HPAJI NINGLI 8:5 - Jinghpaw Common Language Bible 2009

⁵ Shi a hkang da ai ga hpe nang madat nga dingsa, nang shim lum nga ndai; hpaji rawng ai wa chyawm gaw dai hpe gara hku galaw na hte galoi aten galaw na chye ginhka nga ai.

Jinghpaw Hanson Version Bible

⁵ Hkang da ai ga hkan ai wa gaw, mara kap na n rai? Hpaji rawng ai wa a myit masin gaw ahkying ladaw hte tara dawdan ai lam chye ginhka nga ai:

HPAJI NINGLI 8:5 ပူးပေါင်းရင်းမြစ်များ

SHAKAWN KUNGDAWN 119:6

Na a hkang da ai tara ni yawng hpe ngai madat mara lu ai rai yang ngai kaya kahpa hkrum na nngai n rai.

PRU MAT 1:17

Rai ti mung shangai karum ai yan mahtang Karai Kasang hpe hkrit hkungga ai yan rai nna hkawhkam wa a hkang da ai ga hpe n madat ai sha, shing rai hkan galaw na malai, shan gaw lasha ni hpe jahkrung da ya nga ma ai.

GA SHAGAWP 12:21

Ding hpring ai masha ni hta n shawp n kap ai lam hpa mung byin hkrum hkra na n rai; rai ti mung, tara n lang ai masha ni gaw ru yak shoi hpa chyu sha hkrum sha nga ma ai.

GA SHAGAWP 17:24

Zai byeng-ya rawng ai masha gaw shamu shamawt lam hpe hpaji rawng ai hku yu shading nga ti mung angawk ai wa chyawm gaw man ang ai de rawt sa wa nga ai.

HPAJI NINGLI 10:2

Hpaji rawng ai wa gaw jaw ai amu galaw nna angawk ai wa shut ai amu chye galaw ai gaw shingra htung tara langai rai nga ai.

HPAJI NINGLI 12:13

Ya ndai lam yawng mayawng shapraw ngut ai hpang, tsun dan na lama mi sha nga sai: Karai Kasang hpe hkrit hkungga u, shi a hkang da ai lam ni hpe madat mara nga u, hpa majaw nga yang dai gaw anhte hpan da hkrum nga ga ai a lam madung rai nga ai.

HPAJI NINGLI 2:14

Hpaji chye ai ni gaw shanhte gara de sa wa nga ai hpe mu lu ma ai, angawk ai ni chyawm gaw mu lu ai n rai.” Rai ti mung anhte yawng a matu ala nga ai hpang jahtum na lam gaw maren rai nga ai hpe ngai chye nngai.

HPAJI NINGLI 8:2

Hkawhkam wa hkang ai hte maren galaw u; Karai Kasang hpe tin shapun re ai ga sadi hpa mung hkum jaw et.

HOSEA 5:11

Israela gaw dip gamyet sha hkrum ai nni nkri hkrum sha nga ma ai; shi gaw jaw ya na hpa n lu ai ni hpe karum na matu shadut nga ai majaw tara ai hku madu da ai shi a lamu ga hpe shamat kau nu ai.

LUKA 20:25

Dai majaw Yesu gaw, “Rai sa, dai rai yang gaw, hkawseng hte seng ai hpe hkawseng hpe jaw mu; Karai Kasang hte seng ai hpe Karai Kasang hpe jaw mu,” ngu nna shanhte hpe tsun mu ai.

KASA 4:19

Rai ti mung Petru yan Yawhan chyawm gaw, “Karai Kasang a ga madat na hta, nanhte a ga madat yang, Karai Kasang a man e mai n mai gaw, nanhte she daw dan yu mu.

KASA 5:29

Petru hte kaga kasa ni gaw, “Anhte gaw masha a ga madat na hta Karai Kasang a ga hpe mahtang madat lu na ga ai.

KOLOSE 1:9

Dai re ai majaw, nanhte a lam na yu ai shani kaw nna, anhte gaw nanhte a matu mara n sim n sa akyu hpyi nga ga ai. Nanhte gaw Karai Kasang a myit ra ai lam hpe chye lu ai nyan hpaji, dai Wenyi e jaw ya ai hpaji byeng-ya yawng mayawng hte machye machyang ni, hte jahpring ya ai hkrum myit ga Karai Kasang kaw anhte akyu hpyi ya nga ga ai.

HEBRE 5:14

Ja ai shahpa chyawm gaw kaba sai ni a matu rai nna, shanhte gaw hkan sa galaw shaman ai hku nna kaja ai hte n kaja ai hpe ginhka maram chye ai ni rai ma ai.