HPAJI NINGLI 8:2 - Jinghpaw Common Language Bible 2009

² Hkawhkam wa hkang ai hte maren galaw u; Karai Kasang hpe tin shapun re ai ga sadi hpa mung hkum jaw et.

Jinghpaw Hanson Version Bible

² Karai Kasang man e dagam ai ga hpe tau yu nna, hkawhkam a hkang da ai ga hpe hkan u.

HPAJI NINGLI 8:2 ပူးပေါင်းရင်းမြစ်များ

2 SAMUELA 21:7

Rai ti mung shi hte Yonahtan a lapran chyoi pra ai ga sadi hpe shada da shagrin da nga manu ai majaw, Shawlu a kashu, Yonahtan a kasha Mehpiboshet hpe shalawt da ya wu ai.

1 HKAWHKAM 2:43

Dai she rai yang me, na a ga sadi hpe nang jahten kau nhtawm nye a hkang da ai ga ni hpe hpa majaw n madat n mara kau nit ni?

1 HKAWHKAM LABAU 29:24

Du salang ni yawng hte hpyenla ni, kaga Dawi a shadang sha ni yawng du hkra pyi hkawhkam rai nga sai Shawlumon hta sadi dung nga na lam ga sadi jaw ma ai.

PRU MAT 22:11

rem ya ai wa gaw nawku ai shara de sa nna kaga wa a yam nga hpe shi n lagu la ai lam dagam shaka na rai wu ai. Dai yam nga n lagu la hkrum ai rai yang, arai madu mung hkraw ya ai hte kaga wa mung shi hpe wa ra na wu ai n rai;

GA SHAGAWP 24:21

Ngai sha e, dai Madu hpe hkrit kamyin nga u; hkawhkam wa hpe shagrau sha-a nga u, shanhte hte nhtan shai nna gumle gumlau ai masha ni hte hkum kanawn et;

TITU 3:1

Mungdan up hkang ai ni hte ahkaw ahkang lu ai ni a npu e taw nga nna madat mara nga na matu mung, mai kaja ai magam bungli nga manga hpe galaw na jin jin rai nga na matu mung, na a hpung masha ni hpe shadum nga u.

1 SAMUELA 14:26

Shawlu a dagam dala ga hpe shanhte yawng hkrit nga ma ai majaw, hpun ni hta lagat ntsin hpring hkra rawng nga ti mung, dai hpe kadai mung n sha lu ma ai.