HPAJI NINGLI 8:6 - Jinghpaw Common Language Bible 2009

⁶ Lam magup hpe galaw na matu jaw hkrak ai ahkying aten hte mai ang lam nga nga ai, rai ti mung, anhte mahtang kachyi mi sha she chye nga ga a hka!

Jinghpaw Hanson Version Bible

⁶ Kaning rai nme law, masha wa gaw shoihpa shoirang grai wa hkrum nga ai majaw, shi maw mawn ai lam a matu, ahkying ladaw hte galaw na ginshan hku nga ai:

HPAJI NINGLI 8:6 ပူးပေါင်းရင်းမြစ်များ

YOBA 10:13

Rai ti mung, ya chyawm gaw aten shagu ngai hpe machyi hkra shangun na matu mayun mayaw maw mawn nga ndai hpe ngai chye ni ai.

YOBA 33:17

Karai Kasang gaw shanhte yubak galaw nga ai hpe jahkring kau shangun na matu mung; gumrawng gumtawng ai masha ni tai wa nga ai kaw nna hkye la na matu mung tsun nga ai.

YOBA 33:19

Karai Kasang gaw masha hpe machyi shangun nna mung; shi a hkum hta nchyi nmu jahpring ya let mung shading sharai ya nga ai.

HPAJI NINGLI 11:9

Ramma ni e, nanhte a ram prat hpe kabu gara nga mu. Ramma naw rai nga yang kabu gara nga mu. Nang galaw mayu ai amu hpa hpe mung galaw u. Na a myit sharawng awng ai hku hkan u. Rai ti mung nang galaw ai lam a majaw Karai Kasang nang hpe jeyang na ra ai hpe adum nga u.

HPAJI NINGLI 3:1

Ndai mungkan hta byin ai lam yawng mayawng gaw Karai Kasang lata ai aten ladaw hta byin nga ai.

HPAJI NINGLI 3:11

Shi gaw yawng mayawng a matu jaw hkrak ai aten masat ya nu ai. Shi gaw anhte hpe du na ra ai aten hpe chye na lu ai myit jaw da mani ai, rai ti mung, shi galaw ai amu hpe myit dik hkra chye na hkawn hkrang shangun ai nyan anhte hpe galoi mung n jaw nga ai.

HPAJI NINGLI 3:17

Ngai gaw nye hkum hpe, “Karai Kasang gaw ding man ai hte n hkru ai amu hpe mung jeyang na ra ai, hpa majaw nga yang, amu shagu, arawn alai shagu gaw shi a masat da ai aten hta byin wa na ra ai,” ngu nna tsun nngai.

LUKA 13:25

Nta madu wa rawt nna chyinghka la kau na ra ai; shaloi nanhte shinggan e tsap nga nna, chyinghka akawk let, ‘Madu e, anhte hpe hpaw la mi,’ nga nna hpyi myit yang, dai wa gaw, nanhte kanang na rai myit dai hpe ngai n chye nngai,” nga nna nanhte hpe htan na ra ai.