HPAJI NINGLI 8:3 - Jinghpaw Common Language Bible 2009

³ Dai hkawhkam wa gaw shi sharawng awng ai amu hpa mung galaw lu nga ai, dai majaw shi a man kaw nna pru mat wa u; dai zawn re ai hkrit tsang shara hta hkum nga nga et.

Jinghpaw Hanson Version Bible

³ Shi kaw na alawan hkum pru mat wa u; gumlau gumle lam hkum hkan et; shi galaw mayu ai hte maren galaw na ra ai.

HPAJI NINGLI 8:3 ပူးပေါင်းရင်းမြစ်များ

NINGPAWT NINGHPANG 47:9

Yaku gaw, “Bu htawt hkawm ai nye a prat gaw latsa e sumshi ning tup na mat sali ai; dai shaning ni gaw nye a kaji kawa ni a shaning galu bu hkawm ai zawn n re ai sha, kadun ai hte yak la nga li ai,” ngu nna tsun dan wu ai.

GA SHAGAWP 14:29

Nang atsin sha nga ai rai yang, nang hpaji rawng nga ndai; rai ti mung, nang masin kahtet nga ai rai yang, nang gade angawk ai lam hpe chyu sha, nang madun nga ndai.

GA SHAGAWP 24:21

Ngai sha e, dai Madu hpe hkrit kamyin nga u; hkawhkam wa hpe shagrau sha-a nga u, shanhte hte nhtan shai nna gumle gumlau ai masha ni hte hkum kanawn et;

GA SHAGAWP 30:31

bainam, akam asham rai hkawm ai nta u la hte, mung masha ni a man e tsap nga ai hkawhkam ni rai ma ai.

HPAJI NINGLI 10:4

Na a mungdu wa nang hpe masin pawt ai rai yang, bungli kaw na hkum pru mat et; dai hpe nang atsin sha sharang kau ai rai yang, grai sawng ai shut hpyit lam hpe raw dat kau mai nga ai.

ESAIA 48:4

Nang gaw hpri zawn ja nna garai n kapru ai magri mang zawn du ja nga na sakse madun nga ndai gaw ngai chye nngai.

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

Daniela 5:19

Shi gaw nachying galu kaba nga ai rai nna masha amyu baw ni yawng, amyu bawsang ni hte kaga ga amyu myu shaga ai ni yawng hte gaw shi hpe hkrit gari nga ma ai. Shi gaw marai langai ngai hpe sat kau mayu yang, shi galaw nga ai; marai langai ngai hpe jahkrung mayu yang, jahkrung da nga ai. Shagrau sha-a mayu yang, shi shagrau sha-a nna, shagrit kau mayu ai wa hpe shagrit kau nga ai.