HPAJI NINGLI 8:11 - Jinghpaw Common Language Bible 2009

¹¹ Masha gaw ru hka amu ni hpe hpa majaw aloi loi sha shut hpyit nga a ta? Hpa majaw nga yang, Ru hka amu hpe alawan ari jaw ai n rai.

Jinghpaw Hanson Version Bible

¹¹ N tara ai amu gaw, alawan dawdan n hkrum ai majaw, mung masha ni a myit masin gaw, n hkru ai amu galaw na hpe, grau nna shaja nga ma ai.

HPAJI NINGLI 8:11 ပူးပေါင်းရင်းမြစ်များ

2 SAMUELA 11:15

Dawi gaw, “Gasat gala lam grau nna laja htum ai ai shara ngu na shawng lam de Uria hpe tawn da u; shing rai sat kau ai hkrum mat hkra shawng de shanang sa shangun nhtawm hpyen masha ni hpe chyawm gaw hpang de htingnut mat wa shangun u,” ngu nna ka dat wu ai.

YOBA 24:23

Karai Kasang gaw shanhte hpe shim lum hkra nga shangun nga ai; rai ti mung shanhte hpe aten shagu hkan yu nga ai.

SHAKAWN KUNGDAWN 10:4

Tara n lang ai masha wa gaw Madu a lam hpe hpa zawn n nawn nga ai; Karai Kasang n ra ai nga nna shi a myit hta gumrawng nga lu ai.

SHAKAWN KUNGDAWN 10:6

Shi gaw, “Ngai galoi mung sum na n rai; ngai galoi mung ru tsang hkrum na n rai,” nga nna shi hkum shi tsun nga ai.

SHAKAWN KUNGDAWN 86:15

Rai ti mung, Madu e, nang gaw tsaw ra matsan dum ai Karai Kasang rai nga ndai; nang gaw tut nawng e hkam sharang ai, matsan dum ai hte sadi sahka nga ai wa rai nga ndai.

PRU MAT 34:6

Dai Madu mung shi a man hku lai wa let, “Ngai Madu nan gaw matsan dum ai n-gaw n wai ai myit hpring hkra rawng ai, myit galu kaba nna tsaw ra myit hte sadi sahka ai hpe madun dan ai Karai Kasang rai nga nngai.

PRU MAT 8:15

Hkawhkam wa gaw shu ni si jawng nga ai hpe mu jang, dai Madu tsun da nu ai hte maren, shi a myit masin bai ja wa ai hte Mawshe yan Arun a ga bai n madat ya wu ai.

PRU MAT 8:32

Rai ti mung ndai aten du hkra, hkawhkam wa masin naw ja nga ai rai nna amyu masha ni hpe n dat ya hkraw wu ai.

HPAJI NINGLI 9:3

Yawng a gam maka gaw langai sha hte maren sha rai nga ai. Dai gaw ndai mungkan ga hta byin nga ai lam hpa hte mung shut nga ai. Shinggyim masha ni ahkrung nga dingsa, shanhte a myit mang ai gaw n hkru nna mana angawk ai hte hpring nhtawm akajawng sha shanhte si mat nga ma ai.

ESAIA 26:10

N hkru ai ni hpe nang matsan yu dum ti mung, shanhte gaw jaw ai amu galaw na matu galoi mung n sharin la nga ma ai. Ndai ding hpring ai amyu masha ni a lamu ga hta pyi shanhte gaw shut hpyit ai amu naw galaw ma ai; shanhte gaw na a galu kaba ai lam hpe hkap la na matu ningdang nga ma ai.

ESAIA 57:11

Dai Madu gaw, “Nanhte ngai hpe masu magaw ga tsun nna ngai hpe tsep kawp malap kau na matu nanhte hpe hkrit shangun ai ndai karai ni gaw kadai ni rai nga ma ta? Ngai na na wa atsin sha nga nga nngai majaw nanhte ngai hpe shagrau sha-a nga ai amu hpe jahkring kau myit dai n rai ni?

YEREMIA 48:11

Dai Madu gaw, “Moba gaw tut nawng shim nga lu nna galoi mung maigan mung de bawng dung hkrum yu nga ai n rai. Moba mung gaw shara mi hta asim sha jen bang da ai sabyi ntsin zawn rai nna, namtau langai mi kaw nna langai mi de galoi mung n htawt ru bang ra nga ai. Shi a mu bat gaw galoi mung n hten n mat ai hte shi a namchyim mung mi na hte maren kaja nga ai.