HPAJI NINGLI 8:14 - Jinghpaw Common Language Bible 2009

¹⁴ Rai ti mung, dai gaw lachyum n pru ai ga rai nga ai. Mungkan ga hta hpa byin ai hpe yu yu u; kalang lang ding hpring ai masha ni gaw tara n lang ai ni a ari hpe hkam la chye nga ai; tara n lang ai masha ni mung ding hpring ai ni a shagrau sha-a ai kumhpa hkam la chye nga ai. Dai mung kaman lila rai nga ai ngu, ngai tsun nngai.

Jinghpaw Hanson Version Bible

¹⁴ Bai, dinghta ga ntsa e kaman lila lam langai mi byin pru nga ai; dinghpring ai ni nkau mi gaw, tara n lang ai amu galaw ai ni zawn ari ahpri hkrum ma ai; tara n lang ai ni nkau mi gaw, dinghpring ai amu galaw ai ni zawn, mai kaja ai hkrum ma ai; ngai gaw, Dai mung kaman lila rai nga ai, tsun nngai.

HPAJI NINGLI 8:14 ပူးပေါင်းရင်းမြစ်များ

YOBA 1:22

Lam shagu byin hkrum hkra ti mung, Yoba gaw Karai Kasang hpe mara shagun ai hku nna yubak n galaw nga ai.

YOBA 21:7

Karai Kasang gaw n hkru ai masha ni hpe hpa majaw asak jahkrung da nna, shanhte hpe asak kaba ugut gu ai hte ngamu ngamai shangun ai kun?

YOBA 27:12

Rai ti mung, n rai law, hpang jahtum hta, nanhte nan dai lam mu manit dai; dai rai nna hpa majaw dai zawn kaman lila ga shaga nga myit ni?

HPAJI NINGLI 10:5

Ndai mungkan ga hta n teng n man ai lam langai nga nga ai; dai gaw mung up hkang du ni a majaw byin wa ai n teng n man lam rai nga ai.

HPAJI NINGLI 2:14

Hpaji chye ai ni gaw shanhte gara de sa wa nga ai hpe mu lu ma ai, angawk ai ni chyawm gaw mu lu ai n rai.” Rai ti mung anhte yawng a matu ala nga ai hpang jahtum na lam gaw maren rai nga ai hpe ngai chye nngai.

HPAJI NINGLI 4:4

Masha gaw awng dang na matu hpa majaw amu grai shaja galaw ra ai hpe mung ngai sharin la se ai; dai gaw hpa majaw nga yang, shanhte a htingbu ni lu ai arung arai ni hpe yu manawn ai majaw rai nga ai. Rai ti mung dai gaw kaman lila rai nga ai. Dai gaw nbung hpe shachyut nga ai zawn rai nga ai.

HPAJI NINGLI 4:8

Ndai yang e shi chyu sha nga ai masha langai nga nga ai. Shi gaw shadang sha n lu, kahpu kanau n lu ti mung tut nawng amu galaw nga ai. Shi lu ai sut gan hta galoi mung myit yu dik nga ai n rai. Shi gaw bungli galaw shaja ai hte shi hkum nan pyaw hpa lam hpa hpe mung ningdang kau ai gaw kade a matu rai kun? Dai mung kaman lila hte asak hkrung nga na matu nchyi nmu re ai lam sha rai nga ai.

HPAJI NINGLI 7:15

Nye a asak hkrun lam gaw kaman lila nan rai mat sai, rai ti mung dai hta lam magup hpe ngai mu la se ai. Shanhte n hkru n hkra nga ai hte asak hkrung nga lu yang, mai kaja ai masha ni si mat chye nga ai.

YEREMIA 12:1

“Madu e, ngai nang hte amu dangrang hkat yang; nang ding hpring nga ndai hpe nang sakse madun nga ndai. Timung, ngai gaw nang hpe teng man rap ra ai tara hte seng nna san na nngai. N hkru ai masha ni gaw hpa majaw grai ngamu ngamai nga ma ta? Myit magaw ai masha ni hpa majaw awng dang nga ma ta?

MALAHKI 3:15

Dai hpe anhte mu ai hte maren nga yang, gumrawng gumtawng ai ni gaw kabu gara ai ni rai ma ai. N hkru ai ni gaw ngamu ngamai wa ai sha n-ga, shanhte a n hkru ai arawn alai ni hte Karai Kasang a hkam sharang ai hpe shanhte chyam yu ai hte lawt lu nga ai,’” ngu nna tsun manit dai.