai Kasang a daw dan ai hkrum na ra ai.